కరుణించవా వరుణ దేవా.. హైదరాబాద్ లో దంచికొడుతున్న భారీ వర్షం !

తెలంగాణలో మళ్లీ వర్షాలు కురుస్తున్నాయి. హైదరాబాద్‌ నగరంలోని పలు ప్రాంతాల్లో భారీ వర్షం కురుస్తుంది. కొన్ని ప్రాంతాల్లో వాహనాలు కూడా వరద నీటిలో కొట్టుకుపోయాయి. కొన్ని ప్రాంతాల్లో భారీ నుంచి అతిభారీ వర్షం కురిసే అవకాశం ఉందని తెలంగాణ వెదర్ మ్యాన్ అంచనా వేస్తున్నారు.

ఖైరతాబాద్, పంజాగుట్ట, జూబ్లీహిల్స్, బంజారాహిల్స్, మెహిదీపట్నం సహా పలు ప్రాంతాల్లో భారీ వర్షం కురుస్తుందని ప్రజలు అప్రమత్తంగా ఉండాలని జీహెచ్ఎంసీ సిబ్బంది సూచించారు. పలు రాంతాల్లో కురిసిన వర్షానికి రహదారులపై నీరు నిలిచింది. దీంతో వాహనదారులు రాకపోకలకు అవస్థలు పడుతున్నారు. ఈ నేపధ్యంలో వాతావరణ శాఖ ప్రజలు అప్రమత్తంగా ఉండాలని సూచించింది.

వాతావరణ శాఖ సూచనలు..

టెంట్లు, చెట్లు, మీటల్ పైపు నిర్మాణాల వద్ద నిలుచోవద్దని హెచ్చరికలు జారీ అయ్యాయి. విద్యుత్ స్తంభాలు, నీటిలో మునిగిన ప్రదేశాలకు దూరంగా ఉండాలని సూచించారు. ఇక మంచిర్యాల, ఆదిలాబాద్, కొమరంభీం ఆసిఫాబాద్, నిర్మల్, జయశంకర్ భూపాలపల్లి, ములుగు, భద్రాద్రి కొత్తగూడెం, మహబూబాబాద్ జిల్లాల్లో 10, 11 తేదీల్లో భారీ వర్షాలు పడుతాయని అధికారులు తెలిపారు. ఆ జిల్లాల ప్రజలు అప్రమత్తంగా ఉండాలని సూచించింది. 12, 13, 15 తేదీల్లో ఖమ్మం, సూర్యాపేట, మహబూబాబాద్, వరంగల్, హన్మకొండ, జనగాం, సిద్దిపేట, యాదాద్రి భువనగిరి జిల్లాల్లో భారీ వర్షం కురిసే అవకాశం ఉందని హెచ్చరించింది.

ఉరుములు, మెరుపులు, ఈదురు గాలులతో కూడిన వర్షాలు అక్కడక్కడా కురుస్తాయని భారత వాతావరణశాఖ తెలిపింది. ఆయా జిల్లాలల ప్రజలు అప్రమత్తంగా ఉండాలని హెచ్చరించింది. అలాగే ఆగస్ట్ 15వ తేదీ వరకు రాష్ట్రాల్లోని పలు జిల్లాల్లో భారీ వర్షాలు పడుతాయని హైదరాబాద్ వాతావరణ కేంద్రం పేర్కొంది. అయితే 15వ తేదీన పలు ప్రాంతాల్లో భారీ నుంచి అతి భారీ వర్షాలు కూడా అవకాశం ఉందని హెచ్చరించింది. ఈ మేరకు ఆరెంజ్ హెచ్చరికలు జారీ చేసింది.

HyderabadRains ALERT 4 ⚠️⛈️

As said earlier, MASSIVE DOWNPOURS will gradually reduce by 10.30PM in Core Hyderabad City. Persistent LIGHT - MODERATE showers will continue till midnight in entire Hyderabad City. Please STAY SAFE 🙏

— Telangana Weatherman (@balaji25_t) August 9, 2025

English summary

It is raining again in Telangana. Heavy rain is expected in many parts of Hyderabad city. Telangana Weatherman predicts that there is a possibility of heavy to very heavy rain in some areas.