Telangana Budget 2026 :సంక్షేమం అభివృద్ధికే భట్టి బడ్జెట్ అధిక ప్రాధాన్యత..!

Updated: Friday, March 20, 2026, 13:23 [IST]

తెలంగాణ రాష్ట్ర భవిష్యత్తును నిర్ణయించే 2026-27 ఆర్థిక సంవత్సర బడ్జెట్‌ను ప్రభుత్వం నేడు శాసనసభలో ప్రవేశపెట్టింది. ఉప ముఖ్యమంత్రి భట్టి విక్రమార్క అసెంబ్లీలో, మంత్రి ఉత్తమ్‌కుమార్‌రెడ్డి శాసనమండలిలో ఈ పద్దులను ప్రవేశపెట్టారు. ఈసారి బడ్జెట్ పరిమాణం సుమారు రూ.3.30 లక్షల కోట్లుగా ఉంది. గత ఏడాదితో పోలిస్తే 8-10% వృద్ధిని చూపిస్తూ, సంక్షేమం మరియు అభివృద్ధి పథకాలకు ప్రభుత్వం పెద్దపీట వేసింది.

telangana-budget-2026-27-live-tg-budget-highlights-sector-wise-allocations-and-key-announcements

ప్రధానంగా రాష్ట్రంలోని సంక్షేమ పథకాల కోసం రికార్డు స్థాయిలో రూ. లక్ష కోట్లకు పైగా నిధులు కేటాయించడం జరిగింది. ఇటు మౌలిక సదుపాయాల కల్పనతో పాటు, అటు పేదల సంక్షేమానికి సమ ప్రాధాన్యత ఇస్తూ సమతుల్యమైన బడ్జెట్‌ను ప్రభుత్వం రూపొందించినట్లు ఆర్థికశాఖ మంత్రి భట్టి విక్రమార్క తెలిపారు. గ్యారెంటీ పథకాల అమలు, వ్యవసాయం మరియు విద్యారంగాలకు కేటాయింపులపై సర్వత్రా హర్షం వ్యక్తం అవుతోంది.బడ్జెట్ హైలైట్స్ మరియు తాజా అప్‌డేట్స్ కోసం మా లైవ్ బ్లాగ్‌ను ఫాలో అవ్వండి.

Mar 20, 2026, 1:57 pm IST

శాసనసభ సోమవారానికి వాయిదా

Mar 20, 2026, 1:51 pm IST

WE -Hub ద్వారా రాష్ట్రంలోని 33 జిల్లాలలో 700 పైగా మహిళా వ్యాపార వేత్తలకు మద్దతు ఇస్తూ వారి సమగ్ర అభివృద్ధికి దోహదపడుతున్నాం. ఈ బడ్జెట్‌లో పరిశ్రమల శాఖకు 3,490 కోట్ల రూపాయలు కేటాయింపు

Mar 20, 2026, 1:49 pm IST

ఈ పథకం కింద ప్రభుత్వం 4 లక్షల 50 వేల ఇళ్లను మంజూరు చేసింది. ప్రతి అసెంబ్లీ నియోజకవర్గంలో అర్హత కలిగిన అన్ని వర్గాలవారికి ఈ ఇండ్లు కేటాయించబడతాయి. గిరిజన జనాభా ఉన్న ప్రాంతాలకు ప్రత్యేక ప్రాధాన్యతను ఇస్తూ, ప్రతి నియోజక వర్గానికి అదనంగా వెయ్యి ఇండ్లు కేటాయించాం. ఈ పథకానికి 22 వేల 500 కోట్లు ఖర్చు అవుతుంది. ఇప్పటి వరకు 5 వేల 73 కోట్ల 84 లక్షలు ఖర్చు చేశాం.

