8 కార్లలలో క్రెడిట్ కార్డ్స్ దొంగిలించి, మరో కారులో నిద్రపోయాడు, అరెస్ట్

అట్లాంటా: ఓ దొంగ పలు కార్లలో దొంగతనాలు చేసి, ఆ తర్వాత మరో కారులో హాయిగా నిద్రపోయి పోలీసులకు చిక్కిన ఆసక్తికర సంఘటన అట్లాంటాలో చోటు చేసుకుంది. సబర్బన్ అట్లాంటా అధికారులు మాట్లాడుతూ.... ఓ దొంగ ఎనిమిది కార్లలో నుంచి క్రెడిట్ కార్డ్స్, ఐడీ కార్డ్స్ దొంగిలించి, మరో కారులో హాయిగా నిద్రపోయాడని చెప్పారు.

ఈ సంఘటన మంగళవారం ఉదయం జరిగింది. అక్రోత్‌లోని టైసన్ వుడ్స్ నైబర్‌వుడ్ ప్రాంతంలో ఓ దొంగ కార్లలో దొంగిలిస్తున్నట్లుగా పోలీసులకు సమాచారం అందింది. పోలీసులు అంతటా వెతుకుతుండగా ఓ కారులో నిద్రిస్తున్న వ్యక్తి కనిపించాడు. సదరు కారు యజమాని... అతను ఎవరో తనకు తెలియదని, తనకు తెలియకుండా నిద్రపోయాడని చెప్పారు.

అయితే ఆ నిద్రపోతున్న వ్యక్తిని పోలీసులు దొంగగా గుర్తించారు. అతని పేరు టిమోథీ జచారీగా గుర్తించారు. అతను ఎనిమిది కార్లలో దొంగతనం చేసి, ఈ కారులో నిద్రపోయాడని చెప్పారు.

ఎనిమిది కార్లలో క్రెడిట్ కార్డ్స్, ఐడీ కార్డ్స్ దొంగిలించిన ఆ వ్యక్తి నిద్రించాడు. అతని వద్ద వాటన్నింటిని పోలీసులు గుర్తించారు. నిందితుడి వయస్సు 23. అతనిని పోలీసులు అదుపులోకి తీసుకున్నారు.

కాగా, గతంలోను ఇలాంటి సంఘటన జరిగింది. గత ఏడాది నవంబర్ నెలలో ఓ దొంగ ఓ ఇంటిలోకి వెళ్లి దొంగతనం చేసి, ఆ తర్వాత అక్కడే పడుకున్నాడు.

English summary

A man who broke into cars to steal things before falling asleep in one of them and getting arrested. Authorities in suburban Atlanta say a man stole credit cards and IDs from eight cars before he fell asleep in one of them.