రెండు కొత్త స్మార్ట్ ఫోన్లను లాంఛ్ చేసిన "రియల్‌మీ".. బెస్ట్ ఫీచర్స్ !

చైనాకు చెందిన స్మార్ట్‌ఫోన్ బ్రాండ్ "రియల్‌మీ" తక్కువ కాలంలోనే భారతీయ మార్కెట్లో బలమైన స్థానం సంపాదించింది. "డేర్ టు లీప్" అనే ట్యాగ్‌లైన్‌తో యువతను ఆకర్షించే ఈ బ్రాండ్.. తక్కువ ధరలోనే బెస్ట్ ఫీచర్ను అందిస్తూ వినియోగదారుల మన్నన పొందింది. కాగా భారత మార్కెట్‌లో రియల్‌మీ ప్రస్థానం 2018లో ప్రారంభమైంది. అప్పటి నుంచి బడ్జెట్‌ నుంచి ఫ్లాగ్‌షిప్ వరకూ పలు సెగ్మెంట్లలో ఫోన్లను విడుదల చేస్తూ.. పలు బ్రాండ్లకు గట్టి పోటీని ఇస్తోంది.

రియల్‌మీ జీటీ 8 సిరీస్ లాంచ్..

కాగా లేటెస్ట్ గా కంపెనీ రెండు కొత్త ఫ్లాగ్‌షిప్ స్మార్ట్‌ఫోన్‌లను లాంఛ్ చేసింది. రియల్‌మీ జీటీ 8 ప్రో, రియల్‌మీ జీటీ 8 పేరుతో చైనా మార్కెట్లో అక్టోబర్ 21, 2025న విడుదల చేసింది. ఈ రెండు ఫోన్‌లు డిజైన్‌, కెమెరా, బ్యాటరీ, ప్రాసెసర్ పరంగా గణనీయమైన అప్‌గ్రేడ్‌లతో వచ్చాయి.

రియల్‌మీ జీటీ 8 ప్రో & రియల్‌మీ జీటీ 8 ఫీచర్స్..

ప్రాసెసర్ & పనితీరు..

రియల్‌మీ జీటీ 8 సిరీస్‌లో Qualcomm తాజా Snapdragon 8 Elite Gen 5 చిప్‌సెట్‌ను అమర్చారు. ఇది ప్రస్తుతం ఆండ్రాయిడ్ మార్కెట్లో అత్యంత శక్తివంతమైన ప్రాసెసర్‌గా గుర్తించబడుతోంది. ఈ చిప్ గేమింగ్, మల్టీటాస్కింగ్, మరియు AI ఫీచర్లలో అత్యుత్తమ అనుభవాన్ని అందిస్తుంది. అలానే R1X Graphics Chip గేమ్ పనితీరును మెరుగుపరచి, హీట్ మేనేజ్‌మెంట్‌ను సమర్థవంతంగా నియంత్రిస్తుంది.

డిస్‌ప్లే..

రియల్‌మీ జీటీ 8 ప్రోలో 6.79 అంగుళాల QHD+ AMOLED డిస్‌ప్లేను ఉపయోగించారు. ఇది 144Hz రిఫ్రెష్ రేట్‌, 2K రిజల్యూషన్‌, మరియు 7000 నిట్స్ పీక్ బ్రైట్‌నెస్‌ను అందిస్తుంది. HDR10+ సపోర్ట్‌, అల్ట్రాసోనిక్ ఫింగర్‌ప్రింట్ సెన్సార్‌, IP69/68 రేటింగ్‌ తో ఫోన్ బలంగా కనిపిస్తుంది.

కెమెరా..

• కెమెరా విషయంలో రియల్‌మీ జీటీ 8 ప్రో వినియోగదారులను ఆశ్చర్యపరుస్తోంది. ఇందులో 50MP సోనీ LYT-808 ప్రైమరీ సెన్సార్‌, 50MP అల్ట్రా వైడ్ లెన్స్‌, 200MP టెలిఫోటో లెన్స్ ఉన్నాయి. 32MP ఫ్రంట్ కెమెరా 4K వీడియో రికార్డింగ్‌ను సపోర్ట్ చేస్తుంది.
• జీటీ 8 మోడల్‌లో 50MP ప్రైమరీ కెమెరా, 8MP అల్ట్రా వైడ్‌, 50MP టెలిఫోటో కెమెరా కలిపి ఉన్నాయి.

బ్యాటరీ & ఛార్జింగ్..

రెండు మోడళ్లలోనూ 7000mAh భారీ బ్యాటరీను అందించారు.

• జీటీ 8 ప్రోలో 120W ఫాస్ట్ ఛార్జింగ్ సపోర్ట్ ఉండగా.. కేవలం 18 నిమిషాల్లో పూర్తి ఛార్జ్ అవుతుంది.
• జీటీ 8 మోడల్‌లో 100W ఛార్జింగ్ ఉంది. వైర్‌లెస్ రివర్స్ ఛార్జింగ్ ఫీచర్ కూడా అందించారు.

మెమొరీ & స్టోరేజ్..

రియల్‌మీ జీటీ 8 సిరీస్‌లో 12GB నుండి 16GB LPDDR5X RAM, 256GB నుండి 1TB వరకు UFS 4.0 స్టోరేజ్ ఆప్షన్లు అందుబాటులో ఉన్నాయి.

సాఫ్ట్‌వేర్..

రియల్‌మీ జీటీ 8 సిరీస్ ఫోన్‌లు తాజా Android 15 ఆధారంగా ఉన్న Realme UI 6.0తో వస్తాయి. ఈ కొత్త యూజర్ ఇంటర్‌ఫేస్‌లో AI ఆధారిత బ్యాక్‌గ్రౌండ్స్‌, మెరుగైన సెక్యూరిటీ కంట్రోల్స్‌, మరియు స్మార్ట్ బ్యాటరీ ఆప్టిమైజేషన్ ఫీచర్లు ఉన్నాయి.

డిజైన్..

రియల్‌మీ జీటీ 8 సిరీస్ ఫోన్లు అల్యూమినియం ఫ్రేమ్‌, గ్లాస్ బ్యాక్‌, మరియు నానో టెక్స్చర్ ఫినిష్‌తో రూపుదిద్దుకున్నాయి.

కలర్స్..

• ప్లాటినం గ్రే
• సోలార్ గోల్డ్‌
• మిడ్‌నైట్ బ్లాక్‌

మూడు ఆకర్షణీయ కలర్ ఆప్షన్లు అందుబాటులో ఉన్నాయి.

ధరలు..

రియల్‌మీ జీటీ 8 (12GB + 256GB) - 2,899 యువాన్లు (రూ.35,850)

రియల్‌మీ జీటీ 8 (16GB + 1TB) - 4,099 యువాన్లు (రూ.50,690)

రియల్‌మీ జీటీ 8 ప్రో (12GB + 256GB) - 3,999 యువాన్లు (రూ.49,440)

రియల్‌మీ జీటీ 8 ప్రో (16GB + 1TB) - 5,199 యువాన్లు (రూ.64,280)

ఈ రెండు ఫోన్‌ల ప్రీ-బుకింగ్స్ ఇప్పటికే చైనాలో ప్రారంభమయ్యాయి. భారత మార్కెట్లో నవంబర్ చివరలో విడుదలయ్యే అవకాశం ఉన్నట్లు సమాచారం.

English summary

Chinese smartphone brand Realme has established a strong presence in the Indian market in a short span of time. The company has recently launched two new flagship smartphones.