మేయర్లు, మున్సిపల్ ఛైర్మన్ల జీతాలు ఎంతంటే?
తెలంగాణలో స్థానిక సంస్థల పాలనలో కొత్త అధ్యాయం మొదలైంది. 7 నగరపాలక సంస్థలు (Corporations), 105 పురపాలక సంఘాలకు (Municipalities) సోమవారం జరిగిన ఎన్నికలతో నూతన మేయర్లు, ఛైర్పర్సన్లు కొలువుదీరారు. నగర, పట్టణ ప్రథమ పౌరులుగా వీరు అటు ప్రొటోకాల్ గౌరవాన్ని, ఇటు ప్రజా సంక్షేమ బాధ్యతలను భుజానికెత్తుకున్నారు. వీరు పదవి చేపట్టిన నాటి నుండి ఐదేళ్ల పాటు ఆయా ప్రాంతాల అభివృద్ధికి బాధ్యత వహిస్తారు.
ప్రజా ప్రతినిధుల సేవలను గుర్తిస్తూ ప్రభుత్వం వారికి నిర్ణీత గౌరవ వేతనాలను అందిస్తోంది. జనాభా ప్రాతిపదికన ఈ వేతనాల్లో వ్యత్యాసం ఉంటుంది:
1. నగరపాలక సంస్థలు (Corporations):
- మేయర్: నెలకు రూ. 65,000 (వాహన భత్యం, సిబ్బంది సౌకర్యాలు అదనం).
- డిప్యూటీ మేయర్: రూ. 32,500.
- కార్పొరేటర్: రూ. 7,800.
2. Municipal ఛైర్పర్సన్కు
- 50 వేల జనాభా దాటిన చోట: ఛైర్పర్సన్కు రూ. 19,500, డిప్యూటీ ఛైర్పర్సన్కు రూ. 9,750, కౌన్సిలర్లకు రూ. 4,550.
- 50 వేల లోపు జనాభా ఉన్న చోట: ఛైర్పర్సన్కు రూ. 15,600, డిప్యూటీ ఛైర్పర్సన్కు రూ. 6,500, కౌన్సిలర్లకు రూ. 3,250.
అధికారాలు..
పౌర సేవలే లక్ష్యంగా సాగే ఈ పాలనలో మేయర్లు, ఛైర్పర్సన్లు కీలక పాత్ర పోషిస్తారు. పాలకవర్గ సమావేశాలకు మేయర్/ఛైర్పర్సన్ అధ్యక్షత వహిస్తారు. నెలకు కనీసం ఒక్కసారైనా తప్పనిసరిగా సమావేశం ఏర్పాటు చేయాలి. వారి గైర్హాజరీలో డిప్యూటీలు బాధ్యత తీసుకుంటారు. నగరపాలక సంస్థల్లో ఐదుగురు, పురపాలికల్లో నలుగురు కో-ఆప్టెడ్ సభ్యులు ఉంటారు. వీరు చర్చల్లో పాల్గొనవచ్చు కానీ, ఓటు వేసే హక్కు వీరికి ఉండదు.
విధులు - జవాబుదారీతనం
పట్టణాల్లో మౌలిక వసతుల కల్పనే ప్రధాన ధ్యేయం. పారిశుద్ధ్యం, రోడ్లు, డ్రైనేజీల నిర్మాణం, తాగునీటి సరఫరా, వీధి దీపాల నిర్వహణ, పన్నుల వసూలు వంటివి వీరి పర్యవేక్షణలో జరుగుతాయి. అయితే, అధికారాలతో పాటు కఠిన నిబంధనలు కూడా ఉన్నాయి:
పర్యావరణ పరిరక్షణలో భాగంగా మొక్కల సంరక్షణలో విఫలమైతే, పంచాయతీరాజ్ చట్టం ప్రకారం వార్డు సభ్యులను పదవి నుంచి తొలగించే అధికారం ప్రభుత్వానికి ఉంటుంది.
అవిశ్వాస తీర్మానం: రక్షణ కవచం
పాలనలో సుస్థిరత కోసం చట్టం కొన్ని రక్షణలు కల్పించింది. మేయర్ లేదా ఛైర్పర్సన్ పదవి చేపట్టిన మొదటి 4 ఏళ్ల వరకు వారిపై ఎలాంటి అవిశ్వాస తీర్మానం ప్రవేశపెట్టడానికి వీలులేదు. ఆ గడువు ముగిసిన తర్వాతే, మొత్తం సభ్యులలో సగం మంది సంతకాలతో నోటీసు ఇచ్చి, 2/3 వంతు మెజారిటీతో వారిని తొలగించే అవకాశం ఉంటుంది.
రాష్ట్ర, కేంద్ర ప్రభుత్వాల నుంచి అందే గ్రాంట్లు, నిధులను సమర్థవంతంగా వినియోగించి పట్టణాలను అభివృద్ధి పథంలో నడిపించాల్సిన గురుతర బాధ్యత ఇప్పుడు ఈ కొత్త పాలకవర్గాలపై ఉంది.
Click it and Unblock the Notifications
Sign in with Google