Mar 20, 2026, 1:49 pm IST

“ఇందిరమ్మ ఇండ్లు” అనే పవిత్రమైన ఒక బృహత్తర కార్యక్రమాన్ని ప్రభుత్వం ప్రారంభించింది. దీనికోసం పేద కుటుంబాలకు వారి సొంత స్థలాల్లో ఇళ్ల నిర్మాణం కోసం లబ్ధిదారులకు ఒక్కొక్క ఇంటికి 5 లక్షల రూపాయల ఆర్థిక సహాయం

Mar 20, 2026, 1:48 pm IST

'రాజీవ్ యువ వికాసం పథకం'అమలుకు 6 వేల కోట్ల రూపాయలు కేటాయింపు

Mar 20, 2026, 1:47 pm IST

ఈ బడ్జెట్‌లో వెనుకబడిన తరగతుల సంక్షేమానికి 12,511 కోట్ల రూపాయలు ప్రతిపాదిస్తున్నా

Mar 20, 2026, 1:39 pm IST

ఉద్యోగుల భద్రత కోసం దేశంలోనే తొలిసారిగా సమగ్ర ప్రమాద బీమా పథకాన్ని ప్రవేశపెట్టాం. ఈ పథకం ద్వారా రాష్ట్రంలో పనిచేస్తున్న ప్రభుత్వ ఉద్యోగులు, పెన్షనర్లు ప్రమాదవశాత్తు మరణిస్తే 1 కోటి 20 లక్షల రూపాయల ప్రమాద బీమా వర్తిస్తుంది, 60 ఏండ్ల వరకు 10 లక్షల రూపాయాల టర్మ్ లైఫ్ ఇన్సూరెన్స్, విమాన ప్రమాదంలో మరణిస్తే 2 కోట్ల రూపాయలు అదనపు కవరేజి లభించే విధంగా ఈ పథకాన్ని రూపకల్పన చేశాం.

Mar 20, 2026, 1:38 pm IST

ఈ బడ్జెట్‌లో వైద్య మరియు ఆరోగ్య శాఖకి 13,679 కోట్ల రూపాయలు ప్రతిపాదిస్తున్నాము.

Mar 20, 2026, 1:38 pm IST

నూతనంగా, 17 మెడికల్ కాలేజీల నిర్మాణం చేపడుతున్నాం. మెడికల్ విద్యను విస్తరించేందుకు కొత్తగా 9 ప్రభుత్వ మెడికల్ కాలేజీలు, 16 నర్సింగ్ కాలేజీలు, 28 పారా మెడికల్ కాలేజీలు ప్రారంభించబడ్డాయి. చికిత్స ఆధారిత వ్యవస్థ నుంచి నిరోధక వైద్య సేవల వైపు మార్పును తీసుకొస్తున్నాం.

Mar 20, 2026, 1:37 pm IST

ఇంతకాలం గ్రాంట్-ఇన్-ఎయిడ్ సంస్థగా ఉన్న 12 వేల 720 బెడ్స్ సామర్ధ్యం గల తెలంగాణ వైద్య విధాన పరిషత్ ను పూర్తిస్థాయి ప్రభుత్వ సెకండరీ హెల్త్ కేర్ విభాగంగా మార్పు చేస్తున్నాం

Mar 20, 2026, 1:36 pm IST

ప్రభుత్వ ఆసుపత్రులను బలోపేతం చేయడానికి జిల్లా కేంద్రాల్లో డే కేర్ క్యాన్సర్ సెంటర్లు, నాన్కమ్యూనికేబుల్ వ్యాధుల క్లినిక్స్, వృద్ధులకు ప్రత్యేక క్లినిక్స్, పాలియేటివ్ కేర్ సెంటర్లు, ట్రాన్స్‌జెండర్‌ల కోసం మైత్రి క్లినిక్స్ ఏర్పాటు చేయబడ్డాయి.

Mar 20, 2026, 1:36 pm IST

తెలంగాణ రైజింగ్ విజన్–2047 లక్ష్యాల మేరకు, రాష్ట్ర ప్రభుత్వం మాతా శిశు ఆరోగ్యం, యువత ఆరోగ్యం, దీర్ఘకాలిక వ్యాధుల నియంత్రణ, అలాగే మానసిక ఆరోగ్య సంరక్షణపై ప్రత్యేక ప్రాధాన్యం ఇస్తోంది.

Mar 20, 2026, 1:34 pm IST

యువతను 'బ్లూ కాలర్' ఉద్యోగాల కోసం సన్నద్ధం చేసేలా.. ఉస్మానియా యూనివర్సిటీ, జేఎన్‌టీయూ (JNTU) తదితర విద్యాసంస్థల తరహాలో ఈ విశ్వవిద్యాలయాన్ని తయారు చేయటం మా ప్రధాన ఉద్దేశ్యం..

