వామ్మో ఇదేం అరాచకం?.. డబ్బులిస్తే లైవ్‌లో శృంగారం, దంపతులు అరెస్ట్

Hyderabad: డబ్బులివ్వండి.. మా రాసలీలలు చూడండి అంటూ లైవ్ న్యూడ్ వీడియో వ్యాపారం చేస్తున్న దంపతులను అంబర్‌పేట్ టాస్క్‌ఫోర్స్ పోలీసులు అరెస్ట్ చేశారు. ఆ జంట ఆన్‌లైన్‌లో నగ్న వీడియోలను స్ట్రీమింగ్ చేసి వాటిని విక్రయిస్తూ డబ్బు సంపాదిస్తున్నారని పోలీసులు వెల్లడించారు. పక్కా ప్లాన్‌తో ఆన్‌లైన్‌లో తమ వీడియోలు అప్లోడ్ చేస్తూ.. డబ్బు తీసుకుని ప్రజలకు లింక్ పంపుతున్న ఈ వ్యవహారం టాస్క్‌ఫోర్స్ పోలీసు‌ల దాడితో బట్టబయలైంది. ఈ జంట గత 4 నెలలగా "స్వీటీ తెలుగు కపుల్ 2027" అనే పేరుతో ఇన్‌స్టాగ్రామ్, ఇతర ఆన్‌లైన్ ప్లాట్‌ఫారమ్‌లలో తమ న్యూడ్ వీడియోలను ప్రచారం చేస్తున్నారు.

లైవ్ స్ట్రీమింగ్ లింక్‌ల కోసం రూ. 2000, రికార్డెడ్ వీడియో కోసం రూ.500 వసూలు చేసినట్లు పోలీసులు వెల్లడించారు. ఇదిలా ఉండగా.. వీడియో షూట్ కోసం వారి ఇంట్లో ప్రత్యేకంగా కెమెరాలు, లైటింగ్, లైవ్ స్ట్రీమింగ్ పరికరాలతో కూడిన సెటప్ ఏర్పాటు చేసుకున్నట్లు దర్యాప్తులో తేలింది. ఈ జంట గత 4 నెలలుగా ఈ దందా నడిపిస్తున్నట్లు దర్యాప్తులో తెలిసింది. టాస్క్‌ఫోర్స్ బృందం గోప్య సమాచారం ఆధారంగా వారి ఇంటిపై దాడి చేసి కెమెరాలు, స్ట్రీమింగ్ పరికరాలను స్వాధీనం చేసుకున్నారు. పోలీసులు ఆ దంపతులను అదుపులోకి తీసుకుని సంబంధిత ఐటీ చట్టాల కింద కేసు నమోదు చేశారు.

41 ఏళ్ల వ్యక్తి, అతని 37 ఏళ్ల భార్యను డబ్బు కోసం మొబైల్ యాప్‌లో తమ శృంగార చర్యలను లైవ్ స్ట్రీమ్ చేశారని పోలీసుల దర్యాప్తులో తేలింది. పోలీసుల ప్రకారం, సులభంగా డబ్బు సంపాదించడానికి ఈ చర్యలో పాల్గొన్నట్లు ఆ దంపతులు అంగీకరించినట్లు సమాచారం. ఆ వ్యక్తి వృత్తిరీత్యా క్యాబ్ డ్రైవర్.ఈ దంపతులు తమ శృంగార చర్యల లైవ్ స్ట్రీమింగ్, రికార్డ్ చేసిన వీడియోలను యాప్ వినియోగదారులతో, ఎక్కువగా యువకులతో పంచుకునేవారని పోలీసులు తెలిపారు. లైవ్ వీడియోకి రూ. 2,000 వసూలు చేయగా, రికార్డ్ చేసిన క్లిప్‌ను రూ. 500కి విక్రయించేవారు.ఈ రాకెట్ ద్వారా భర్త ఒక్కడే సంపాదించే దానికంటే ఎక్కువ డబ్బు దంపతులు సంపాదించారని పోలీసులు తెలిపారు. వారు తమ గుర్తింపును దాచడానికి లైవ్ స్ట్రీమింగ్ సమయంలో మాస్కులు కూడా ధరించినట్లు సమాచారం. వారిద్దరి వెనుక ఏదైనా మాఫియా రాకెట్ ఉందా అనే కోణంలోనూ విచారిస్తున్నారు.

English summary

A Hyderabad couple was arrested for allegedly streaming live nude content and selling erotic videos online for money. Police seized equipment and filed a case under cyber laws.