దక్షిణాఫ్రికాకు నీరందిస్తున్న నల్గొండ గ్రామం..ఇంట్రెస్టింగ్!

తెలంగాణ రాష్ట్రంలోని ఒక గ్రామం దక్షిణాఫ్రికాకు నీరు అందిస్తుంది అంటే ఈ విషయం విన్న ప్రతి ఒక్కరు ఆశ్చర్యానికి గురవుతారు. అయితే ఇది నిజంగానే నిజం.. తెలంగాణ రాష్ట్రంలోని నల్గొండ జిల్లా చుండూరు మండలం ఇటికూడ దక్షిణాఫ్రికా రాష్ట్రంలో ప్రజలకు నీరు అందిస్తుంది. అదెలా అంటే..

దక్షిణాఫ్రికాలో నల్గొండ బోర్ వెల్స్
దక్షిణాఫ్రికా దేశంలో బోర్ వెల్ మిషన్స్ ఉండవు. దక్షిణాఫ్రికా రాష్ట్రంలో బోర్ వెల్ మిషన్స్ అన్ని మన దేశానికి చెందినవే ఉంటాయి. దక్షిణాఫ్రికా దేశంలో నల్గొండకు చెందిన చాలా బోర్ వెల్ వెహికల్స్ నడుస్తున్నాయి. ఈ బోర్వెల్స్ అక్కడ బోర్లు వేయడానికి, ప్రజలకు నీరు అందించడానికి పనిచేస్తున్నాయి. ఈ వెహికల్స్ కు 365 రోజులు పని ఉంటుంది.

ఇటికూడా గ్రామ స్పెషాలిటీ ఇదే
ఇక నల్గొండ జిల్లాలోని ఇటికూడా గ్రామానికి వెళితే ఇక్కడ వీధికో ఒక బోర్ వెల్ వెహికల్ కచ్చితంగా కనిపిస్తుంది. ఈ గ్రామంలో 40 వీధులు లేవు కానీ గ్రామస్తులకు మాత్రం 40 బోర్ వేసే వెహికల్స్ ఉన్నాయి. అవి తెలుగు రాష్ట్రాలతో పాటు, పక్కనే ఉన్న రాష్ట్రాలలో కూడా బోర్లు వేస్తాయి. ఈ ప్రాంతం నుండే దక్షిణాఫ్రికా రాష్ట్రానికి కూడా చాలా బోర్ వెల్ వెహికల్స్ ని పంపించి అక్కడ బోర్లు వేస్తున్నారు.

ప్రతీ ఇంట్లోనూ బోర్ వెల్ ఆపరేటర్లు, డ్రైవర్లు
ప్రతి ఇంట్లో ఒకరిద్దరు ఈ వాహనాల ఆపరేటర్లుగా, డ్రైవర్లుగా పని చేస్తున్నారు. ఈ గ్రామంలో మొత్తం 300కు పైగా ఇళ్ళు ఉంటే ఎక్కువమంది ఈ బోర్ వెల్స్ పైనే ఆధారపడి జీవనం సాగిస్తున్నారు.ఈ గ్రామస్తులకు చెందిన మరో ఎనిమిది వాహనాలు దక్షిణాఫ్రికాలో బోర్లు వేసే పనిలో ఉన్నాయి. వాటి యజమానులు పనిచేసే వర్కర్లు కూడా నల్గొండ నుంచి అక్కడకు వెళ్లిన వారే.

దక్షిణాఫ్రికాకు నీటి అవసరాలు తీరుస్తున్న మనోళ్ళు
మొత్తం 15 మంది డ్రైవర్లు, ఆపరేటర్లు అక్కడే ఉండి పనిచేస్తున్నారు. అక్కడి ప్రజల తాగునీటి అవసరాలను తీర్చడానికి, కాపర్ మైనింగ్ లోను బోర్లు ఎక్కువగా వేస్తుంటారు. డీజిల్ ధరలు, లేబర్ ఖర్చు అక్కడ తక్కువగా ఉండటం వల్ల నల్గొండ జిల్లా నుంచి ఎక్కువ మంది అక్కడకు బోర్ వెహికల్స్ తీసుకుని వెళ్లి ఉపాధిని పొందుతున్నారు. ఈ విధంగా వీరు దక్షిణాఫ్రికాకు నీటిని అందిస్తున్నారు. వాళ్ల నీళ్ల అవసరాలు తీరుస్తున్నారు.

English summary

Itikuda village Chundur mandal of Nalgonda district in Telangana state provides water to the people of South Africa through borewells. here is the interesting story.