ka paul: మునుగోడులో గెలిస్తే, ఇక నెక్ట్స్ సీఎం..యూత్ అంటూ, హాట్ కామెంట్స్

మునుగోడు ఉప ఎన్నికలో ప్రజాశాంతి పార్టీ అధినేత కేఏ పాల్ బరిలోకి దిగిన సంగతి తెలిసిందే. అయితే ఇవాళ ఆయన నల్గొండలో మీడియాతో మాట్లాడారు. ఎన్నిక గురించి మాట్లాడారు. విజయం తనదేనని మరోసారి ధీమాను వ్యక్తం చేశారు. పనిలో పనిగా సీఎం కేసీఆర్‌పై ఆరోపణలు గుప్పించారు. ప్రచారంలో కూడా తమను అడ్డుకున్నారని కామెంట్ చేశారు.

ఆదరణ.. నెక్ట్స్ సీఎం

నియోజకవర్గ ప్రజలు తనను ఆదరించారని పాల్ వివరించారు. ఇక్కడ తనదే విజయం అని స్పష్టంచేశారు. మునుగోడులో విజయం సాధిస్తే.. నెక్ట్స్ టార్గెట్ సీఎం పదవీ అని తెలిపారు. తెలంగాణకు నెక్ట్స్ సీఎం తానే అని సంచలన వ్యాఖ్యలు చేశారు. తనను చూసి టీఆర్ఎస్ పార్టీ నేతలు ఓర్వలేకపోతున్నారని వివరించారు. అందుకే మూడుసార్లు తనపై దాడికి తెగబడ్డారని ఆరోపణలు చేశారు.

లక్షా 10 వేల ఓట్లు

మునుగోడులో లక్షా 10 వేల ఓట్లు ఉంగరం గుర్తుకు పడతాయని వివరించారు. దానికి సంబంధించి పూర్తి లెక్క తన వద్ద ఉందన్నారు. 50 వేల మెజార్టీతో గెలువబోతున్నానని పేర్కొన్నారు. తన గెలుపు రాష్ట్ర, దేశ రక్షణకు తొలి మెట్టు అని వివరించారు. పోలీసులను అడ్డు పెట్టుకుని సీఎం కేసీఆర్ దుర్వినియోగానికి పాల్పడ్డారని వివరించారు. తమ లాంటి యువతకు కేసీఆర్ ఏం మెసేజ్ ఇస్తున్నారని అడిగారు.

ఫస్ట్ ప్లేస్ తనదే

ఇదివరకు కూడా ఫస్ట్ ప్లేస్ తమదేనని కేఏ పాల్ అన్నారు. ఆ వీడియో ట్రోల్ అయిన సంగతి తెలిసిందే. ఇప్పటికీ కూడా ఆయన విజయంపై విశ్వాసంతో ఉన్నారు. 6వ తేదీ.. ఆదివారం రోజున కౌంటింగ్ జరగనుంది. ఆ రోజు ఫలితం రానుంది. ఎగ్జిట్ పోల్స్ మాత్రం టీఆర్ఎస్ వైపు నిలిచాయి. మరీ ఫలితం ఎలా ఉండనుందో చూడాలీ మరీ. కాంగ్రెస్ పార్టీకి రాజీనామా చేసి.. బీజేపీలో చేరిన కోమటిరెడ్డి రాజగోపాల్ రెడ్డికి విజయం తప్పనిసరి. ఆయన ఓడిపోతే.. రాజకీయ జీవితం దాదాపు శూన్యమే అవుతుంది.

English summary

next target cm post ka paul said. he trusts won the munugodu by poll.