Sabitha Indra Reddy: అలిగిన సబితమ్మ..

సాధారణంగా ప్రతి పక్షంలో ఉన్న ప్రజాప్రతినిధులు పట్ల అధికారులు ప్రోటోకాల్ సరిగా ఉండదు. ఈ మధ్య ఏ ప్రభుత్వం ఉన్నా ఇదే జరుగుతోంది. తాజాగా మాజీ మంత్రి, మహేశ్వరం ఎమ్మెల్యే సబితా ఇంద్రారెడ్డి అలిగారు. బోనాల పండుగ చెక్కుల పంపిణీ సందర్భంగా రాష్ట్ర మాజీ విద్యాశాఖ మంత్రి, మహేశ్వరం సిట్టింగ్ ఎమ్మెల్యే సబితా ఇంద్రారెడ్డి ప్రొటోకాల్‌ను పూర్తిగా ఉల్లంఘించారని ఆరోపిస్తూ స్టేజ్ ముందు బైఠాయించారు.

మహేశ్వరంలోని ఖిల్లా మైసమ్మ ఆలయంలో సోమవారం ఈ ఘటన చోటుచేసుకుంది. చెక్కుల పంపిణీ సందర్భంగా భారత రాష్ట్ర సమితి (బీఆర్‌ఎస్) ఎమ్మెల్యేగా సబితా ఇంద్ర రెడ్డి అక్కడి వచ్చారు. అయితే అధికారి మాత్రం కాంగ్రెస్ మహేశ్వరం ఇన్‌చార్జి కిచ్చన్నగారి లక్ష్మా రెడ్డిని సమావేశానికి హాజరు కావాలని అభ్యర్థించారు. దీంతో సబిదా ఇంద్రా రెడ్డి ఆగ్రహ వ్యక్తం చేశారు. ఆమె ఎగ్జిక్యూటివ్ అధికారిని ప్రశ్నించారు.

సబితా ఇంద్రారెడ్డి మద్దతుదారులను ఆలయంలోకి అనుమతించకపోవడంతో బీఆర్ఎస్, కాంగ్రెస్ కార్యకర్తల మధ్య ఘర్షణ జరిగింది. ఇది గందరగోళానికి దారితీసింది. అసెంబ్లీ ఎన్నికల్లో పోటీ చేసి ఓడిపోయిన వ్యక్తులను వేదికపైకి అనుమతించడం ప్రొటోకాల్ ఉల్లంఘనేనని ఆమె నిరసన వ్యక్తం చేశారు. అయితే గతంలో బీఆర్ఎస్ ప్రభుత్వం ఉన్నప్పుడు కాంగ్రెస్ ప్రజా ప్రతినిధులను కూడా గౌరవించలేదని కాంగ్రెస్ నేతలు చెబుతున్నారు.

సబితా ఇంద్రా రెడ్డి ఘటనకు సంబంధించి బీఆర్ఎస్ నేత క్రిశాక్ ఎక్స్ పోస్ట్ చేశారు. "ఆమె 5 సార్లు ఎమ్మెల్యే, ఎప్పుడూ ఓటమిని చూడలేదు. ఆమె తెలంగాణ రాష్ట్ర మంత్రిగా... వేదికపై కూర్చున్న కాంగ్రెస్ నేతలు ఎమ్మెల్యేలు కూడా కాదు...మహిళా ఎమ్మెల్యేకు అక్కడ స్థానం లేదు. ఆమె కూర్చుని ఉంది. ఆమె పేరు సబితా ఇంద్రారెడ్డి" అని ట్వీట్ చేశారు.

She is a 5 Time MLA, Never seen a defeat,
She was Minister of Telangana State…
Those Congress leaders are sitting on Dais are not even MLA’s…
A Woman MLA has no place there,
she is sitting down …

Because she is from Opposition .
Her name is Sabitha Indra Reddy ❗️… pic.twitter.com/BBYRITsQaO

— Krishank (@Krishank_BRS) July 15, 2024

English summary

Former minister Sabitha Indra Reddy expressed anger at the officials. They protested against not following the protocol.