ఖాతా తెరిచిన బీఆర్ఎస్: దుబ్బాక, భద్రాచలంలో బీఆర్ఎస్ విజయం!!

తెలంగాణ రాష్ట్రంలో కొనసాగుతున్న ఎన్నికల కౌంటింగ్ లో బీఆర్ఎస్ పార్టీ కూడా ఖాతా తెరిచింది. దుబ్బాక నియోజకవర్గం లోనూ, భద్రాచలం నియోజకవర్గం లోనూ బీఆర్ఎస్ పార్టీ అభ్యర్థులు విజయ కేతనాన్ని ఎగరవేశారు. దుబ్బాక నియోజకవర్గం లో బిజెపి అభ్యర్థి రఘునందన్ రావు పై బీఆర్ఎస్ అభ్యర్థి కొత్త ప్రభాకర్ రెడ్డి విజయం సాధించారు.

మెదక్ జిల్లా దుబ్బాకలో బీఆర్ఎస్ పార్టీ అభ్యర్థి కొత్త ప్రభాకర్ రెడ్డి ఎన్నికలకు ముందు జరిగిన దాడిలో కత్తిపోట్లకు గురై ఆపరేషన్ చేయించుకుని, ప్రచారం కూడా చేయలేని పరిస్థితిలో ప్రజాక్షేత్రంలోకి రాలేక పోయినప్పటికీ దుబ్బాక ప్రజలు ఆయనకు పట్టం కట్టారు. తెలంగాణ రాష్ట్ర వ్యాప్తంగా కాంగ్రెస్ గాలి వీస్తున్నపటికీ, కొత్త ప్రభాకర్ రెడ్డి పైన ఈ ఘటనతో సింపతి ఓట్లు నమోదు అయినట్లుగా రాజకీయ విశ్లేషకులు భావిస్తున్నారు.

భద్రాచలం అంటే సిపిఎం అని, కమ్యూనిస్టులకు భద్రాచలం పేరు అన్న ప్రచారం ఉన్నప్పటికీ భద్రాచలం నియోజకవర్గం లో బి ఆర్ ఎస్ పార్టీ విజయం సాధించింది. భద్రాచలం నియోజకవర్గం లో బీఆర్ఎస్ కాంగ్రెస్ మధ్య హోరాహోరీగా జరిగిన పోరులో 4466 ఓట్లతో బి ఆర్ ఎస్ పార్టీ అభ్యర్థి తెల్లం వెంకట్రావు విజయం సాధించారు.

భద్రాచలంలో కాంగ్రెస్ పార్టీ నుంచి సిట్టింగ్ ఎమ్మెల్యే అభ్యర్థి పొదెం వీరయ్య, బిజెపి నుంచి కుంజా ధర్మారావు పోటీ పడగా, సిపిఎం అభ్యర్థిగా ఇక్కడ కారం పుల్లయ్య కూడా బరిలో ఉన్నారు. అయినప్పటికీ బి ఆర్ ఎస్ పార్టీ అభ్యర్థి ఊహించని విధంగా ఇక్కడ విజయ కేతనాన్ని ఎగరవేశారు. గత ఎన్నికల్లో ఇక్కడ కాంగ్రెస్ నుండి గెలుపొంది, మళ్ళీ ఇప్పుడు అభ్యర్థిగా బరిలోకి దిగిన పొదెం వీరయ్య పట్ల వ్యతిరేఖత ఇక్కడ బీఆర్ఎస్ పార్టీ అభ్యర్తిని గెలిపించింది.

English summary

BRS registered victories in Dubbaka and Bhadrachalam where the account was opened. Dubbaka BRS candidate Kotta Prabhakar Reddy and Bhadrachalam BRS candidate Tellam Venkatarao won. .