Donald Trump: గ్రీన్లాండ్ కోసం డెన్మార్క్ ప్రధానికి ట్రంప్ బెదిరింపులు..
అమెరికా అధ్యక్షుడు డొనాల్డ్ ట్రంప్, డెన్మార్క్ పరిధిలోని గ్రీన్లాండ్ను కొనుగోలు చేయాలనే తన ఆసక్తిని బహిరంగంగా వ్యక్తం చేయడం, రెండు దేశాల మధ్య తీవ్ర వాగ్వాదానికి దారితీసింది. ఈ అంశంపై ట్రంప్, డెన్మార్క్ ప్రధానమంత్రి మెటె ఫ్రెడెరిక్సన్ల మధ్య జరిగిన 45 నిమిషాల ఫోన్ సంభాషణ జరిగింది. గ్రీన్లాండ్ను స్వాధీనం చేసుకునే ఆలోచనలో తాము సీరియస్గా ఉన్నామని ట్రంప్ స్పష్టం చేశారు. అయితే, ఫ్రెడెరిక్సన్ దీనిని ఖారఖండిగా తిరస్కరించారు. గ్రీన్లాండ్ను అమ్మడానికి తమకు ఎలాంటి ఆసక్తి లేదని తేల్చి చెప్పారు.
ఈ ప్రతిపాదనను ఫ్రెడెరిక్సన్ తిరస్కరించడంతో ట్రంప్ ఆమెతో దూకుడుగా మాట్లాడటమే కాకుండా, బెదిరింపులకు కూడా పాల్పడ్డారని సమాచారం. ట్రంప్ సంభాషణ తీరుతో అధికారులు దిగ్భ్రాంతికి గురయ్యారు. డెన్మార్క్ తిరస్కరణకు ప్రతిస్పందనగా అమెరికా చర్యలు తీసుకునే అవకాశం ఉందని కొందరు ఆందోళన వ్యక్తం చేశారు. ఫోన్కాల్లో ట్రంప్ డెన్మార్క్ను సుంకాలతో శిక్షిస్తానని హెచ్చరించినట్లు అంతర్జాతీయ మీడియాల్లో కథనాలు వెలువడ్డాయి.
గ్రీన్లాండ్, డెన్మార్క్లో స్వయంప్రతిపత్తి కలిగిన ఒక దీవి. ట్రంప్ గ్రీన్లాండ్ను కొనుగోలు చేయాలనే ఆలోచనను వ్యక్తం చేయడం ఇదే మొదటిసారి కాదు. 2016లో అధ్యక్షుడిగా ఉన్న సమయంలో కూడా ఆయన ఈ ప్రతిపాదనను తెరపైకి తెచ్చారు. చారిత్రాత్మకంగా చూస్తే, ప్రచ్ఛన్న యుద్ధ సమయంలో అధ్యక్షుడు హ్యారీ ట్రూమాన్ కూడా గ్రీన్లాండ్ను కొనుగోలు చేయాలని ప్రతిపాదించారు. 100 మిలియన్ డాలర్ల విలువైన బంగారాన్ని ఇవ్వడానికి సిద్ధమైనప్పటికీ, డెన్మార్క్ ఆ ప్రతిపాదనను తిరస్కరించింది. ఇటీవల, గ్రీన్లాండ్ ప్రధానమంత్రి మ్యూట్ బౌరప్ ఎగిడే, గ్రీన్లాండ్ అమ్మకానికి లేదని, భవిష్యత్తులో కూడా అమ్మే ప్రసక్తే లేదని స్పష్టం చేశారు.
గ్రీన్లాండ్లో రాగి, లిథియం వంటి విలువైన ఖనిజాలు పుష్కలంగా ఉన్నాయి. బ్యాటరీలు మరియు ఎలక్ట్రిక్ వాహనాలలో వీటి వినియోగం ఎక్కువగా ఉండటంతో అమెరికా ఈ వనరులపై దృష్టి సారించింది. పలు మీడియా సంస్థల అంచనా ప్రకారం, గ్రీన్లాండ్లోని ఖనిజ సంపద విలువ సుమారు 1.1 ట్రిలియన్ డాలర్లు (సుమారు రూ.94 లక్షల కోట్లు) ఉండవచ్చు.
అయితే, జాతీయవాదం, ప్రజాస్వామ్యం మరియు అంతర్జాతీయ చట్టాల దృష్ట్యా ఒక దేశాన్ని కొనుగోలు చేయడం అంత సులభం కాదని నిపుణులు అభిప్రాయపడుతున్నారు. ఒక స్వతంత్ర దేశం లేదా స్వయంప్రతిపత్తి కలిగిన ప్రాంతం యొక్క సార్వభౌమత్వాన్ని డబ్బుతో కొనలేమని వారు వాదిస్తున్నారు. ట్రంప్ యొక్క ఈ ప్రయత్నం అంతర్జాతీయ సంబంధాలలో ఒక ప్రత్యేకమైన మరియు వివాదాస్పదమైన అంశంగా నిలిచింది.
Click it and Unblock the Notifications
Sign in with Google