‘బాహుబలి’, ‘కంచె’కు తానా అభినందనలు

న్యూయార్క్: జాతీయ అవార్డు గెలుచుకున్న 'బాహుబలి' చిత్ర బృందానికి తెలుగు అసోసియేషన్ ఆఫ్ నార్త్ అమెరికా(తానా) తరపున డాక్టర్ వి చౌదరి జంపాల అభినందనలు తెలిపారు. చిత్ర దర్శకుడు ఎస్ఎస్ రాజమౌళి, నిర్మాతలు శోభు యార్లగడ్డ, అర్కా మీడియా వర్క్స్ సంస్థలకు అభినందనలు తెలియజేశారు.

సోమవారం ప్రకటించిన 63వ జాతీయ ఫిల్మ్ అవార్డుల్లో బాహుబలి ఉత్తమ చిత్రం(స్వర్ణ కమలం అవార్డుకు)గా ఎంపికైన విషయం తెలిసిందే. అంతేగాక, మరో తెలుగు చిత్రం 'కంచె' ఉత్తమ ప్రాంతీయ చిత్రంగా ఎంపికైంది.

ఈ సందర్భంగా బాహుబలి చిత్ర బృందంతోపాటు కంచె దర్శకుడు క్రిష్ జాగర్లమూడి, నిర్మాత వై రాజీవ్ రెడ్డిలకు చౌదర జంపాల అభినందనలు తెలియజేశారు.

దర్శకులు ఎస్ఎస్ రాజమౌళి, క్రిష్‌లు తెలుగు చిత్రాల స్థాయిని జాతీయ, అంతర్జాతీయ స్థాయికి తీసుకెళ్లారని అన్నారు. ఆ దర్శకుల దృష్టి, ప్రేరణ, అంకితభావమే వారికి ఈ గుర్తింపునిచ్చిందని తెలిపారు.

ఈ చిత్రాలు తెలుగు చిత్రసీమలో కొత్త శకాన్ని ప్రారంభించాయని అన్నారు. జాతీయ అవార్డులు గెలుచుకున్న బాహుబలి, భజరంగీ భాయిజాన్ చిత్రాలకు అద్భుతమైన కథను అందించిన రచయిత విజయేంద్ర ప్రసాద్‌ను ఈ సందర్భంగా చౌదరి జంపాల అభినందించారు. తెలుగు సినిమాకు దగ్గిన ఈ గుర్తింపుతో ఉత్తర అమెరికా తెలుగు ప్రజలు గర్వంగా భావిస్తున్నారని తెలిపారు.

English summary

On behalf of Telugu Association of North America (TANA), Dr. V.Chowdary Jampala, President of TANA, offered congratulations to Director SS Rajamouli, Producer Sobhu Yarlagadda and Arka Media Works for winning the Swarna Kamal Award for the Best National Feature Filmin the 63rd National Film awards, characterizing it as a milestone forTelugu film industry.