రాజీనామా, తెలంగాణ వదిలి వెళ్తా: కెటిఆర్ Xరేవంత్ రెడ్డి, గెలుపెవరిది?

హైదరాబాద్: గ్రేటర్ హైదరాబాద్ ఎన్నికల్లో టిఆర్ఎస్ పార్టీ విజయ ఢంకా మోగించింది. వందకు పైగా డివిజన్లను గెలుచుకుంటుంది. గ్రేటర్ ఎన్నికల ప్రచార సమయంలో మంత్రి కెటి రామారావు, టిడిపి నేత రేవంత్ రెడ్డి, ఇతర పార్టీల సవాళ్లు, ప్రతి సవాళ్ల పైన చర్చ సాగుతోంది.

గ్రేటర్ ఎన్నికల్లో మేయర్ పీఠాన్ని టిఆర్ఎస్ గెలుచుకోకుంటే తాను మంత్రి పదవికి రాజీనామా చేస్తానని, లేదంటే ప్రతిపక్షాలు రాజీనామా చేస్తాయా అని కెటిఆర్ సవాల్ విసిరారు. అయితే, తెరాస 100 సీట్లు గెలుచుకుంటే తాను రాజీనామా చేస్తానని, లేదంటే కెటిఆర్ రాజీనామా చేస్తారా అని రేవంత్ రెడ్డి స్పందించారు.

తాను మేయర్ పీఠం దక్కించుకోకుంటేనే రాజీనామా చేస్తానని కెటిఆర్ చెప్పారు. వంద సీట్లు గెలుచుకోకుంటే రాజీనామా చేస్తారా, లేకుంటే కెటిఆర్ కోరుకుంటే నేను తెలంగాణను వదిలి వెళ్లిపోతానని రేవంత్ రెడ్డి అన్నారు. ఈ నేపథ్యంలో ఎవరి సవాల్ నెగ్గిందనే చర్చ సాగుతోంది. అయితే, ఇలాంటి చర్చ అనవసరమని, ఎన్నికల సమయంలో ఇలాంటివి సహజమని ముఖ్యమంత్రి కెసిఆర్ చెప్పారు.

English summary

TRS sweeps Hyderabad civic polls; Congress, TDP nearly wiped out.