సజ్జనార్ చెప్పారంటే..హైదరాబాద్ వాహనదారులు అలర్ట్ కాక తప్పదు
వాహనదారులకు హైదరాబాద్ నగర పోలీస్ కమిషనర్ వీసీ సజ్జనార్ పలు సూచనలు చేశారు. అనేక విషయాల్లో ముందు చూపుతో వ్యవహరించాలని సూచించారు. ఎటువంటి మోసాలకు గురి కావొద్దని, అలాంటి వారి బారిన పడొద్దని, డబ్బులు పోగొట్టుకోవద్దని విజ్ఞప్తి చేశారు. ఈ మధ్యకాలంలో ఇటువంటి నేరాలు అధికమౌతోన్నాయని, వీటి గురించి నగర పోలీసులు పదే పదే సూచనలు చేస్తోన్నప్పటికీ- అవి పునరావృతమౌతున్నాయని గుర్తు చేశారు.
నకిలీ ఈ-చలాన్ లింకుల ద్వారా బ్యాంక్ ఖాతా వివరాలు చోరీ అవుతున్నాయని సజ్జనార్ అన్నారు. చలాన్ పెండింగ్ అంటూ ఎస్ఎంఎస్, వాట్సాప్ ద్వారా వచ్చే సందేశాలు, అధికారిక సైట్లను పోలిన లింకుల పట్ల అప్రమత్తంగా ఉండాలని సూచించారు. హైదరాబాద్లో నకిలీ ట్రాఫిక్ చలాన్ మోసాలు ఆందోళనకరంగా పెరుగుతున్నాయని సజ్జనార్ చెప్పారు. హెచ్చరికలు జారీ చేసినప్పటికీ చాలామంది వాహనదారులు, పౌరులు ఈ వలలో పడుతున్నారని అన్నారు.
ఎస్ఎంఎస్ ద్వారా ఫిషింగ్ లింక్లు పంపి, నకిలీ సైట్లకు దారి మళ్లిస్తారని, ప్రజలు నిజమైనవిగా భావించి వివరాలు ఇవ్వగానే, బ్యాంకు ఖాతాలు తక్షణమే ఖాళీ అవుతున్నాయని తెలిపారు. ప్రభుత్వ వెబ్సైట్లు '.gov.in' లేదా '.org' తో ముగుస్తాయని, ఎస్ఎంఎస్ లింక్లతో చెల్లింపులు జరపొద్దని అన్నారు. అధికారిక ఈ-చలాన్ సైట్లో మాత్రమే వివరాలను పొందుపర్చాలని సూచించారు. ఈ లింకులు క్లిక్ చేస్తే మాల్వేర్ ఇన్స్టాల్ కావచ్చు లేదా బ్యాంకింగ్ కార్యకలాపాలన్నీ కూడా చోరీకి గురి అయ్యే ప్రమాదం ఉంది.
ఎస్ఎంఎస్, వాట్సాప్ లేదా సోషల్ మీడియాలో వచ్చే అనుమానాస్పద లింకులను అస్సలు క్లిక్ చేయవద్దని, ప్రభుత్వ విభాగాలు వ్యక్తిగత సందేశాల ద్వారా చెల్లింపు లింక్లను ఎప్పటికీ పంపబోవని వివరించారు. ఓటీపీ, యూపీఐ పిన్, డెబిట్/క్రెడిట్ కార్డ్ వివరాలు లేదా వ్యక్తిగత సమాచారాన్ని అనధికారిక వెబ్సైట్లలో పొందుపర్చవద్దని, యాప్లను అధికారిక ప్లేస్టోర్ నుండి మాత్రమే ఇన్స్టాల్ చేయాలని సజ్జనార్ అన్నారు.
మొబైల్ ఫోన్ను ఎప్పుడూ భద్రతా ప్యాచ్, యాంటీవైరస్ సాఫ్ట్వేర్తో అప్డేట్లో ఉంచాలని సూచించారు. ఒకవేళ సైబర్ మోసానికి గురైతే వెంటనే మొబైల్ డేటా/వైఫై డిస్కనెక్ట్ చేసి బ్యాంకులకు ఈ విషయాన్ని తెలియజేయాలి. లావాదేవీలు/కార్డులను బ్లాక్ చేయాలి. 1930కు డయల్ చేయాలి. www.cybercrime.gov.in లో ఫిర్యాదు చేయాలని, లేదా దగ్గర్లోని సైబర్ క్రైమ్ పోలీసు స్టేషన్ను సంప్రదించాలని ఆయన పేర్కొన్నారు.
-
IPL ప్రారంభం వేళ వారికి సజ్జనార్ హెచ్చరికలు..!! -
మూసీపై బిగ్ స్టెప్- చెప్పిందే చేసిన రేవంత్ -
తెలంగాణాకు వరుణ సందేశం.. ఈ జిల్లాలలో వర్షాలు.. ఎల్లో అలెర్ట్! -
హిట్ కొట్టాడురా సామీ!.. మిస్టరీ థ్రిల్లర్ అదిరిపోయింది..! -
ఈ సినిమా చూస్తే ఈఎంఐల జోలికే పోరు సామి! -
వంట గ్యాస్ బుక్ చేసినా రావటం లేదా, ఇలా చేయండి.. వెంటనే..!! -
ఆసియాలోనే అతిపెద్ద, ప్రపంచంలో నాలుగో అతిపెద్ద విమానాశ్రయాన్ని ప్రారంభించనున్న ప్రధాని మోదీ -
తెలంగాణలో కొత్త అసెంబ్లీ సీట్లు ఇవే, కలిసొచ్చేది ఆ పార్టీకే- అసలు లెక్క..!! -
భారీగా బీర్ల ధరలు పెంపు, ఏ బ్రాండ్ ఎంత.!! -
పద్మవ్యూహంలోకి ట్రంప్ ? ఇరాన్ లో భూతల దాడి నరకమేనా ? -
పెట్రోల్, డీజిల్ ధరలు తగ్గింపు - కేంద్రం అనూహ్య నిర్ణయం, వంట గ్యాస్ రేట్లూ ఇక..!! -
బంగారం ధరల్లో అనూహ్యం- భారీగా రీబౌండ్
Click it and Unblock the Notifications
Sign in with Google