Allu Arjun: ఫ్యాన్స్ కు అల్లు అర్జున్ స్వీట్ వార్నింగ్-సంచలన ట్వీట్..!

హైదరాబాద్ సంథ్య థియేటర్ ఘటన నేపథ్యంలో హీరో అల్లు అర్జున్ తీరుపై తెలంగాణలో కాంగ్రెస్ ప్రభుత్వం సీరియస్ గా ఉంది. ఈ సినిమా విడుదల సందర్భంగా జరిగిన తొక్కిసలాటలో ఓ మహిళ చనిపోవడం, ఆమె కుమారుడు ఆస్పత్రి పాలైన ఘటనలపై అప్రమత్తమైన ప్రభుత్వం.. ఈ ఘటనపై కేసులు నమోదు చేసి హీరో అల్లు అర్జున్ ను సైతం జైలుకు పంపింది. ఆ తర్వాత బెయిల్ పై విడుదలైనా..అల్లు అర్జున్ పై సీఎం రేవంత్ రెడ్డి ఫైర్ అవుతూనే ఉన్నారు. దీనిపై నిన్న అల్లు అర్జున్ వివరణ కూడా ఇచ్చారు.

అయినా అల్లు అర్జున్ ఫ్యాన్స్ మాత్రం సోషల్ మీడియాలో ప్రభుత్వం తీరుపై తీవ్రంగా స్పందిస్తున్నారు. ఇంకా చెప్పాలంటే ఫేక్ ఐడీలతో ప్రభుత్వాన్ని, సీఎం రేవంత్ రెడ్డిని టార్గెట్ చేస్తున్నారు. దీనిపై ఇవాళ అల్లు అర్జున్ స్పందించారు. ఈ మేరకు ఎక్స్ లో ఆయన ఓ పోస్టు పెట్టారు. ఇందులో అభిమానులకు అల్లు అర్జున్ ఓ కీలక సూచన చేశారు. ఆన్‌లైన్‌లో మరియు ఆఫ్‌లైన్‌లో ఎలాంటి దుర్వినియోగ భాష లేదా ప్రవర్తనను ఆశ్రయించవద్దని, ఎప్పటిలాగే బాధ్యతాయుతంగా తమ భావాలను వ్యక్తపరచాలని నా అభిమానులందరికీ విజ్ఞప్తి చేస్తున్నాను అంటూ అల్లు అర్జున్ తెలిపారు.

I appeal to all my fans to express their feelings responsibly, as always and not resort to any kind of abusive language or behavior both online and offline. #TeamAA pic.twitter.com/qIocw4uCfk

— Allu Arjun (@alluarjun) December 22, 2024

అభిమానులు తమ అభిప్రాయాలను బాధ్యతాయుతంగా వ్యక్తపరచాలని అల్లు అర్జున్ కోరారు. ఎవరినీ వ్యక్తిగతంగా కించపరిచేలా పోస్టులు పెట్టవద్దని సూచించారు. ఫ్యాన్స్ ముసుగులో ఫేక్ ఐడీ, ఫేక్ ప్రొఫైల్స్‌తో పోస్టులు చేస్తున్నవారిపై చర్యలు తీసుకోబడతాయని అల్లు అర్జున్ హెచ్చరించారు. నెగెటివ్ పోస్టులు చేస్తున్నవారికి అభిమానులు దూరంగా ఉండాలని మరో సూచన కూడా చేశారు. ఇప్పటికే సీఎం రేవంత్ రెడ్డి తనపై చేస్తున్న వ్యాఖ్యలతో ఫ్యాన్స్ కూడా హర్ట్ అయి కౌంటర్లు వేస్తుండటంతో ఈ వ్యవహారం మరో లెవెల్ కు వెళ్లకముందే అల్లు అర్జున్ ఇలా స్పందించినట్లు తెలుస్తోంది.

English summary

Allu Arjun request fans to refrain from filthy language in social media, fake id posts