తెలంగాణా ప్రజలకు శుభవార్త.. ఇకపై ఈ స్టేషన్లలోనూ ఆగనున్న ఎక్స్‌ప్రెస్ రైళ్ళు.. వివరాలివే!!

తెలంగాణ రాష్ట్రంలోని రైల్వే ప్రయాణికులకు కేంద్ర రైల్వే శాఖ శుభవార్త చెప్పింది. రైల్వే శాఖకు పదేపదే ప్రయాణికులు చేస్తున్న విజ్ఞప్తుల మేరకు స్పందించిన రైల్వే శాఖ తెలంగాణ రాష్ట్రంలో కొన్ని ఎక్స్ప్రెస్ రైళ్లకు అదనపు హాల్టింగ్ పాయింట్లను ఇస్తున్నట్టు పేర్కొంది. ఈ మేరకు కేంద్ర పర్యాటక శాఖ మంత్రి జి కిషన్ రెడ్డి సోషల్ మీడియా వేదికగా ట్వీట్ చేశారు.

ఇక కిషన్ రెడ్డి చేసిన ట్వీట్ లో అదనపు స్టాప్ పాయింట్లు ఇచ్చిన రైల్వే స్టేషన్లను వెల్లడించారు. సికింద్రాబాద్, హైదరాబాద్, గుంటూరు రైల్వే డివిజన్ల పరిధిలో నడిచే పలు రైళ్లకు తెలంగాణ రాష్ట్రంలోని 14 స్టేషన్లలో అదనపు స్టాప్ లు ఇస్తున్నట్టు పేర్కొన్నారు. అందులో ఒక్క సికింద్రాబాద్ డివిజన్ పరిధిలోనే 9 స్టేషన్లు ఉన్నట్టు కిషన్ రెడ్డి వెల్లడించారు.

ఇక ఆ వివరాల్లోకి వెళితే బల్లార్షా కాజీపేట ఎక్స్ప్రెస్ మందమర్రిలో, కాజీపేట బల్లార్షా ఎక్స్ప్రెస్ రాఘవపురంలో హాల్టింగ్ పాయింట్లుగా నిర్ణయించారు. పూణే కాజీపేట ఎక్స్ప్రెస్ మంచిర్యాలలో, దౌండ్ నిజామాబాద్ ఎక్స్ప్రెస్ నవీపేట లో, భద్రాచలం రోడ్డు బల్లార్ష సింగరేణి మెము ఎక్స్ప్రెస్ బేతంపూడి లో ఆగుతాయన్నారు.

నర్సాపూర్ నాగర్సోల్ ఎక్స్ప్రెస్ మహబూబాబాద్ లో, తిరుపతి ఆదిలాబాద్ కృష్ణ ఎక్స్ప్రెస్ మేడ్చల్ లో, సికింద్రాబాద్ తిరుపతి వందేభారత్ ఎక్స్ప్రెస్ మిర్యాలగూడలో ఆగనున్నట్టు పేర్కొన్నారు. సికింద్రాబాద్ భద్రాచలం రోడ్ కాకతీయ ఎక్స్ప్రెస్ తడికలపూడి లో, రేపల్లె సికింద్రాబాద్ ఎక్స్ప్రెస్ రామన్నపేట, తిరుపతి సికింద్రాబాద్ పద్మావతి ఎక్స్ప్రెస్ నెక్కొండలో హాల్టింగ్ పాయింట్లు ఇచ్చినట్టు వెల్లడించారు.

ఇక గుంటూరు సికింద్రాబాద్ ఎక్స్ప్రెస్ ఉందా నగర్ లో, కాజీపేట బల్లార్షా ఎక్స్ప్రెస్ ట్రైన్ రేచ్ని రోడ్డులో, భద్రాచలం రోడ్డు సికింద్రాబాద్ కాకతీయ ఎక్స్ప్రెస్ బేతంపూడి స్టేషన్లో ఆగనున్నాయని కేంద్ర మంత్రి కిషన్ రెడ్డి తెలిపారు. ఇక రైల్వే శాఖ తాజాగా ఎక్స్ప్రెస్ రైళ్ల స్టాప్ పాయింట్ల విషయంలో తెలంగాణ రాష్ట్రానికి చేసిన మేలు నేపథ్యంలో రైల్వే ప్రయాణికులు రైల్వే శాఖ అధికారులకు కృతజ్ఞతలు తెలుపుతున్నారు.

English summary

Indian Railways said good news to telangana. express trains will also stop at these stations, here are the Details.