200MP కెమెరాతో "OPPO Find N6" ఫోల్డబుల్ ఫోన్.. ధర తెలిస్తే షాక్..?

చిన్నారుల నుంచి పెద్దల వరకు ఫోన్ లేకపోతే సమయం గడవదు అనే స్థాయికి వచ్చేశారు. ఇక మార్కెట్ లో రోజుకో కొత్త ఫోన్ లాంఛ్ అవుతోంది. కస్టమర్లను ఆకర్షించడానికి తక్కువ ధరలోనే అధునాతన ఫీచర్లతో ఫోన్స్ లాంఛ్ చేస్తున్నారు. ఒప్పో మొబైల్స్ ఇండియన్ మార్కెట్ లో తమకంటూ ప్రత్యేక గుర్తింపు సంపాదించుకుంది. ముఖ్యంగా కెమెరా ఫోన్లలో ఒప్పో బ్రాండ్ యువతలో ప్రత్యేక స్థానం సంపాదించింది.

ఇప్పుడు లేటెస్ట్ గా స్మార్ట్‌ ఫోన్ మార్కెట్లో ఫోల్డబుల్ సెగ్మెంట్‌ ను మరింత విస్తరిస్తూ.. ఒప్పో సంస్థ ఫ్లాగ్‌షిప్ స్మార్ట్ ఫోన్ "ఒప్పో ఫైండ్ N6 (OPPO Find N6)ను చైనాలో లాంచ్ చేసింది. ఈ కొత్త ఫోల్డబుల్ స్మార్ట్ఫోన్‌లో మంచి డ్యూరబిలిటీ, పవర్‌ఫుల్ ప్రాసెసర్, భారీ బ్యాటరీ, అప్‌గ్రేడ్ చేసిన కెమెరా సిస్టమ్ వంటి ఫీచర్లు మొబైల్ ను అగ్రగామిగా నిలుపుతున్నాయి. అత్యాధునిక టెక్నాలజీ, శక్తివంతమైన పనితీరు, ప్రీమియం డిజైన్‌తో ఈ ఫోన్ మార్కెట్‌లో హాట్ టాపిక్‌గా మారింది.

OPPO Find N6 ఫీచర్స్..

డిజైన్ & బిల్డ్ క్వాలిటీ:

ఫైండ్ N6 బుక్-స్టైల్ ఫోల్డబుల్ డిజైన్‌తో వస్తుంది. 2వ తరం టైటానియం ఫ్లెక్షన్ హింజ్, ఆటో స్మూతింగ్ గ్లాస్ వాడటం వల్ల స్క్రీన్ క్రీజ్ సమస్యను గణనీయంగా తగ్గించారు. కేవలం 8.93mm స్లిమ్ డిజైన్‌తో ప్రీమియం లుక్ ఇస్తుంది.

ఇన్నర్ డిస్‌ప్లే:

8.12 అంగుళాల 2K LTPO OLED డిస్‌ప్లే, 1Hz నుంచి 120Hz వరకు అడాప్టివ్ రిఫ్రెష్ రేట్‌తో వస్తుంది. పెద్ద స్క్రీన్ మల్టీమీడియా, గేమింగ్‌కు అద్భుత అనుభవాన్ని ఇస్తుంది.

కవర్ డిస్‌ప్లే:

6.62 అంగుళాల కవర్ స్క్రీన్ రోజువారీ పనులకు సరిపోతుంది. ఫోన్ ఓపెన్ చేయకుండా కూడా చాలా పనులు చేయవచ్చు.

బ్రైట్‌నెస్ & డిస్‌ప్లే టెక్నాలజీ:

పీక్ బ్రైట్‌నెస్ 1,800 నిట్స్ వరకు ఉంటుంది. 2,160Hz PWM డిమ్మింగ్, TÜV సర్టిఫికేషన్‌తో కళ్లకు హాని తక్కువగా ఉంటుంది.

డ్యూరబిలిటీ:

ఈ ఫోన్ 10 లక్షల ఫోల్డ్ సైకిల్స్‌కు సర్టిఫై అయింది. అలాగే IP56, IP58, IP59 వాటర్ & డస్ట్ రెసిస్టెన్స్‌తో మరింత బలంగా ఉంటుంది.

