• search
  • Live TV
కరీంనగర్ వార్తల కోసం
నోటిఫికేషన్స్ పై క్లిక్ చేయండి  

బరిలో ఉన్నది వీరే.. హుజురాబాద్, బద్వేలు లెక్క ఇదీ

|

తెలంగాణ‌, ఆంధ్ర‌ప్ర‌దేశ్‌లో ఉప ఎన్నిక‌లకు సంబంధించి నామినేష‌న్ల ప‌రిశీల‌న పూర్తైంది. క‌డ‌ప జిల్లా బ‌ద్వేల్ ఉప ఎన్నిక కోసం మొత్తం 27 నామినేష‌న్లు దాఖ‌ల‌వ్వ‌గా అందులో 9 నామినేష‌న్ల‌ను తిర‌స్క‌రించారు. దీంతో బ‌ద్వేల్‌లో 18 మంది బ‌రిలో ఉన్నారు. ఇటు క‌రీంన‌గ‌ర్ జిల్లా హుజురాబాద్ ఉప ఎన్నిక కోసం 61 నామినేష‌న్లు దాఖ‌లు కాగా, ఇందులో 19 నామినేష‌న్ల‌ను అధికారులు తిర‌స్క‌రించారు. దీంతో హుజురాబాద్ ఉప ఎన్నిక బ‌రిలో 42 మంది అభ్య‌ర్థులు నిలిచారు. ఈట‌ల పేరుతో ఉన్న ముగ్గురి నామినేష‌న్ల‌ను అధికారులు తిర‌స్క‌రించారు. ఈ నెల 13 వ తేదీ వ‌ర‌కు నామినేష‌న్ల ఉప సంహ‌ర‌ణ‌కు గ‌డువు ఉండ‌టంతో మ‌రికొంత మంది నామినేష‌న్ల‌ను ఉప సంహ‌రించుకునే అవ‌కాశం ఉంది.

 candidates race in the huzurabad and badvel

హుజూరాబాద్ ఉప ఎన్నికకు కేంద్ర ఎన్నికల కమిషన్‌ మంగళవారం షెడ్యూల్‌ విడుదల చేసింది. అక్టోబర్ 1న నోటిఫికేషన్ విడుదల చేశారు. అక్టోబర్ 8వరకు నామినేషన్ దాఖలుకు చివరి తేదీగా నిర్ణయించారు. అక్టోబర్ 11న నామినేషన్ల పరిశీలిస్తారు. నామినేషన్ల ఉపసంహరణకు చివరి తేదీ అక్టోబర్ 13గా ప్రకటించారు. అక్టోబర్ 30వ తేదీన ఎన్నికల నిర్వహిస్తారు. నవంబర్ 2వ తేదీ ఓట్ల లెక్కింపు జరిపి ఫలితాలను ప్రకటిస్తారు.

హుజురాబాద్‌లో విజయం టీఆర్ఎస్- బీజేపీకి తప్పనిసరి. గెలుపు కోసం ఆ రెండు పార్టీలు తీవ్రంగా కృషి చేస్తున్నాయి. అధికార పార్టీకి విజయం కంపల్సరీ.. లేదంటే మొహం చూపించుకునే పరిస్థితి ఉండదు. ఇక బీజేపీ పరిస్థితి అయితే మరీ దారుణం.. పార్టీకి పెద్దగా ఇబ్బంది ఉండకపోవచ్చు కానీ.. అభ్యర్థి ఈటల రాజేందర్‌కు మాత్రం జీవన్మరణ సమస్యే.. ఎందుకంటే ఆయన ఓడిపోతే రాజకీయంగా కోలుకోలేని దెబ్బ.. ఇక రాజకీయాల నుంచి తప్పుకోవాల్సిన పరిస్థితి ఏర్పడుతోంది. మరీ హుజురాబాద్ ప్రజలు ఏం తీర్పు చెప్పనున్నారో చూడాల్సిందే.

హుజురాబాద్ బై పోల్ నేపథ్యంలోనే దళితబంధు పథకం తెరపైకి వచ్చింది. పథకంపై విపక్షాలు గుర్రు మంటున్నాయి. దళితులు ఇప్పుడే గుర్తుకొచ్చారా అని అడుగుతున్నారు. ఎన్నికలు/ బై పోల్ నేపథ్యంలో వారు గుర్తుకు వస్తారా అని అడుగుతున్నారు. లేదంటే బడుగు బలహీన వర్గాలు గుర్తుకురారా అని ప్రశ్నించారు. సీఎం కేసీఆర్ చెప్పే అబద్దాలను ప్రజలు వినే స్థితిలో లేరని చెప్పారు. వారు అన్నీ గమనిస్తున్నారని వివరించారు. చేసిన న్యాయ, అన్యాయలను గుర్తుకు ఉంచుకుంటారని తెలిపారు. సమయం చూసి బుద్ది చెబుతారని.. బై పోల్‌లో గుణపాఠం తప్పదని అంటున్నారు. కానీ అధికార పార్టీ మాత్రం సంక్షేమ పథకాలే తమ పాలిట విజయం చేకూరుస్తాయని చెబుతున్నారు. తాము చేసిన పనులే.. విజయానికి నాంది పలుకుతాయని తెలిపారు. దళిత బంధు ఇతర పథకాలపై ప్రభుత్వం.. ఏమీ చేయడం లేదని ప్రతిపక్షాలు గట్టి నమ్మకంతో ఉన్నాయి. అయితే హుజురాబాద్ ఉప ఎన్నికలో ప్రజలు ఏ వైపు ఉంటారో చూడాలీ మరీ. టీఆర్ఎస్ లేదా.. విపక్షాల వైపు చూస్తారో చూడాలీ మరీ.

English summary
candidates race in the huzurabad and badvel list here.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X