వైరల్ వీడియో: ఛీ.. ఛీ.. వీడ్ని ఏం చేసినా తప్పులేదు..

సంగారెడ్డి జిల్లా ఇస్మాయిల్ ఖాన్ పేటలోని ప్రభుత్వ పాలిటెక్నిక్ కాలేజీలో దారుణమైన ఘటన జరిగింది. ఫుల్ గా మద్యం సేవించిన వాచ్ మెన్.. విద్యార్థుల కోసం తయారు చేసిన అన్నం గిన్నెలో కాలు పెట్టి నిద్రపోయాడు. ఈ ఘ‌ట‌న‌ను చూసి విద్యార్థులు, అధ్యాప‌కులు ఒక్కసారిగా షాక్ అయ్యారు. ప్రస్తుతం ఈ ఘటనకు సంబంధించిన వీడియో సామాజిక మాధ్యమాల్లో వైరల్ అవుతోంది. అన్నం పరబ్రహ్మ స్వరూపం అంటారు పెద్దలు.. అతడు తప్పతాగి అన్నం గిన్నెలోనే కాలు పెట్టి నిద్రపోవడంతో నెటిజన్లు ఫైర్ అవుతున్నారు. అతడిపై కఠిన చర్యలు తీసుకోవాలని డిమాండ్ చేస్తున్నారు.

మద్యం మత్తులో ఒళ్లు సోయి మరిచిన ఓ వాచ్ మెన్.. ఏకంగా అన్నంలో కాలు పెట్టి నిద్రపోయిన ఘటన ఇప్పుడు సర్వత్రా చర్చనీయాంశంగా మారింది. ఈ ఘటనలో ప్రభుత్వ స్కూళ్లు, కాలేజీల్లో సరైన వసతులపై ప్రశ్నలు లేవనెత్తున్నారు నెటిజన్లు. ఈ ఘటన సంగారెడ్డి జిల్లా ఇస్మాయిల్ ఖాన్ పేటలోని పాలిటెక్నిక్ కాలేజీలో జరిగింది. పట్టపగలే తప్పతాగిన ఓ వాచ్ మెన్ కిచెన్ లోకి ప్రవేశించాడు. అదే సమయంలో విద్యార్థులకు వర్కర్లు.. మధ్యాహ్న భోజనం రెడీ చేశారు. అయితే మద్యం మత్తులో ఆ వ్యక్తి విద్యార్థుల కోసం తయారు చేసిన అన్నం గిన్నెలో కాలు పెట్టి నిద్రపోయాడు. ఇంతలో ఎవరో వచ్చి పిలవగా లేచాడు. ఇందుకు సంబంధించిన వీడియో ప్రస్తుతం సామాజిక మాధ్యమాల్లో వైరల్ అవుతోంది.

A drunk watchman deployed at a hostel in Telangana’s Sangareddy was on Wednesday, November 12 seen sleeping with his foot in rice prepared for students.

The incident occurred at a polytechnic college in the Ismailkhanpet area. The students, who arrived at the mess for lunch,… pic.twitter.com/dEQZhPUEuN

— The Siasat Daily (@TheSiasatDaily) November 14, 2025

ఈ ఘటనను చూసిన కాలేజీలోని విద్యార్థులు, ఉపాధ్యాయులు షాక్ అయ్యారు. అతడి ప్రవర్తనపై అభ్యంతరం వ్యక్తం చేశారు. నిందితుడు శేఖర్ గా గుర్తించిన అధికారులు.. వెంటనే అతడ్ని విధుల నుంచి తొలగించారు. ఈ ఘటనకు సంబంధించిన వీడియో ప్రస్తుతం సోష‌ల్ మీడియాలో వైర‌ల్ అయింది.