మహానీయుడి పేరు పెట్టడం గర్వకారణం, టీఆర్ఎస్ బహ్రెయిన్ సెల్ హర్షం

తెలంగాణ కొత్త సచివాలయానికి డాక్టర్ బీఆర్ అంబేద్కర్ పేరును తెలంగాణ ప్రభుత్వం నిర్ణయించిన సంగతి తెలిసిందే. దీనిపై సర్వత్రా అభినందనలు వ్యక్తం అవుతున్నాయి. సీఎం కేసీఆర్‌కు ప్రశంసలు వెల్లువెత్తుతున్నాయి. తాజాగా ఎన్నారై టీఆర్ఎస్ సెల్ బహ్రెయిన్ జనరల్ సెక్రటరీ మగ్గిడి రాజేందర్, అన్నారం సుమన్ అభినందనలు తెలియజేశారు.

కేసీఆర్ తీసుకున్న నిర్ణయం చాలా గొప్పదని, తెలంగాణ నూతన సచివాలయానికి బాబాసాహెబ్ బీఆర్ అంబేద్కర్ పేరు పెట్టడం యావత్ జాతికి గర్వకారణమన్నారు. సీఎం కేసీఆర్‌కు ప్రత్యేక ధన్యవాదాలు తెలిపారు. సమాజంలోని ప్రతీ ఒక్కరినీ సమాన దృష్టితో చూసిన, దళిత, వెనుకబడిన వర్గాల సమానత్వం కోసం పోరాడిన మహనీయుడి పేరును సచివాలయానికి పెట్టడం గొప్ప నిర్ణయం అన్నారు.

దీనిపై వారు సంతోషం వ్యక్తం చేశారు. దీంతో దళిత, వెనుకబడిన వర్గాల ఆత్మగౌరవం మరింత పెరిగిందన్నారు. ఇదే స్పూర్తితో కేంద్ర ప్రభుత్వం కూడా నూతన పార్లమెంటు భవనానికి బాబా సాహెబ్ అంబేద్కర్ పేరును పెట్టాలని డిమాండ్ చేశారు.

సెప్టెంబర్ 17ను జాతీయ సమైక్యత దినోత్సవంగా జరపనుండగా.. కొత్త సచివాలయానికి అంబేద్కర్ పేరు పెట్టాలని నిర్ణయం తీసుకుంది. ఇటీవలే ఢిల్లీలో కొత్తగా నిర్మించిన పార్లమెంట్ భవనానికి అంబేద్కర్ పేరు పెట్టాలని తెలంగాణ అసెంబ్లీలో తీర్మానం చేశారు. పార్లమెంట్ గురించి తర్వాత మాట్లాడుదాం.. ముందు కొత్తగా కట్టిన సచివాలయానికి అంబేద్కర్ పేరు పెట్టాలని బండి సంజయ్ సవాల్ చేశారు.దీంతో తెలంగాణ ప్రభుత్వం స్పందించింది. అంబేద్కర్ పేరు పెట్టాలని ప్రభుత్వ ప్రధాన కార్యదర్శికి సీఎం కెసిఆర్ ఆదేశాలు జారీచేశారు. ప్రజలందరికీ అన్ని రంగాల్లో సమాన గౌరవం దక్కాలనే అంబేద్కర్ స్పూర్తి లక్ష్యంగానే తెలంగాణ ప్రభుత్వం ముందుకు సాగుతుందని కేసీఆర్ కామెంట్ చేశారు. అంబేద్కర్ రూపొందించిన ఆర్టికల్ 3 ద్వారానే తెలంగాణ ప్రత్యేక రాష్ట్రంగా ఏర్పాటయ్యిందని గుర్తుచేశారు. ఇప్పుడు కేసీఆర్.. కేంద్రంపై పడనున్నారు.

English summary

trs bahrain cell reacted about new secretariat name.