Mar 20, 2026, 1:34 pm IST

మౌలిక సదుపాయాల అభివృద్ధి కోసం ఉస్మానియా విశ్వవిద్యాలయానికి వెయ్యి కోట్ల రూపాయలు, వీరనారి చాకలి ఐలమ్మ మహిళా విశ్వవిద్యాలయానికి 400 కోట్ల రూపాయలు ఈ బడ్జెట్ లో ప్రతిపాదిస్తున్నాం.

Mar 20, 2026, 1:19 pm IST

రాష్ట్రంలో ఉన్న 57 పాలిటెక్నిక్ కళాశాలలను అడ్వాన్స్డ్ టెక్నాలజీ సెంటర్లుగా ఉన్నతీకరిస్తున్నాం. యువతను భవిష్యత్ ఉద్యోగావకాశాలు కల్పించడానికి, ఎంటర్ ప్రెన్యూర్లుగా ఎదగడానికి వీలుగా పాలిటెక్నిక్ కళాశాలల్లో 15 కొత్త కోర్సులు 2026–27 విద్యా సంవత్సరంలో ప్రారంభిస్తున్నాం.

Mar 20, 2026, 12:52 pm IST

2026–27 విద్యా సంవత్సరం నుంచి ప్రీ-ప్రైమరీ నుండి ఇంటర్మీడియట్ వరకు చదువుతున్న విద్యార్థులకు నాణ్యమైన పోషకాలతో రాష్ట్రంలో నూతనంగా బ్రేక్‌ఫాస్ట్ పథకాన్ని ప్రారంభించేందుకు ప్రభుత్వం నిర్ణయించింది. ఈ బ్రేక్‌ఫాస్ట్‌లో ప్ర‌తి విద్యార్థికి వారానికి మూడు రోజులు పాలు మరియు మిగతా మూడు రోజులు రాగిజావ అందిస్తాము.

Mar 20, 2026, 12:52 pm IST

ఎంపిక చేసిన ప్రస్తుత ప్రభుత్వ పాఠశాలలను ఆధునిక మౌలిక సదుపాయాలు, శిక్షణ పొందిన ఉపాధ్యాయులు, డిజిటల్ సదుపాయాలు, ప్రత్యేక రవాణా వ్యవస్థలతో అన్ని వనరులతో కూడిన క్యాంపస్ గా అభివృద్ధి చేయాలని ప్రతిపాదించాము. ప్రీ ప్రైమరీ నుండి 12 వ తరగతి వరకు 1500 మంది విద్యార్థులకు విద్య అందించబడుతుంది.

Mar 20, 2026, 12:51 pm IST

నాణ్యమైన, నైపుణ్యం కలిగిన విద్యను అందించాలనే సంకల్పంతో అన్ని అసెంబ్లీ నియోజకవర్గాల్లో యంగ్ ఇండియా ఇంటిగ్రేటెడ్ రెసిడెన్షియల్ (YIIR) పాఠశాలలను మంజూరు చేయాలని నిర్ణయించాం.

Mar 20, 2026, 12:50 pm IST

విద్యుత్ అభివృద్ధి, విశ్వసనీయత, భవిష్యత్తు దిశగా తెలంగాణ - మన ప్రజా ప్రభుత్వం విద్యుత్ రంగాన్ని కేవలం సరఫరా వ్యవస్థగా కాకుండా సామాజిక న్యాయం, ఆర్థిక వృద్ధి మరియు భవిష్యత్ తెలంగాణకు పునాదిగా భావిస్తోంది. విద్యుత్ అనేది కేవలం సేవ కాదు, అది సమాజం ఎలా పనిచేస్తుందో చెప్పే అద్దం.

Mar 20, 2026, 12:49 pm IST

గత ప్రభుత్వం పదేళ్ళు రేషన్ కార్డులు ఇవ్వక పోవడంతో ఎందరో పేద ప్రజలు సంక్షేమ కార్యక్రమాలకు దూరమయ్యారు. ప్రజా ప్రభుత్వం ఏర్పడిన తర్వాత అర్హులైన పేద కుటుంబాలకు 15 లక్షల 12 వేల కొత్త రేషన్ కార్డులు జారీ చేశాం.

Mar 20, 2026, 12:49 pm IST

రాష్ట్రంలోని 3 కోట్ల 38 లక్షల లబ్ధిదారులకు పబ్లిక్ డిస్ట్రిబ్యూషన్ సిస్టమ్ కింద అన్ని రేషన్ షాపుల ద్వారా 6 కిలోల సన్న బియ్యం అందించబడుతోంది.

