హోలీ పండుగ వేళ వైన్స్ బంద్.. మందుబాబులకు షాకిచ్చిన సజ్జనార్!
అందరూ ఇష్టంగా జరుపుకునే సంతోషాల కేళి, హోలీ పండుగను జరుపుకునేందుకు తెలుగు రాష్ట్రాలు రెడీ అవుతున్నాయి. దేశవ్యాప్తంగా హోలీ పండుగను అంగరంగ వైభవంగా జరుపుకోవడానికి సన్నాహాలు జరుగుతున్నాయి. అయితే ఈ హోలీని పర్యావరణ హితంగా జరుపుకోవాలని పోలీసులు పదేపదే ప్రజలకు విజ్ఞప్తి చేస్తున్నారు.
మందుబాబులకు షాక్ ఇచ్చిన వీసీ సజ్జనార్
ఎండాకాలం కారణంగా నీటి వృధా కాకుండా పొడి రంగులతోనే హోలీ ఆడుకోవాలని సూచిస్తున్నారు. హోలీ పండుగ వేళ మద్యం సేవించి, వాహనాలు నడిపితే కఠిన చర్యలు తప్పవని హెచ్చరిస్తున్నారు. ఇక ఏకంగా హైదరాబాద్ సిటీ పోలీస్ కమిషనర్ వీసీ సజ్జనార్ హోలీ పండుగ సందర్భంగా మందు బాబులకు షాక్ ఇచ్చారు.
రేపు వైన్స్, కల్లు దుకాణాలు బంద్
హోలీ పండుగ సందర్భంగా హైదరాబాద్, సికింద్రాబాద్ పరిధిలోని వైన్ షాపులు, కల్లు దుకాణాలు, బార్లు రేపుఉదయం ఆరు గంటల నుండి సాయంత్రం ఆరు గంటల వరకు మూసివేయాలని హైదరాబాద్ పోలీస్ కమిషనర్ వీసీ సజ్జనార్ ఆదేశాలు జారీ చేశారు. స్టార్ హోటళ్ళు, రిజిస్టర్డ్ క్లబ్బులకు అనుబంధంగా ఉన్న బార్లకు ఈ నిబంధన వర్తించదని, వారు స్టార్ హోటల్స్, రిజిస్టర్డ్ క్లబ్స్ నిర్వహించుకోవచ్చని తెలియజేశారు.
బహిరంగ ప్రదేశాల్లో అవి నిషేధం
అయితే కల్లు దుకాణాలు, వైన్ షాప్ లు మాత్రం కచ్చితంగా మూసివేయాలని సూచించారు. మరోవైపు.. అయిష్టంగా ఉన్న వ్యక్తులపై రంగు లేదా రంగు నీళ్ళు చల్లడం, బహిరంగ ప్రదేశాలలో వేధింపులకు పాల్పడడం నిషేధమని పేర్కొన్నారు. ఎవరైనా అటువంటి చర్యలకు పాల్పడితే కఠిన చర్యలు తీసుకుంటామన్నారు. ఇటువంటి చర్యలను సహించేది లేదని స్పష్టం చేశారు.
ఇలా చేస్తే చర్యలు ఖాయమని హెచ్చరించిన సీపీ సజ్జనార్
అలాగే సమూహాలుగా రోడ్లపై టూ వీలర్లు, ఇతర వాహనాలు నడపడం, శాంతిభద్రతలకు భంగం కలిగించడం కూడా నిషేధమని సీపీ స్పష్టం చేశారు. అంతేకాదు డీజేలు పెట్టి, చుట్టుపక్కల వాసులకు ఇబ్బంది కలిగిస్తే సహించేది లేదన్నారు. డీజేలకు పర్మిషన్ లేదని తేల్చి చెప్పారు. నిబంధనలు ఉల్లంఘించిన వారిపై హైదరాబాద్ సిటీ పోలీస్ యాక్ట్ సెక్షన్ 76 కింద చర్యలు తీసుకుంటామని పోలీస్ కమిషనర్ vc సజ్జనార్ హెచ్చరించారు.
తెలంగాణా రాష్ట్ర వ్యాప్తంగానూ లిక్కర్ షాపులు క్లోజ్
ఇదిలా ఉంటే రాష్ట్రవ్యాప్తంగా అన్ని జిల్లాలలోనూ మద్యం షాపుల మూసివేతకు నిర్ణయం తీసుకున్నారు హోలీ నేపథ్యంలో తెలంగాణ రాష్ట్ర వ్యాప్తంగా పోలీసులు ఇక్కడ షాపులను మూసి ఉంచాలని కీలక ఆదేశాలు జారీ చేశారు. కొన్నిచోట్ల మంగళవారం, కొన్నిచోట్ల బుధవారం నాడు హోలీ పండుగను జరుపుకుంటున్న క్రమంలో మద్యం షాపుల మూసివేత పైన క్లారిటీ లేకుండా పోయింది.
Click it and Unblock the Notifications
Sign in with Google