అశ్లీల నృత్యాలు: ఊర్వశి బార్ అండ్ రెస్టారెంట్ లైసెన్స్ రద్దు

హైదరాబాద్: సికింద్రాబాద్‌లోని ఊర్వశి బార్​ అండ్​ రెస్టారెంట్‌​ను బేగంపేట ఎక్సైజ్​ పోలీసులు మూసివేయించారు. ఇటీవల బార్‌​లో అశ్లీల నృత్యాలు చేస్తుండగా 30 మంది అమ్మాయిలతో పాటు 60మంది కస్టమర్లని పోలీసులు పట్టుకున్నారు. తాజాగా, ఆ బార్​ యాజమాన్యంపై కేసు నమోదు చేసి లైసెన్సును రద్దు చేయించారు.

ప్రభుత్వ నిబంధనలు ఉల్లంఘించి బార్స్​, రెస్టారెంట్​లు నడిపితే చర్యలు తప్పవని హెచ్చరించారు. కాగా, ఇటీవల బార్​ అండ్ రెస్టారెంట్​, స్పా సెంటర్ల పేరిట చట్టవ్యతిరేక వ్యాపారాలు మొదలెట్టి అమ్మాయిలను వ్యభిచార ఊబిలోకి దింపుతున్నారు. డబ్బుపై మక్కువతో ప్రభుత్వ నిబంధనలు పాటించకుండా ఇష్టానుసారంగా బార్​లు, రెస్టారెంట్​లు, స్పా సెంటర్లు వంటి వ్యాపారాలను నడుపుతున్నారు.

ఇతర రాష్ట్రాల నుంచి అమ్మాయిలు, నిరుద్యోగులకు డబ్బు ఆశ చూపించి ఇలాంటి చర్యలకు పాల్పడుతున్నారు. ఈ క్రమంలో ఈ వ్యవహారాలపై పోలీసులు ప్రత్యేక దృష్టిసారించారు. ముఖ్యంగా హైదరాబాద్ నగరం​లో తనిఖీలను ముమ్మరం చేశారు.

లైసెన్సు లేకుండా బార్లు నడిపినా, అమ్మాయిలను ఇలాంటి వ్యాపారాలకు ఉపయోగించినా, ప్రభుత్వ నిబంధనలను ఉల్లంఘించిన వారిపై చర్యలు తీసుకుంటున్నారు. యాజమాన్యంపై కేసులు నమోదు చేసి, లైసెన్సు రద్దు చేస్తున్నారు. ఇటీవల పోలీసులు వ్యభిచార ముఠాల గుట్టును రట్టు చేసిన విషయం తెలిసిందే.

English summary

Urvasi Bar And Restaurant License Cancelled by Excise Police in Hyderabad, due to obscene dance.