Mar 20, 2026, 12:48 pm IST

రైతులకు పెట్టుబడి సహాయం కోసం రైతు భరోసా పథకం ద్వారా ప్రతీ సీజన్ కు ఎకరాకు 6,000 ల చొప్పున రెండు పంటలకు కలిపి సంవత్సరానికి 12,000 రూపాయలు సహాయం అందిస్తున్నాం.

Mar 20, 2026, 12:47 pm IST

దేశానికి అన్నం పెడుతున్న రైతు సంక్షేమమే ప్రథమ ప్రాధాన్యతగా మేం భావిస్తున్నాం. రైతులకు ప్రభుత్వం ఇస్తున్న ప్రోత్సాహంతో వ్యవసాయ దిగుబడులలో తెలంగాణ రాష్ట్రం దేశంలోనే మొదటి స్థానంలో నిలిచింది.

Mar 20, 2026, 12:47 pm IST

మారు మూల ప్రాంతాలలో ఉన్న షెడ్యూల్డ్ తెగల వారికి 12 వేల 600 కోట్ల రూపాయల బడ్జెట్ తో “ఇందిర సౌర గిరి జల వికాసం” పథకం ద్వారా 100 శాతం సబ్సిడీతో సోలార్ పంపు సెట్లను అందించి, వారి పురోగతికి ఇతోధికంగా తోడ్పడతాం.

Mar 20, 2026, 12:46 pm IST

నారాయణ పేట మరియు సంగారెడ్డి లలో 2 పెట్రోలు బంక్ లు ఏర్పాటు చేశాం. 28 పెట్రోలు బంకుల ఏర్పాటు పురోగతిలో ఉంది.

Mar 20, 2026, 12:46 pm IST

మహిళా సంఘాలతో శిల్పారామంలో 106 స్టాళ్లతో ఇందిరా మహిళా శక్తి బజార్ ఏర్పాటు చేశాం. ఈ సముదాయం యొక్క ఉత్పత్తులు 7 కోట్ల 68 లక్షలకు చేరాయి.

Mar 20, 2026, 12:45 pm IST

గృహజ్యోతి పథకం ద్వారా సుమారు 53 లక్షల 9 వేల పేద, మధ్య తరగతి కుటుంబాలకు 200 యూనిట్ల వరకు ఉచిత కరెంట్ అందిస్తున్నాం. ఈ పథకం కింద ఇప్పటి వరకు 10 కోట్ల 97 లక్షల సున్నా బిల్లులు జారీ చేయబడ్డాయి.

Mar 20, 2026, 12:45 pm IST

వంట గ్యాస్ సిలిండర్ భారం నుంచి మహిళలకు ఉపశమనం కల్పించేందుకు 500 రూపాయలకే గ్యాస్ సిలిండర్ ను అందించే పథకాన్ని ప్రభుత్వం ప్రారంభించింది.

Mar 20, 2026, 12:45 pm IST

మేం అధికారంలోకి వచ్చిన వెంటనే అమలు పరచిన మొదటి వాగ్దానం– ఉచిత బస్సు ప్రయాణం. ఈ పథకం ద్వారా ప్రతిరోజు రాష్ట్రంలోని 34 లక్షల 37 వేల మంది ఆడ బిడ్డలు ఉచితంగా RTC బస్సుల్లో ప్రయాణిస్తున్నారు.

Mar 20, 2026, 12:44 pm IST

తెలంగాణ ఉద్యమ ఆకాంక్షలలో అత్యంత కీలకమైన ఉద్యోగ నియామకాల భర్తీకి ప్రజా ప్రభుత్వం అత్యంత ప్రాధాన్యతను ఇచ్చింది. గత ప్రభుత్వం నిరుద్యోగుల జీవితాలతో చెలగాటం ఆడింది. TGPSC ద్వారా నిర్వహించే అత్యున్నతమైన గ్రూప్-1, గ్రూప్-2 పరీక్షలను సమర్థవంతంగా నిర్వహించలేక, పరీక్షా పత్రాలు లీక్ కావడంతో రాజ్యాంగబద్ధ సంస్థ అయిన TGPSC నవ్వులపాలు అయింది. గత ప్రభుత్వ నిర్లక్ష్యానికి ఎందరో నిరుద్యోగులు ప్రాణాలు కోల్పోయారు. ఈ ప్రభుత్వం అధికారంలోకి రాగానే UPSC స్థాయిలో TGPSCని పునర్ వ్యవస్థీకరించి, నిరుద్యోగుల ఆకాంక్షలను గుర్తించి, ఇప్పటివరకు 67,763 మంది నిరుద్యోగులకు నియామక పత్రాలు అందించడం జరిగింది.

