డొనాల్డ్ ట్రంప్‌కు తొలగిన అడ్డంకి..

Nikki Haley: ఈ ఏడాది.. అమెరికాలో అధ్యక్ష ఎన్నికలు జరుగనున్నాయి. నాలుగేళ్లకోసారి జరిగే ఈ ఎన్నికల పోలింగ్‌ను డిసెంబర్‌లో నిర్వహించే అవకాశం ఉంది. ప్రస్తుతం డెమోక్రటిక్ పార్టీ అధికారంలో ఉందక్కడ. జో బైడెన్ అధ్యక్షుడిగా కొనసాగుతున్నారు. ఆయన పదవీ కాలం ముగియడానికి ఇంకో ఏడెనిమిది నెలలే మిగిలివుంది.

అదే సమయంలో ప్రతిపక్ష రిపబ్లికన్ పార్టీ.. ఎన్నికల కోసం సన్నాహాలు చేపట్టింది. అధ్యక్ష ఎన్నికల్లో పోటీ చేయడానికి మాజీ అధ్యక్షుడు డొనాల్డ్ ట్రంప్‌ను తమ పార్టీ అభ్యర్థిగా ఎన్నుకుంది. ఆయనపై పలు నేరారోపణలు, కేసులు ఉన్నప్పటికీ.. ట్రంప్‌పైనే విశ్వాసం ఉంచింది. 2019 నాటి ఎన్నికల్లో ఓడినప్పటికీ.. మళ్లీ ట్రంప్ అభ్యర్థిత్వం వైపే మొగ్గు చూపడం ప్రాధాన్యతను సంతరించుకుంది.

తమ పార్టీ తరఫున అభ్యర్థిని ఎంచుకోవడానికి అయోవా స్టేట్‌లో రిపబ్లికన్లు నిర్వహించిన ప్రాథమిక ఎలక్టోరల్ ఎన్నికలో డొనాల్డ్ ట్రంప్ ఘన విజయం సాధించిన విషయం తెలిసిందే. దీని తరువాత పరిణామాలు శరవేగంగా మారిపోయాయి. అప్పటి వరకు అభ్యర్థి ఎన్నికల్లో నిలిచిన రాన్ డీశాంటీస్, వివేక్ రామస్వామి తప్పుకొన్నారు. నిక్కీ హేలీ మాత్రమే ట్రంప్‌తో పోటీ పడ్డారు.

తాజాగా నిర్వహించిన ఎన్నికలో ఆమె సైతం ఓడిపోయారు. దీనితో తన అభ్యర్థిత్వాన్ని ఉపసంహరించుకున్నారు నిక్కీ హేలీ. కొద్దిసేపటి కిందటే ఆమె ఈ విషయాన్ని ప్రకటించారు. అధ్యక్ష ఎన్నికల రేసు నుంచి తప్పుకొంటోన్నట్లు తెలిపారు. డొనాల్డ్ ట్రంప్‌కు సంపూర్ణ మద్దతు ఇస్తోన్నట్లు ప్రకటించారు.

ఎన్నికల రేసు నుంచి తప్పుకొన్నప్పటికీ.. తన గళాన్ని వినిపిస్తూనే ఉంటానని, డొనాల్డ్ ట్రంప్ తరఫున ప్రచార కార్యక్రమాల్లో విస్తృతంగా పాల్గొంటానని నిక్కీ హేలీ అన్నారు. అమెరికా వ్యాప్తంగా పర్యటిస్తానని తెలిపారు. ట్రంప్ ఎన్నికల టీమ్‌లో కీలకంగా వ్యవహరిస్తాననీ పేర్కొన్నారు. ఈ సందర్భంగా ఆమె ట్రంప్‌‌కు శుభాకాంక్షలు తెలియజేశారు.

English summary

Nikki Haley announced she was suspending her 2024 presidential campaign Wednesday morning, after suffering disappointing losses across the country.