NRI News: కేరళ నర్సుకు యెమెన్లో మరణ శిక్ష..
యెమెన్(Yemen) జాతీయుడిని హత్య చేసిన కేసులో 2017 నుంచి ఆ దేశం జైలు శిక్ష అనుభవిస్తున్న కేర(kerala)కు చెందిన భారతీయ నర్సు నిమిషా ప్రియా మరణశిక్ష అప్పీల్ను యెమెన్ సుప్రీంకోర్టు తిరస్కరించింది. ప్రియా.. తలాల్ అబ్దో మహదీని తన పాస్పోర్ట్ను తిరిగి పొందే ప్రయత్నంలో అతనికి మత్తుమందు ఇంజెక్ట్ చేసి చంపినందుకు దోషిగా నిర్ధారించారు. యెమెన్ వెళ్లాలని ప్రియా తల్లి చేసిన అభ్యర్థనపై వారంలోగా నిర్ణయం తీసుకోవాలని ఢిల్లీ హైకోర్టు గురువారం కేంద్రాన్ని కోరింది.
అరబ్ దేశంలో జరుగుతున్న అంతర్యుద్ధం కారణంగా 2017 నుంచి భారతీయ పౌరులకు ప్రయాణ నిషేధం ఉన్నప్పటికీ యెమెన్ వెళ్లేందుకు అనుమతి కోరుతూ ప్రియా తల్లి ఈ ఏడాది ప్రారంభంలో ఢిల్లీ హైకోర్టును ఆశ్రయించారు. కేరళ నర్సు తల్లి ఆమెను విడుదల చేయడానికి "బ్లడ్ మనీ" లేదా మహదీ కుటుంబంతో నష్టపరిహారం గురించి చర్చలు జరపడానికి యెమెన్ వెళ్లాలని కోరుతోంది.
న్యాయవాది సుబాష్ చందరన్ కెఆర్ తరపున పిటిషనర్ గతంలో కోర్టును అభ్యర్థించారు. తన కుమార్తెను రక్షించడానికి ఏకైక మార్గం బాధితురాలి కుటుంబంతో నేరుగా చర్చలు జరపడమేనని, ఈ ప్రక్రియ యెమెన్లో ఆమెను శిక్ష నుంచి తప్పించేలా చేస్తుందన్నారు. అయితే భారతీయ పౌరులకు ప్రస్తుత ప్రయాణ నిషేధం అడ్డంకిగా నిలుస్తోంది. ఇటీవల జారీ చేసిన నోటిఫికేషన్ ప్రకారం.. యెమెన్కు ప్రయాణ నిషేధాన్ని సడలించవచ్చని, నిర్దిష్ట కారణాలు, పరిమిత వ్యవధి కోసం భారతీయ పౌరులు ఆ దేశాన్ని సందర్శించడానికి అనుమతిస్తున్నారని కేంద్రం తరపు న్యాయవాది గురువారం హైకోర్టుకు తెలియజేశారు.
"ఈ రోజు నుంచి ఒక వారంలోగా యెమెన్ కు వెల్లడంపై నిర్ణయం తీసుకోవాలను" అని జస్టిస్ సుబ్రమణియం ప్రసాద్ ఆదేశించారు. "సేవ్ నిమిషా ప్రియా ఇంటర్నేషనల్ యాక్షన్ కౌన్సిల్" అనే బృందం 2022లో హైకోర్టును ఆశ్రయించింది. "నిమిషా ప్రియను రక్షించేందుకు బాధితురాలి కుటుంబంతో దౌత్యపరమైన జోక్యాలతో పాటు చర్చలు జరిపేందుకు వీలు కల్పించాలని కేంద్రాన్ని కోరింది. అయితే, ప్రియాను రక్షించడానికి "బ్లడ్ మనీ" గురించి చర్చలు జరపాలని కేంద్రానికి ఆదేశాలు జారీ చేయడానికి హైకోర్టు నిరాకరించింది.
Click it and Unblock the Notifications
Sign in with Google