ఉత్తర కొరియాకు షాక్: ఆకస్మిక దాడులకైనా వెనుకాడొద్దు.. ట్రంప్

సిరియాపై దాడి అనంతరం అమెరికా తన దృష్టిని ఉత్తర కొరియా వైపు సారించింది. దుందుడుకు చర్యలతో తమకు పక్కలో బల్లెంలా తయారైన కొరియాకు కళ్లెం వేయాలని అమెరికా అధ్యక్షులు డొనాల్డ్ ట్రంప్ సర్కార్ భావిస్తోంది.

వాషింగ్టన్: సిరియాపై దాడి అనంతరం అమెరికా తన దృష్టిని ఉత్తర కొరియా వైపు సారించింది. దుందుడుకు చర్యలతో తమకు పక్కలో బల్లెంలా తయారైన కొరియాకు కళ్లెం వేయాలని అమెరికా అధ్యక్షులు డొనాల్డ్ ట్రంప్ సర్కార్ భావిస్తోంది.

ఆసియా ఖండంలో అస్థిరత్వ చర్యలకు దిగుతోందన్న కారణంతో కొరియాపై అమెరికా దాడులకు సన్నద్దమవుతున్నట్లుగా తెలుస్తోంది. ఉత్తర కొరియాపై సైనిక చర్య సహా ఆకస్మిక దాడులకు వెనుకాడరాదని ట్రంప్ యోచిస్తున్నారని వైట్ హౌస్ సన్నిహత వర్గాలు పేర్కొన్నట్లు వార్తలు వస్తున్నాయి.

ఉత్తర కొరియాను దారికి తెచ్చే విషంయలో చైనా ముందడుగు వేయాలని ట్రంప్ భావిస్తున్నట్లు చెబుతున్నారు. కొరియా చర్యలపై ఎలా స్పందించాలన్న దానిపై అమెరికా జాతీయ భద్రతా బృందం ఇప్పటికే వ్యూహాలు రూపొందించినట్లు తెలిపారు.

అయితే, ఉత్తర కొరియా ఆదివారం నిర్వహించిన క్షిపణి ప్రయోగం విఫలం కావడంతో అమెరికా కాస్త వెనక్కి తగ్గినట్లుగా తెలుస్తోంది.

శనివారం వార్షిక సైనిక కవాతు సందర్భంగా సరికొత్త క్షిపణులు, వాటి ప్రయోగ వేదికలను ప్రదర్శించి ప్రత్యర్థులకు సందేశాలు పంపించాలని ఉత్తర కొరియా భావించింది. ఈ చర్యను అమెరికా తప్పుబట్టింది. కవ్వింపు, అస్థిరపరిచే చర్యలకు కొరియా దిగుతోందని అమెరికా మండిపడింది.

English summary

In the wake of North Korea's failed medium-range missile test this weekend, President Donald Trump is willing to consider ordering "kinetic" military action, including a sudden strike, to counteract North Korea's destabilizing actions in the region, said a person familiar with the White House's thinking.