9:05 AM, 20 Mar

ఈ రోజు తెలంగాణ అసెంబ్లీలో బడ్జెట్ ప్రవేశపెట్టనున్న ప్రభుత్వం

9:06 AM, 20 Mar

మధ్యాహ్నం 12 గంటలకు డిప్యూటీ సీఎం, ఆర్థికశాఖ మంత్రి భట్టి విక్రమార్క బడ్జెట్‌ను సభలో ప్రవేశపెడతారు

9:06 AM, 20 Mar

మండలిలో బడ్జెట్ ప్రవేశపెట్టనున్న మంత్రి ఉత్తమ్ కుమార్ రెడ్డి

9:17 AM, 20 Mar

2026-27 ఆర్థిక సంవత్సరానికి బడ్జెట్‌ సుమారు రూ.3.30 లక్షల కోట్ల వరకు ఉంటుందని అంచనా

10:12 AM, 20 Mar

కాసేపట్లో కేబినెట్ భేటీ

కాసేపట్లో అసెంబ్లీ కమిటీహాలులో సీఎం రేవంత్ అధ్యక్షతన కేబినెట్ సమావేశం ప్రారంభం

10:22 AM, 20 Mar

బడ్జెట్‌కు ఆమోదం !

సీఎం రేవంత్ అధ్యక్షతన తెలంగాణ కేబినెట్ సమావేశం ప్రారంభం.. బడ్జెట్‌కు ఆమోదం తెలపనున్న కేబినెట్

12:02 PM, 20 Mar

మరికాసేపట్లో శాసనసభలో బడ్జెట్ ప్రవేశపెట్టనున్న డిప్యూటీ సీఎం భట్టి విక్రమార్క

12:03 PM, 20 Mar

ప్రారంభమైన తెలంగాణ బడ్జెట్

12:04 PM, 20 Mar

వరుసగా నాల్గవసారి బడ్జెట్ ప్రవేశపెట్టే అవకాశం కల్పించిన తెలంగాణ ప్రజానీకానికి ధన్యవాదాలు: భట్టి విక్రమార్క

12:04 PM, 20 Mar

మేము పాలకులం కాదు.. ప్రజాసేవకులం: భట్టి

12:05 PM, 20 Mar

గత పాలకులు చేసిన ఆర్థిక విధ్వంసాన్ని సరిచేస్తూ ఆర్థిక క్రమశిక్షణ పాటిస్తూ ప్రజలకు ఇచ్చిన హామీలను నెరవేర్చే దిశగా వెళుతున్నాం: భట్టి

12:06 PM, 20 Mar

అవరోధాలనే అవకాశాలుగా మలుచుకుని ముందుకు వెళుతున్నాం: భట్టి

12:06 PM, 20 Mar

ప్రజల నుంచి వచ్చిన సొమ్మును వారి అభ్యున్నతికే ఖర్చుచేస్తున్నాం: భట్టి విక్రమార్క

12:07 PM, 20 Mar

ప్రజల శ్రేయస్సు మేరకే ఈ సారి 2026-27 బడ్జెట్‌ను రూపొందించాం:భట్టి విక్రమార్క

12:08 PM, 20 Mar

మాయమాటలు చెప్పం.. ప్రశ్నించిన వారిని దూషించడం మా నైజం కాదు.. ప్రశ్నించిన వారికి బాధ్యతాయుతంగా సమాధానం చెబుతున్నాం: భట్టి విక్రమార్క

12:08 PM, 20 Mar

ఈ బడ్జెట్‌లో రైతు సంక్షేమం, మహిళా సాధికారిత, యువత సంక్షేమంకు పెద్ద పీట వేస్తున్నాం: భట్టి విక్రమార్క

12:09 PM, 20 Mar

అందెశ్రీ రచించిన జయజయహే గీతాన్ని రాష్ట్ర గీతంగా ప్రకటించాం: భట్టి విక్రమార్క

12:09 PM, 20 Mar

దేశంలో అత్యంత పెద్ద జాతరైన సమ్మక్క సారక్క జాతరలను ఎంతో వైభవంగా నిర్వహించాం: భట్టి విక్రమార్క

