హైదరాబాద్లో డ్రగ్స్ కలకలం: కోట్ల విలువచేసే కొకైన్ సీజ్; పట్టుబడిన డ్రగ్స్ కింగ్‌పిన్!!

మానవాళి మనుగడకు మాదక ద్రవ్యాలు అత్యంత ప్రమాదకరంగా మారుతున్నాయి.మాదకద్రవ్యాల అక్రమ రవాణా ను కట్టడి చేయడం కోసం ఎన్ని ప్రయత్నాలు చేసినా అవి బూడిదలో పోసిన పన్నీరు నేగా మారుతున్నాయి. ఎక్కడ చూసినా విచ్చలవిడిగా డ్రగ్స్ దొరుకుతున్న పరిస్థితి కనిపిస్తుంది.చిన్నా పెద్దా తేడా లేకుండా డ్రగ్స్ మహమ్మారి బారిన పడుతున్న వారు తెలుగు రాష్ట్రాల్లో పెరిగిపోతున్నారు.

ఇక తాజాగా హైదరాబాద్ లో మరోసారి డ్రగ్స్ కలకలం రేగింది. చాపకింద నీరులా డ్రగ్స్ మాఫియా విస్తరిస్తూనే ఉంది అని చెప్పడానికి తాజాగా అనేక ఘటనలు వెలుగులోకి వస్తున్నాయి.హైదరాబాదులో ఐదుగురి నుంచి 2.5 లీటర్ల హాష్ ఆయనను స్వాధీనం చేసుకుని కనీసం వారం రోజులైనా కాకముందే మళ్లీ తాజాగా కోట్ల విలువ చేసే కొకైన్ ను పోలీసులు పట్టుకోవడం సంచలనంగా మారింది.

డ్రగ్స్ పై ఉక్కుపాదం మోపడానికి పోలీసులు, ఎక్సైజ్ అధికారులు, నార్కోటిక్స్ అధికారులు,రెవెన్యూ ఇంటెలిజెన్స్ అధికారులు శతవిధాల ప్రయత్నం చేస్తున్నప్పటికీ చాప కింద నీరులా డ్రగ్స్ దందా కొనసాగుతోంది. ఎవరికీ పట్టుబడకుండా సీక్రెట్ గా ఈ దందాను చేస్తున్నారు. ఇక తాజాగా హైదరాబాదులో మరో డ్రగ్స్ ముఠా ను సైబరాబాద్ ఎస్వోటీ పోలీసులు చాకచక్యంగా పట్టుకున్నారు. వారి వద్దనుండి కోట్లాది రూపాయల విలువ చేసే కొకైన్ ను సీజ్ చేశారు.

అంతేకాదు డ్రగ్స్ కింగ్ పిన్ తోపాటు మరో నలుగురిని అరెస్టు చేసినట్లుగా సమాచారం.వీరంతా విదేశాల నుండి కొకైన్ తీసుకువచ్చి హైదరాబాదులో విక్రయిస్తున్న క్రమంలో పక్కా సమాచారం మేరకు రంగంలోకి దిగిన ఎస్వోటీ పోలీసులు రెడ్ హ్యాండెడ్ గా వారిని పట్టుకుని కేసు నమోదు చేసి విచారణ జరుపుతున్నారు.

అయితే పోలీసులు పట్టుకున్న ఆ డ్రగ్ కింగ్ పిన్ ఎవరు? ఈ ముఠా ఎంతకాలంగా దందా చేస్తుంది? ప్రధానంగా హైదరాబాదులో ఉన్న ఏ ప్రాంతాలలో వీరు తమ దందాను సాగిస్తున్నారు? వంటి వివరాలను త్వరలోనే పోలీసులు బయట పెట్టే అవకాశం ఉంది.

English summary

Cyberabad SOT police caught another drug gang in Hyderabad. Cocaine worth crores of rupees was seized from them. It is reported that the drug kingpin and four others have been arrested.