ప్రాసెసర్ & పనితీరు:

Snapdragon 8 Elite Gen 5 ప్రాసెసర్‌తో ఈ ఫోన్ హైఎండ్ పనితీరును అందిస్తుంది. హెవీ గేమింగ్, మల్టీటాస్కింగ్‌లో ఎలాంటి ల్యాగ్ లేకుండా పనిచేస్తుంది.

బ్యాటరీ & ఛార్జింగ్:

6000mAh సిలికాన్-కార్బన్ భారీ బ్యాటరీతో వస్తుంది. 80W ఫాస్ట్ వైర్డ్ ఛార్జింగ్, 50W వైర్‌లెస్ ఛార్జింగ్ సపోర్ట్ ఉంది.

కెమెరా (మెయిన్):

200MP ప్రైమరీ కెమెరాతో అద్భుతమైన ఫోటోగ్రఫీ అనుభవం అందిస్తుంది. 4K 120fps Dolby Vision వీడియో రికార్డింగ్ సపోర్ట్ కూడా ఉంది.

అల్ట్రా వైడ్ కెమెరా:

50MP అల్ట్రా వైడ్ లెన్స్‌తో వైడ్ యాంగిల్ షాట్స్ క్లియర్‌గా వస్తాయి.

టెలిఫోటో కెమెరా:

50MP పెరిస్కోప్ లెన్స్, 3x ఆప్టికల్ జూమ్, 120x డిజిటల్ జూమ్ సపోర్ట్‌తో దూరంలోని వస్తువులను స్పష్టంగా క్యాప్చర్ చేయవచ్చు.

సెల్ఫీ కెమెరాలు:

రెండు 20MP ఫ్రంట్ కెమెరాలు ఉండటం వల్ల వీడియో కాల్స్, సెల్ఫీలు క్వాలిటీగా ఉంటాయి.

సాఫ్ట్‌వేర్ & UI:

ColorOS 16 పై ఈ ఫోన్ నడుస్తుంది. ఫోల్డబుల్ స్క్రీన్‌కు అనుగుణంగా ప్రత్యేక ఫీచర్లు అందించారు.

మల్టీటాస్కింగ్ ఫీచర్లు:

Free-flow Window ద్వారా ఒకేసారి 4 యాప్స్ ఉపయోగించవచ్చు. పెద్ద స్క్రీన్‌ను పూర్తిగా వినియోగించుకోవచ్చు.

AI ఫీచర్లు:

AI ట్రాన్స్‌లేషన్ (డ్యూయల్ స్క్రీన్), స్మార్ట్ అసిస్టెంట్ ఫీచర్లు ఈ ఫోన్‌ను మరింత స్మార్ట్‌గా మారుస్తాయి.

కనెక్టివిటీ:

O+ Connect ద్వారా Mac, Windows, iOS డివైసులతో సులభంగా కనెక్ట్ అవ్వొచ్చు.

స్టైలస్ సపోర్ట్:

OPPO AI పెన్ 4096 ప్రెజర్ లెవల్స్‌తో వస్తుంది, ఇది నోట్స్, డిజైన్ పనులకు ఉపయోగపడుతుంది.

ధరలు:
12GB + 256GB వేరియంట్ రూ.1.32 లక్షలు
16GB + 512GB వేరియంట్ రూ.1.46 లక్షలు
16GB + 1TB వేరియంట్ రూ.1.59 లక్షలు

మొత్తంగా చూస్తే, ఒప్పో ఫైండ్ N6 ఫోల్డబుల్ సెగ్మెంట్‌లో ఒక పవర్‌ఫుల్ ఫ్లాగ్‌షిప్‌గా నిలుస్తోంది. ప్రీమియం డిజైన్, టాప్ లెవెల్ స్పెసిఫికేషన్స్, కొత్త టెక్నాలజీతో ఇది హైఎండ్ యూజర్లకు బెస్ట్ ఛాయిస్‌గా మారే అవకాశం ఉంది.

English summary

From children to adults, it has come to the point where time cannot pass without a phone. New phones are being launched in the market every day. Phones are being launched with advanced features at low prices to attract customers.