అమెరికాలో అలరించిన రామాచారి సంగీత విభావరి

By Pratap

Published: Saturday, August 20, 2011, 9:30 [IST]

స్థానిక ఎన్నారైల కోసం తెలంగాణ సాంస్కృతిక సంఘం (టిసిఎ) బే ఏరియాలోని అతిథి రెస్టారెంట్ సన్నివాలే సిఎలో సంగీత విభావరిని ఏర్పాటు చేసింది. హైదరాబాదులోని లిటిల్ మ్యుజిషియన్స్ అకాడమీ అధిపతి రామాచారి సంగీత కార్యక్రమాన్ని ఇచ్చారు. గత నెల రోజులుగా సిలికాన్ వ్యాలీలోని పిల్లలకు నేర్పిన హిందీ, తెలుగు పాటలను ఆయన ఆలపించారు. రామాచారిని శ్రావణ్ శిరందాసు పరిచయం చేయడంతో కార్యక్రమం ప్రారంభమైంది.

రామాచారి మూడు గంటల పాటు తెలుగు, హిందీ సినిమా పాటలతో పాటు జానపద గేయాలు ఆలపించారు. సిలికాన్ వ్యాలీ ఐటి నిపుణులు ఈ కార్యక్రమాన్ని ఎంతో ఆస్వాదించారు. టిసిఎ అధ్యక్షుడు సైదేష్ అజ్జన్ తమ సంస్థ లక్ష్యాలను వివరించారు. సంఘం మాజీ ఉపాధ్యక్షుడు భాస్కర్ మద్ది రాబోయే బతుకమ్మ పండుగ గురించి వివరించారు. టిసిఎ చైర్మన్ విజయ్ చవ్వా తన టీమ్ మెంబర్స్‌తో కలిసి రామాచారిని సత్కరించారు. రాజు యాశాల, సుభాష్ రవడ వందన సమర్పణ చేశారు.

Published On August 20, 2011