12:10 PM, 20 Mar

తెలంగాణ చిత్ర పరిశ్రమను ప్రోత్సహించేందుకు తెలంగాణ గద్దర్ అవార్డులను ప్రకటించాం: భట్టి విక్రమార్క

12:10 PM, 20 Mar

విద్యా ఉద్యోగవకాశాలు మెరుగుపర్చేందుకు పెట్టుబడులను ఆకర్షిస్తున్నాం: భట్టి విక్రమార్క

12:11 PM, 20 Mar

రాష్ట్ర ముఖ్యమంత్రి రేవంత్ రెడ్డి, ఐటీశాఖ మంత్రి దుద్దిళ్ల శ్రీధర్ బాబు విదేశాలకు వెళ్లి పలు కంపెనీలను ఒప్పించడంతో గత రెండేళ్లలో లక్షల కోట్లు పెట్టుబడులను రాష్ట్రంలోకి ఆకర్షించగలిగాం: భట్టి విక్రమార్క

12:12 PM, 20 Mar

జూన్ 2 నుంచి రాష్ట్రంలో ఇందిరమ్మ కుటుంబ బీమా

12:37 PM, 20 Mar

దేశ జీడీపీ 2025-26 నాటికి 8శాతంగా ఉండగా.. తెలంగాణ జీడీఎస్‌పీ మాత్రం 10.7శాతానికి పెరిగింది

12:38 PM, 20 Mar

ప్రస్తుతం 200 బిలియన్ డాలర్లుగా రాష్ట్ర ఆర్థిక వ్యవస్థ ఉంది. 2034 నాటికి 1 ట్రిలియన్ డాలర్ ఆర్థిక వ్యవస్థగా చేసేందుకు లక్ష్యంగా పెట్టుకున్నాం

12:39 PM, 20 Mar

రాష్ట్రంలో Cure,PURE,RAREగా మూడు ప్రధాన ప్రాంతాలుగా గుర్తించాం

12:41 PM, 20 Mar

కేంద్రానికి పన్నుల రూపంలో మనం ఏటా వేల కోట్ల రూపాయల ఆదాయం సమకూరుస్తుంటే... తిరిగి కేంద్రం పన్నుల పంపకాల ద్వారా మనకు ఇస్తున్నది మనం కట్టే ప్రతి రూపాయిలో సగటున 42 పైసలే.

12:41 PM, 20 Mar

CURE లో సేవా రంగానికి, PURE లో ఉత్పాదక రంగానికి, RARE లో వ్యవసాయ మరియు వ్యవసాయ అనుబంధ రంగాలకు ప్రాధాన్యత ఇస్తూ రాష్ట్రాన్ని అభివృద్ధి చేస్తున్నాం.

12:42 PM, 20 Mar

తెలంగాణలో పట్టణ జనాభా 2031 నాటికి 53.8 శాతానికి చేరుకునే అవకాశం ఉంది. ఈ నేపథ్యంలో CURE ప్రాంత పరిధిని కాలుష్య రహితంగా (నెట్ జీరో) మార్చేందుకు కావల్సిన అన్ని చర్యలు తీసుకుంటున్నాం.

12:42 PM, 20 Mar

ఔటర్ రింగ్ రోడ్ (ORR) రీజినల్ రింగ్ రోడ్ (RRR) మధ్య ప్రాంతాన్ని మాన్యుఫాక్చరింగ్ హబ్ గా అభివృద్ధి చేయాలని లక్ష్యంగా పెట్టుకున్నాం.

12:43 PM, 20 Mar

రీజినల్ రింగ్ రోడ్ అవతల ఉన్న ప్రాంతాలను వ్యవసాయ వాల్యు యాడెడ్ ఆర్థిక వ్యవస్థగా ఏర్పాటు చేస్తున్నాం. ఇందులో ఆహార ప్రాసెసింగ్ పరిశ్రమలు, విలువ ఆధారిత వ్యవసాయం, పర్యావరణ-పర్యాటక రంగం (Eco-tourism) పై ప్రత్యేక దృష్టి సారిస్తున్నాం. దీని ద్వారా గ్రామీణ ప్రాంతాల ఆదాయం పెరిగి, సమగ్ర ప్రాంతీయ అభివృద్ధి సాధ్యమవుతుంది.