పిచ్చెక్కించే ఫీచర్స్‌తో ఇయర్‌ బడ్స్ లాంచ్ చేసిన "శాంసంగ్"..!

స్మార్ట్ డివైజ్‌లలో ఎప్పటికప్పుడు ఇన్నోవేషన్ చూపిస్తున్న Samsung భారత మార్కెట్లో తన తాజా వైర్‌లెస్ ఇయర్‌బడ్‌లను విడుదల చేసింది. Samsung Galaxy Buds4, Samsung Galaxy Buds4 Pro పేరుతో వచ్చిన ఈ మోడల్స్‌ను Samsung Galaxy S26 సిరీస్‌తో కలిసి లాంచ్ చేశారు. అడాప్టివ్ ANC, AI ఆధారిత ఫీచర్లు, సూపర్ క్లియర్ కాలింగ్ వంటి ఆధునిక సాంకేతికతలతో ఈ ఇయర్‌బడ్‌లు ప్రీమియం ఆడియో అనుభవాన్ని అందించనున్నాయి.

ఈ ఇయర్‌బడ్‌లు తెలుపు, నలుపు రంగుల్లో అందుబాటులో ఉంటాయి. Buds4 Proకు ప్రత్యేకంగా పింక్ గోల్డ్ కలర్ ఆన్‌లైన్‌లో మాత్రమే లభిస్తుంది.

Galaxy Buds4 ధర: ₹16,999

Galaxy Buds4 Pro ధర: ₹22,999

ప్రస్తుతం ప్రీ-బుకింగ్ ప్రారంభమైంది. అమెజాన్, శాంసంగ్ అధికారిక వెబ్‌సైట్ మరియు రిటైల్ స్టోర్లలో మార్చి 11 నుంచి విక్రయాలు ప్రారంభం కానున్నాయి.

డిజైన్..

Galaxy Buds4 సిరీస్‌లో కొత్తగా Buds Blade డిజైన్ను అందించారు. లక్షలాది వినియోగదారుల చెవి ఆకారాలను విశ్లేషించి, వేలాది సిమ్యులేషన్ల తర్వాత ఈ డిజైన్‌ను రూపొందించినట్లు కంపెనీ తెలిపింది.

Buds4 Pro - Canal-fit డిజైన్‌తో వచ్చి బాహ్య శబ్దాన్ని ఎక్కువగా ఐసోలేట్ చేస్తుంది.

Buds4 - Open-fit డిజైన్‌తో వచ్చి దీర్ఘకాల వినియోగంలో కంఫర్ట్‌ను అందిస్తుంది.

శక్తివంతమైన ఆడియో & అడాప్టివ్ ANC

Buds4 Proలో పెద్ద వూఫర్, టూ-వే స్పీకర్ సిస్టమ్‌ను అందించారు. Enhanced Adaptive ANC మరియు Adaptive EQ ఫీచర్లు వినియోగదారుడి చెవి ఆకారాన్ని గుర్తించి సౌండ్‌ను ఆటోమేటిక్‌గా సర్దుబాటు చేస్తాయి. దీని వల్ల సంగీతం, సినిమాలు, గేమింగ్‌లో ఇమర్సివ్ అనుభవం లభిస్తుంది. అలాగే 24-bit Hi-Fi ఆడియో సపోర్ట్, లో లేటెన్సీ మోడ్ గేమింగ్‌కు ప్రత్యేకంగా ఉపయోగపడుతుంది.

AI ఆధారిత సూపర్ క్లియర్ కాలింగ్

ఈ ఇయర్‌బడ్‌లలో Super Clear Call టెక్నాలజీ ఉంది. AI ఆధారిత నాయిస్ రిడక్షన్, మల్టీ మైక్ సెటప్ వల్ల గాలి శబ్దం, ట్రాఫిక్ నాయిస్ వంటి బాహ్య శబ్దాలు తగ్గి స్పష్టమైన కాలింగ్ అనుభవం లభిస్తుంది. వీడియో కాల్స్, వర్క్ ఫ్రం హోమ్ వినియోగానికి ఇది మరింత ఉపయోగకరం.

AI అసిస్టెంట్ & స్మార్ట్ కంట్రోల్స్

Galaxy Buds4 సిరీస్‌లో Bixbyతో పాటు Google Gemini, Perplexity వంటి AI అసిస్టెంట్లకు సపోర్ట్ ఉంది. వాయిస్ కమాండ్లతో మ్యూజిక్, కాల్స్, నోటిఫికేషన్లను సులభంగా నియంత్రించవచ్చు. Buds4 Proలో ఉన్న Head Gesture Control ఫీచర్ ద్వారా తల కదలికలతోనే కాల్స్‌ను అటెండ్/రిజెక్ట్ చేయవచ్చు.

బ్యాటరీ, కనెక్టివిటీ & ఇతర ఫీచర్లు..

ANC ఆన్‌లో 6-7 గంటల బ్యాటరీ, కేస్‌తో 25-30 గంటల ప్లేబ్యాక్

ఫాస్ట్ ఛార్జింగ్ - 10 నిమిషాల ఛార్జ్‌తో గంటల ప్లేబ్యాక్

Bluetooth 5.4 కనెక్టివిటీ, మల్టీ-డివైస్ స్విచింగ్

IP57 వాటర్ & డస్ట్ రెసిస్టెన్స్

ట్రాన్స్‌పరెంట్ ఛార్జింగ్ కేస్, టచ్ కంట్రోల్స్, 360 ఆడియో సపోర్ట్.

English summary

Samsung, which has always been innovating in smart devices, has launched its latest wireless earbuds in the Indian market. Named Samsung Galaxy Buds4 and Samsung Galaxy Buds4 Pro, these models were launched along with the Samsung Galaxy S26 series.