కాలిఫోర్నియాలో ఘనంగా ముగిసిన బతుకమ్మ వేడుకలు (ఫోటోలు)

కాలిఫోర్నియా : కాలిఫోర్నియాలోని శాన్ రామన్ లో వారం రోజుల పాటు అంగరంగ వైభవంగా సాగిన బతుకమ్మ ఉత్సవాలు అక్టోబర్ 09తో ముగిశాయి. తెలంగాణ కల్చరల్ అసోసియేషన్ ఆధ్వర్యంలో సాగిన సద్దుల బతుకమ్మ వేడుకలు అందరిని ఆకట్టుకున్నాయి. చివరి రోజైనా అక్టోబర్ 9న బతుకమ్మ పాటలు, కనువిందు చేసే బతుకమ్మలతో తెలంగాణ ఎన్నారైలంతా బతుకమ్మ వేడుకలను ఘనంగా జరుపుకున్నారు.

కోలాటం.. డ్యాన్స్

ఇందులో భాగంగా.. కోలాటం, డ్యాన్స్ లతో వేడుకలు ఉర్రూతలూగగా.. వేడుకల అనంతరం రుచికరమైన భోజనం కూడా ఏర్పాటు చేశారు. ఆహుతులందరినీ ఈ వేడుకలు ఆకట్టుకున్నాయి. తొలుత తెలంగాణ ఎంపీ, తెలంగాణ జాగ్రుతి అధ్యక్షురాలు కల్వకుంట్ల కవిత ముఖ్య అతిథిగా ప్రారంభ వేడుకల్లో పాల్గొన్న సంగతి తెలిసిందే.

నిర్వాహకులు

కాగా, కార్యక్రమంలో పాల్గొన్న టీసీఏ ఎగ్జిక్యూటివ్ టీమ్ మాధవి అన్నం, ధనంజయ బోడ, వినోయ్ మేరెడ్డి, భాస్కర్ మద్ది, క్రిష్ణ గాండ్ర, చంద్రకళ శ్రీరామదాస్, అభిలాష్ రాగినేని, ఉదయ్ జొన్నాల, విజయ్ చవ్వ, భిక్షం పాలబిందెల, బుచ్చన్న గాజుల, మరియు టాటా ఎగ్జిక్యూటివ్ టీమ్ మెంబర్ అప్పిరెడ్డి అన్నపూర్ణ రెడ్డి మరియు ఝాన్సి రెడ్డి సహా తదితరుల సహాకారంతో బతుకమ్మ వేడుకలు వైభవంగా జరిగాయి.

బతుకమ్మలకు బహుమతులు

బతుకమ్మ వేడుకల్లో పాల్గొన్నవారంతా ఆటపాటలతో ఆనందోత్సాహాల నడుమ వేడుకలను జరుపుకున్నారు. అలాగే కనువిందు చేసిన బతుకమ్మలకు గాను కొన్ని బహుమతులను కూడా పంపిణీ చేశారు.

English summary

The week long celbrations started in Fremont by Telangana Jagruthi President Smt.Kavitha Kalavakuntla who specially arrived from India.