NRI News: అరబ్ కుటుంబం చేతిలో చిత్రహింసలు.. స్వదేశం రావడానికి మహిళ అవస్థలు..

హైదరాబాద్ కు చెందిన సకీనా ఫాతిమా అనే మహిళ సౌదీ అరేబియాలో ఆమె పని చేస్తున్న యజమాని చేతిలో చిత్రహింసలకు గురైంది. గత నవంబర్ లో ఆమె అక్కడి నుంచి బయటకొచ్చింది. అప్పటి నుంచి ఫాతిమా సౌదీ అరేబియాలోని భారత రాయబార కార్యాలయంలో ఉంటున్నారు. స్వదేశానికి రావడానికి ప్రయత్నిస్తున్నారు. ఆమెను స్వదేశానికి రప్పించే ప్రక్రియ వేగవంతం చేయాలని మజ్లిస్ బచావో తెహ్రీక్ పార్టీ విదేశాంగ మంత్రి జైశంకర్ ను అభర్యర్థించింది.

గత ఏడాది నవంబర్‌లో సకీనా సోదరుడు సయ్యద్ జాకర్ హుస్సేన్ ఆమెను రక్షించాలని విజ్ఞప్తి చేస్తూ విదేశీ వ్యవహారాల మంత్రికి లేఖ రాశారు. భర్త చనిపోవడంతో కుటుంబాన్ని చూసుకునేందుకు ఉద్యోగం వెతుక్కుంటూ వచ్చిన సకీనా ఓ ఏజెంట్ ను కలిసిందని లేఖలో వివరించారు. దుబాయ్‌లో ఇంటి పనిమనిషిగా ఉద్యోగం ఇప్పిస్తానని ఏజెంట్ చెప్పినట్లు లేఖలో పేర్కొన్నాడు.

ఏజెంట్ మూడు నెలల విజిట్ వీసాకు హామీ ఇచ్చాడని.. ఆమెకు ఉద్యోగం నచ్చితే, ఆమె వీసా రెండేళ్లకు పొడిగిస్తామని చెప్పప్పినట్లు తెలిపారు. అయితే మూడు నెలలు గడిచినా జీతం ఇవ్వకపోవడంతో హైదరాబాద్‌కు తిరిగి తీసుకురావాలని కోరింది.

Sakina Fatima who was in search of job after death of her husband was taken to Dubai on a visit visa with a promise that she can return if she doest like to work but was sold to a Shaik family in Saudi and was not allowed to come back when her mother was serious who later died/2 pic.twitter.com/hJBDn2jCQh

— Majlis Bachao Tehreek (MBT) (@MBTparty) November 17, 2022

కానీ వెనక్కి పంపే బదులు, సకీనాను సౌదీ అరేబియాలోని అరబ్ కుటుంబానికి విక్రయించాడు ఏజెంట్. ఆమె రోజూ 18 గంటలపాటు జీతం లేకుండా పని చేసింది. ఆమె తల్లి చనిపోయిన తర్వాత కూడా ఆమెను ఇండియాకు తిరిగి పంపించలేదు. ఆమె పరిస్థితి గురించి తెలుసుకున్న సంబంధిత అధికారులు ఆమెను రక్షించి సౌదీ అరేబియాలోని భారత రాయబార కార్యాలయానికి తరలించారు. నవంబర్ నుంచి సకీనా ఎంబసీలో ఉంటూ స్వదేశానికి రావడానికి ప్రయత్నం చేస్తోంది.

.@DrSJaishankar Sir, Its been four months that Sakina Fatima has been rescued and staying in @IndianEmbRiyadh since then, Kindly ask the concerned to speed up the matter and repatriate her.

— Majlis Bachao Tehreek (MBT) (@MBTparty) March 25, 2023

English summary

A woman named Sakina Fatima from Hyderabad was tortured by her employer in Saudi Arabia.