కుక్కల జనాభాలో భారత్ ఏ స్థానంలో ఉంది? ఆశ్చర్యపరిచే వాస్తవాలు!
ప్రపంచవ్యాప్తంగా కుక్కలను మనిషికి అత్యంత విశ్వసనీయమైన మిత్రుడిగా భావిస్తారు. అయితే ప్రపంచంలోని ఏ దేశంలో ఎక్కువ కుక్కలు ఉన్నాయో తెలుసా? కుక్కల జనాభా ఎక్కువగా ఉన్న దేశాల జాబితాలో భారత్ ఒక్కటే కాదు.. చాలా దేశాలు మనకంటే ముందున్నాయి. తాజా నివేదికల ప్రకారం.. ప్రపంచంలో అత్యధిక కుక్కల జనాభా అమెరికాలో ఉంది. ఆ తర్వాత బ్రెజిల్, చైనా, జపాన్ వంటి దేశాలు ఉన్నాయి. భారత్ ప్రస్తుతం కుక్కల సంరక్షణ, పెంపుడు జంతువుల సంస్కృతిలో వెనుకబడి ఉంది.
కుక్కల జనాభా.. భారత్ స్థానం
భారత్లో కుక్కల జనాభా సుమారు 1.04 కోట్ల నుంచి 1.2 కోట్ల వరకు ఉందని అంచనా. అయితే ఇందులో ఎక్కువ శాతం వీధి కుక్కలే. అభివృద్ధి చెందిన దేశాలతో పోలిస్తే భారత్లో పెంపుడు కుక్కల సంస్కృతి ఇంకా ప్రారంభ దశలోనే ఉంది. దీనికి ప్రధాన కారణాలు ప్రజలలో అవగాహన లేకపోవడం, సరైన పశు సంరక్షణ సేవలు అందుబాటులో లేకపోవడం వల్ల పట్టణ ప్రాంతాల్లో వీధి కుక్కల సమస్య పెరుగుతోంది.
ప్రపంచంలో అత్యధిక కుక్కల ఉన్న 10 దేశాలు
1. అమెరికా -9 కోట్లు
2.బ్రెజిల్ - 5.5 కోట్లు
3.చైనా-5.4 కోట్లు
4. జపాన్- 2 కోట్లు
5.రష్యా-1.7 కోట్లు
6. యునైటెడ్ కింగ్డమ్ -1.2 కోట్లు
7.భారత్ - 1.1 కోట్లు
8. జర్మనీ - 1.03 కోట్లు
9.అర్జెంటీనా -ఒక కోటి
10. స్పెయిన్ - 93 లక్షలు
భారత్లో వీధి కుక్కల సమస్య
భారత్లో వీధి కుక్కల సమస్య ఇప్పుడు ఒక పెద్ద సామాజిక, రాజకీయ చర్చకు దారితీసింది. పశు హక్కుల సంస్థలు కుక్కలకు కూడా జీవించే హక్కు ఉందని వాదిస్తుంటే, సాధారణ ప్రజలు సురక్షితమైన వీధులు కావాలని కోరుతున్నారు. సుప్రీంకోర్టు ఇటీవల ఢిల్లీ-ఎన్సీఆర్లో వీధి కుక్కులను పట్టుకుని వాటికి ఆపరేషన్లు చేసి వాటిని ఆశ్రయాలకు పంపాలని ఆదేశించింది. రాజస్థాన్ హైకోర్టు కూడా వీధి కుక్కల బెడదను అరికట్టాలని మున్సిపల్ సంస్థలను ఆదేశించింది. కుక్కల కాటు, మరణాల ఘటనలను కోర్టు తీవ్రంగా పరిగణించింది.
ఈ సమస్యకు సమతుల్య విధానం అవసరం. కుక్కల సంరక్షణ, జనాభా నియంత్రణ కోసం భారత్ అమెరికా వంటి దేశాల నుండి నేర్చుకోవాలి. పెంపుడు కుక్కలను ప్రోత్సహించడంతో పాటు, వీధి కుక్కల సమస్యకు శాస్త్రీయ పరిష్కారాలను కనుగొనడం చాలా అవసరం.
Click it and Unblock the Notifications
Sign in with Google