టీఎస్ఆర్టీసీ గుడ్‌న్యూస్: ఇకపై వారంతా డీలక్స్ బస్సులోనూ ప్రయాణించొచ్చు

తెలంగాణ రాష్ట్ర రోడ్డు రవాణా సంస్థ (TSRTC) ప్రయాణికులకు మెరుగైన సేవలు అందించడంతోపాటు పలు కొత్త పథకాలను ప్రవేశపెడుతూ ఆకట్టుకుంటోంది. తాజాగా, టీఎస్ఆర్టీసీ మరో బంపరాఫర్ ప్రకటించింది. ఇది ఎక్స్‌​ప్రెస్ మంత్లీ సీజన్ టికెట్(MST) పాస్ తీసుకునే వారికి తీపికబురు అందించింది.

ఎక్స్​‌ప్రెస్ మంత్లీ సీజన్ టికెట్ పాస్ ఉన్నవారు ఇకపై డీలక్స్ బస్సుల్లో కూడా ప్రయాణించే వెసులుబాటును కల్పిస్తున్నట్లు టీఎస్​ఆర్టీసీ ఎండీ వీసీ సజ్జనార్ ట్విట్టర్​‌లో వెల్లడించారు. తెలంగాణ ఆర్టీసీ ఎండీగా బాధ్యతలు స్వీకరించినప్పటినుంచి వీసీ సజ్జనార్.. ఆర్టీసీ ఆదాయాన్ని పెంచేందుకు శతవిధాలా ప్రయత్నిస్తున్నారు. ప్రతీసారి ఏదొక సరికొత్త ఆఫర్లు ప్రకటిస్తున్నారు.

ఈ క్రమంలోనే తాజాగా, ఎంఎస్టీ పాస్ కలిగిన వారు రూ.20 కాంబినేషన్ టికెట్ తీసుకొని డీలక్స్ బస్సులోనూ ప్రయాణించవచ్చని సజ్జనార్ తెలిపారు. అయితే, ఇక్కడ గుర్తుంచుకోవాల్సిన ముఖ్యమైన విషయమేమిటంటే.. ఈ ఆఫర్ ఎక్స్​ప్రెస్ మంత్లీ సీజన్ టికెట్(MST) పాస్ ఉన్నవారికి మాత్రమే వర్తిస్తుందని ఆర్టీసీ ఎండీ సజ్జనార్ స్పష్టం చేశారు.

అయితే, ఎంఎస్​టీ పాస్ ఉన్న ప్రయాణికులు ఈ కాంబినేషన్ టికెట్ ఫెసిలిటీని సద్వినియోగం చేసుకొని డీలక్స్ బస్సులో ప్రయాణించాలని సజ్జనార్ సూచించారు. ఈ కాంబినేషన్ టికెట్‌తో రాష్ట్రంలో 100 కిలోమీటర్ల పరిధి వరకు రాష్ట్రంలో ఎక్కడైనా ప్రయాణించవచ్చు. అలాగే ఈ ఆఫర్ రాష్ట్రమంతా ఉన్న డీలక్స్ బస్సులకు వర్తిస్తుంది.

ఆర్టీసీ అందిస్తున్న ఈ ఆఫర్​ కోసం ఎక్స్‌​ప్రెస్ మంత్లీ సీజన్ టికెట్(MST) పాస్ కావాలనుకునేవారు.. స్థానిక టీఎస్ఆర్టీసీ బస్ పాస్ కౌంటర్లకు వెళ్లి సంప్రదించాలని సజ్జనార్ సూచించారు. అయితే, టీఎస్​ఆర్టీసీ ప్రకటించిన ఈ సరికొత్త ఆఫర్ సమ్మర్ వరకే ఉంటుందా? లేదంటే ఆ తర్వాత కూడా కొనసాగుతుందా? అనే దానిపై ఆర్టీసీ స్పష్టత ఇవ్వాల్సి ఉంది. ప్రస్తుతానికి ఆఫర్ కొనసాగుతోంది.

English summary

TSRTC Good News for Passengers, who were using MST pass.