మరోసారి బాలినేని అసంతృప్తి: డీజీపీకి లేఖ.. వైసీపీలో కలకలం

ఒంగోలు: మాజీ మంత్రి, వైఎస్ఆర్ కాంగ్రెస్ పార్టీకి చెందిన ఒంగోలు శాసన సభ్యుడు బాలినేని శ్రీనివాసరెడ్డి అసంతృప్తి వైఖరి కొనసాగుతోంది. ఇప్పటికే పలు సందర్భాల్లో ఆయన తన అసంతృప్తిని బయటపెట్టారు. సొంత పార్టీకే చెందిన కొందరు నేతల తీరు, అధికార, పోలిసు యంత్రాంగం వ్యవహార శైలిని బాహటంగా వ్యతిరేకిస్తోన్నారు. ఈ క్రమంలో పార్టీ రీజినల్ కోఆర్డినేటర్ పదవికీ రాజీనామా చేశారు.

తాజాగా మరోసారి తన అసమ్మతిని తెలియజేశారు బాలినేని. తన గన్‌మెన్లను ప్రభుత్వానికి సరెండర్ చేశారు. ఈ మేరకు రాష్ట్ర పోలిస్ డైరెక్టర్ జనరల్‌ కసిరెడ్డి రాజేంద్రనాథ్ రెడ్డికి లేఖ రాశారు. దీనికి కారణం- ఫేక్ ల్యాండ్ డాక్యుమెంట్స్ స్కాం కేసు. ఈ కేసులో పోలీసుల దర్యాప్తు తీరు పట్ల బాలినేని కొంతకాలంగా అసంతృప్తిగా ఉంటోన్నారు.

ఈ కేసులో దర్యాప్తు సరిగ్గా సాగట్లేదని, దీన్ని వేగవంతం చేయాలంటూ మొన్నీ మధ్యే- జిల్లా పోలీస్ సూపరింటెండెంట్‌కూ బాలినేని శ్రీనివాసరెడ్డి విజ్ఞప్తి చేశారు. ఈ కేసులో ఉదాసీనంగా వ్యవహరించొద్దని, సొంత పార్టీ నేతలు ఉన్నప్పటికీ వదిలిపెట్టొద్దని కోరారు. నకిలీ భూ డాక్యుమెంట్ల వ్యవహారం ప్రభుత్వానికి చెడ్డపేరు తీసుకొస్తుందని భావిస్తోన్నారు బాలినేని.

ఇప్పటికే పలుమార్లు అధికారులకు విజ్ఞప్తి చేసినప్పటికీ- ఫేక్ డాక్యుమెంట్ల స్కామ్ దర్యాప్తు వేగం పుంజుకోకపోవడంతో బాలినేని శ్రీనివాసరెడ్డి ఆగ్రహాన్ని వ్యక్తం చేశారు. పోలీసుల తీరు పట్ల నిరసన తెలియజేస్తూ- తన గన్‌మెన్లను సరెండర్ చేశారు. ఈ మేరకు డీజీపీకి లేఖ రాశారు. గన్‌మెన్లను సరెండర్ చేయడానికి గల కారణాలను వివరించారు.

English summary

Senior leader and YSRCP former minister Balineni Srinivas Reddy surrendered his gunmen to the State Police in the case of faux land paper work in Prakasam district.