DSC 2024: డీఎస్సీ పరీక్షల తేదీలు ప్రకటన..

డీఎస్సీ పరీక్షల తేదీలను ఖరారు చేశారు. జులై 17 నుంచి 31 వరకు ఆన్‌లైన్‌ లో డీఎస్సీ పరీక్షలు నిర్వహించనున్నట్లు అధికారులు ప్రకటించారు. తెలంగాణలో 11,062 ఉపాధ్యాయ పోస్టుల భర్తీకి నిర్వహించే డీఎస్సీ నోటీఫికేషన్ వచ్చింది. ప్రస్తుతం దరఖాస్తుల స్వీకరణ కొనసాగుతోంది. అయితే తాజాగా విద్యా శాఖ దరఖాస్తుల గడువును పొడిగించింది. మొదట ప్రకటించిన షెడ్యూల్ ప్రకారం నేటితో డీఎస్సీ దరఖాస్తుల ప్రక్రియ పూర్తి కావాల్సి ఉంది.

అయితే దరఖాస్తుల గడువును జూన్ 20 వరకు పొడిగించారు. డీఎస్సీ దరఖాస్తు చేసుకునే అభ్యర్థులు రూ.1000 ఫీజు చెల్లించి జూన్ 20 తేదీ వరకు దరఖాస్తు చేసుకోవచ్చు. 11,062 డీఎస్సీ పోస్టుల్లో 2,629 స్కూల్‌ అసిస్టెంట్‌ పోస్టులు ఉన్నాయి. ఎస్జీటీ పోస్టులు 6,508 ఉండగా భాషా పండితులు 727, పీఈటీలు 182 ఉన్నాయి. ఇక స్పెషల్‌ ఎడ్యుకేషన్‌కు సంబంధించి స్కూల్‌ అసిస్టెంట్‌ పోస్టులు 220 ఉండగా..ఎస్జీటీ పోస్టులు 796 ఉన్నాయి.

తెలంగాణలో అత్యధిక హైదరాబాద్‌లో 878 ఉద్యోగాలు ఖాళీ ఉన్నాయి. ఆ తర్వాత నల్గొండ 605, నిజామాబాద్‌ 601, ఖమ్మం 757, సంగారెడ్డి 551, కామారెడ్డి 506 చొప్పున పోస్టులు ఖాళీ ఉన్నాయి. ఈ డీఎస్సీలో వీటిని భర్తీ చేయనున్నారు. అటు ఏపీలో కూడా డీఎస్సీ ప్రక్రియ కొనసాగుతోంది. అక్కడ ఎన్నికలు ఉండడంతో టెట్ ఫలితాలు, డీఎస్సీ పరీక్షలను ఎన్నికల కోడ్ ముగిసే వరకు వాయిదా వేయాలని ఈసీ ఆదేశించింది.

ఏపీలో 6100 టీచర్ పోస్టుల భర్తీకి ఫిబ్రవరిలో నోటిఫికేషన్ జారీ చేశారు. ఫిబ్రవరి నుంచే డీఎస్సీ ప్రక్రియ ప్రారంభమైంది. ఈ పోస్టుల్లో ఎస్జీటీ పోస్టులు 2280 ఉండగా.. స్కూల్ అసిస్టెంట్స్ ఉద్యోగాలు 2299, టీజీటీ ఉద్యోగాలు 1264, పీజీటీ ఉద్యోగాలు 215 ఉన్నాయి. అయితే ఏపీలో అసెంబ్లీ ఎన్నికలు రావడంతో డీఎస్సీకి బ్రేక్ పడింది. అయితే తెలంగాణలో లోక్ సభ ఎన్నికలున్నా.. డీఎస్సీ ప్రక్రియ కొనసాగుతోంది.

English summary

DSC exam dates announced in Telangana. Also, the DSC application deadline has been extended.