అంతరిక్షంలోకి కండోమ్స్.. ఎందుకో తెలుసా?

స్వీడన్ : ప్రపంచవ్యాప్తంగా కండోమ్ పై అవగాహన పెంచాలనే ఉద్దేశ్యంతో స్వీడన్ కు చెందిన ఓ ఎన్జీవో సంస్థ ఓ వినూత్న నిర్ణయాన్ని తెరపైకి తీసుకొచ్చింది. నాసా ద్వారా కండోమ్ లను అంతరిక్షంలోకి పంపించాలన్నది ఆ ఎన్జీవో సంస్థ ఆలోచన. ఇప్పటిదాకా ఎన్నో రకాల వస్తువులను అంతరిక్షంలోకి పంపించిన నాసాను కండోమ్స్ ను కూడా అంతరిక్షంలోకి తీసుకెళ్లాల్సిందిగా ఆ సంస్థ కోరింది.

కండోమ్ అవసరాన్ని ప్రపంచమంతటికీ చాటి చెప్పేందుకే ఈ ప్రతిపాదన తీసుకొచ్చింది సదరు ఎన్జీవో సంస్థ. కండోమ్స్ ను స్పేస్ లోకి పంపించడం ద్వారా ఏలియన్స్ కూడా కండోమ్స్ గురించి తెలుసుకునే అవకాశముందని చెబుతున్నప్పటికీ.. అసలు ఉద్దేశ్యం మాత్రం కండోమ్ పై అవగాహన కల్పించేందుకేనని తెలుస్తోంది. అవగాహన రాహిత్యం వల్ల ప్రతీ ఏటా సుమారు మూడు లక్షల మంది అమ్మాయిలు ప్రెగ్నెన్సీ, డెలివ‌రీ, సురక్షితం కానీ అబార్షన్ల వల్ల మరణిస్తుండడంతో ఈ వినూత్న చర్య ద్వారా కండోమ్ పై ప్రజల్లో అవగాహన తీసుకురావాలని ప్రయత్నిస్తోంది స్వీడన్ ఎన్జీవో సంస్థ.

English summary

Sweden wants everyone talking about contraceptives. So in a voice-over video message to NASA, the Swedish Association for Sexuality Education (RFSU) points out that the US has a long history of sending objects into outer space, and then proposes that NASA get to work on launching, well, a condom