కేసీఆర్ విజన్కు వర్మ ఫిదా: అద్భుతమైన లీడర్ అంటూ ప్రశంస..
డ్రగ్స్ కేసును డీల్ చేస్తున్న విచారణ అధికారులకు కూడా కేసీఆర్ విజన్ అవసరమని తాను భావిస్తున్నట్లు చెప్పుకొచ్చాడు.
హైదరాబాద్: డ్రగ్స్ వ్యవహారంలో హీరోయిన్ చార్మిని ఝాన్సీ లక్ష్మీభాయి అంటూ పొగిడి వివాదంలో నిలిచిన వర్మ.. ఈసారి సీఎం కేసీఆర్ పై ప్రశంసలు కురిపించారు. డ్రగ్స్ కేసును అర్థం చేసుకోవడంలో కేసీఆర్ సరైన రీతిలో వ్యవహరించారని కితాబిచ్చారు.
డ్రగ్స్ వాడుతున్నవారు దోషులు కాదని, బాధితులు మాత్రమేనని కేసీఆర్ పరిగణించడాన్ని వర్మ అభినందించారు. కేసీఆర్ అద్భుతమైన విజన్ ఉన్న నాయకుడని ప్రశంసించారు. డ్రగ్స్ కేసును డీల్ చేస్తున్న విచారణ అధికారులకు కూడా కేసీఆర్ విజన్ అవసరమని తాను భావిస్తున్నట్లు చెప్పుకొచ్చాడు. అప్పుడే సమస్యకు సరైన పరిష్కారం దొరుకుతుందని అన్నాడు.
ఇదిలా ఉంటే, సిట్ విచారణలో భాగంగా నేడు హీరో రవితేజ డ్రైవర్ శ్రీనివాసరావు సిట్ ముందు హాజరైన సంగతి తెలిసిందే. దాదాపుగా విచారణ తుది దశకు చేరుకోవడంతో.. సిట్ అధికారుల తదుపరి యాక్షన్ ఏంటనే దానిపై సర్వత్రా ఆసక్తి నెలకొంది.