BRS internal war: బీఆర్ఎస్ అభ్యర్థికి బీఆర్ఎస్ సిట్టింగ్ ఎమ్మెల్యే రేఖానాయక్ వార్నింగ్!!

తెలంగాణా రాష్ట్రంలో రాజకీయాలు రసవత్తరంగా మారుతున్నాయి. ఇక బీఆర్ఎస్ పార్టీలో కూడా పార్టీ నేతల మధ్య వార్ రోడ్డున పడి పోరాటాల దాకా వెళ్తుంది. తాజాగా ఖానాపూర్ ఎమ్మెల్యే రేఖ నాయక్, బీఆర్ఎస్ పార్టీ వచ్చే ఎన్నికలకు అభ్యర్థిగా ప్రకటించిన జాన్సన్ నాయక్ పై తీవ్ర స్థాయిలో మండిపడ్డారు.

తనపై కక్షపూరితంగా సొంత పార్టీ నేతలే వ్యవహరిస్తున్నారని, అభివృద్ధి పనులను ఆపివేయిస్తున్నారని ఎమ్మెల్యే రేఖ నాయక్ మండిపడ్డారు. కావాలని ఏ సి డి బి నిధులను అడ్డుకుంటున్నారని ఆరోపించారు. తన నిధులను ఇవ్వకుంటే ఖానాపూర్ చౌరస్తాలో ధర్నా చేస్తానని ఖానాపూర్ ఎమ్మెల్యే రేఖ నాయక్ హెచ్చరికలు జారీ చేశారు.

2.25 కోట్ల రూపాయల నిధులను ఆపివేసి , తనను అణగదొక్కడానికి ప్రయత్నం చేస్తున్నారని ఆమె విమర్శించారు. నిధులు విడుదల చేయకపోతే తాను కచ్చితంగా ఖానాపూర్ చౌరస్తాలో ధర్నా చేస్తానని హెచ్చరికలు జారీ చేశారు. ఖానాపూర్ నియోజకవర్గ అభివృద్ధికి తాను ఎంతగానో పనిచేశానని, వచ్చే ఎన్నికలలో తాను రెబల్ గా నైనా, ఇండిపెండెంట్ గానైనా ఎన్నికల బరిలోకి దిగుతానని ఎమ్మెల్యే రేఖ నాయక్ పేర్కొన్నారు.

అభివృద్ధి పనులను అడ్డుకుంటే ప్రజలు తగిన బుద్ధి చెబుతారని ఆమె అభిప్రాయం వెల్లడించారు. అభివృద్ధి తాను చేస్తే, మిగిలిన వారు గొప్పలు చెప్పుకుంటున్నారని, ఇది సరికాదని ఎమ్మెల్యే రేఖ నాయక్ ఆగ్రహం వ్యక్తం చేశారు. కక్షపూరితంగా అభివృద్ధి పనులను ఆపివేస్తారని నిప్పులు చెరిగారు. ప్రజలు అన్ని గమనిస్తున్నారని, సరైన సమయంలో ప్రజలు సరైన నిర్ణయం తీసుకుంటారని ఎమ్మెల్యే రేఖ నాయక్ పేర్కొన్నారు.

ఇక పోలీస్ అధికారుల పైన అసహనం వ్యక్తం చేసిన రేఖ నాయక్ తన దగ్గర ఉన్న ఎస్ బీ కానిస్టేబుల్స్ ను కూడా తీసివేశారు అని మండిపడ్డారు. ఖానాపూర్ లో మున్సిపల్ చైర్మన్, వైస్ చైర్మన్, పార్టీ అధ్యక్షుడు కావడానికి తాను ఎంతో కృషి చేశానని తెలిపారు. ప్రజలు తనను ఆదరిస్తారని ఆమె ఆశాభావం వ్యక్తం చేశారు.

English summary

BRS sitting MLA Rekha Naik gave a warning to the BRS candidate. She said that if she is prevented from receiving the funds due to him, she will stage a dharna at Khanapur chowrasta.