ఈ ఏడాది తొలి సూర్య గ్రహణం- అక్కడ మాత్రమే
Solar Eclipse 2025: ఈ ఏడాది మొట్టమొదటి పాక్షిక సూర్యగ్రహణం పలు దేశాల్లో కనువిందు చేస్తోంది. అత్యంత అరుదైన గ్రహణం ఇది. లక్షలాది మంది స్వయంగా దీన్ని వీక్షిస్తోన్నారు. ఈ అరుదైన సంపూర్ణ సూర్యగ్రహణాన్ని అమెరికా అంతరిక్ష పరిశోధన సంస్థ నాసా ప్రత్యక్ష ప్రసారం చేస్తోంది.
ఉత్తర అమెరికా ఖండంలో మాత్రమే కనిపిస్తోంది. ఆయా దేశాల ప్రజలు ఈ సూర్యగ్రహణాన్ని వీక్షించగలుగుతున్నారు. అమెరికా, కెనడాల్లో కొన్ని ప్రాంతాల్లోనే గ్రహణం కనువిందు చేస్తోంది. అమెరికా కాలమానం ప్రకారం న్యూయార్క్లో తెల్లవారు జామున 6:35 నిమిషాలకు గ్రహణకాలం ఆరంభమైంది.
పెన్సిల్వేనియా- 6:46, న్యూజెర్సీ- 6:43, వర్జీనియా- 6:50 నిమిషాలకు గ్రహణం మొదలైంది. భారత కాలమానాన్ని పరిగణనలోకి తీసుకుంటే ఈ మధ్యాహ్నం 2:20 నిమిషాలకు గ్రహణం మొదలైంది. సాయంత్రం 6:13 నిమిషాల వరకు కొనసాగుతుంది. బోస్టన్, ఉత్తర అమెరికాలోని కొన్ని ప్రాంతాల ప్రజలు ఈ సంపూర్ణ సూర్యగ్రహణాన్ని వీక్షించగలుగుతున్నారు.
న్యూ హాంప్షైర్, వెర్మాంట్, మసాచుసెట్స్, రోడ్ ఐలాండ్, కనెక్టికట్, డెలావేర్, మేరీల్యాండ్లల్లో నివసించే ప్రజలు సూర్యగ్రహణాన్ని చూడగలుగుతున్నారు. మసాచుసెట్స్- 55, న్యూ హాంప్షైర్- 57, వెర్మాంట్- 53, న్యూయార్క్- 45 శాతం వరకు సూర్య గ్రహణం కనిపించింది.
బోస్టన్- 43, ఫిలడెల్ఫియా- 12 శాతం వరకు మాత్రమే చంద్రుడి ఛాయ సూర్యుడిని కమ్మేసింది. వాషింగ్టన్ డీసీలో కనిపించిన సూర్యగ్రహణం ఒక శాతం. వర్జీనియా బీచ్కు దక్షిణ దిశతో పాటు న్యూయార్క్లోని బఫెలోకు తూర్పు దిక్కున గ్రహణం కనిపించలేదు.
యూరప్, దక్షిణ అమెరికా- ఆసియా ఉత్తర ప్రాంతాలు, ఆఫ్రికాలోని వాయవ్య దేశాలు, అట్లాంటిక్, ఆర్కిటిక్ ప్రాంతాల్లో ఈ పాక్షిక సూర్యగ్రహణం కనిపిస్తోన్నట్లు టైమ్ అండ్ డేట్ వెబ్సైట్ తెలిపింది. కెనడా, గ్రీన్ ల్యాండ్, ఐస్లాండ్, నార్వే, పోర్చుగల్, ఆస్ట్రియా, బార్బడొస్, బెలారస్, బెల్జియం, బెర్ముడా, బ్రెజిల్, బ్రిటీష్ వర్జీనియా ఐలండ్స్, క్రొయేషియా వంట దేశాల్లో పాక్షిక సూర్యగ్రహణం సంభవించింది.
తదుపరి సూర్యగ్రహణం 2026 ఆగస్టు 12వ తేదీన సంభవిస్తుంది. ఇది సంపూర్ణ గ్రహణం. చాలా ప్రాంతాలలో పాక్షికంగానే కనిపించినప్పటికీ ప్రధానంగా యూరప్, ఉత్తర ఆసియా, ఉత్తర/పశ్చిమ ఆఫ్రికా, ఉత్తర అమెరికాలో ఎక్కువ భాగం, పసిఫిక్, అట్లాంటిక్ మరియు ఆర్కిటిక్ వంటి కొన్ని ప్రాంతాలు సంపూర్ణంగా కనిపిస్తుంది.
-
ఉగాది నుంచి వృశ్చిక రాశి, తులారాశి వారి జాతక ఫలం -
పీఎం కిసాన్ - అన్నదాత సుఖీభవ నిధుల జమ: ఖాతాల్లో రూ 6 వేలు, తాజా నిర్ణయం..!! -
రైతులకు శుభవార్త.. ఆ డబ్బులు నేరుగా మీ బ్యాంకు ఖాతాల్లోనే! -
రైతు భరోసా నిధులు జమ విషయంలో లేటెస్ట్ అప్డేట్! -
తెలుగు హీరోయిన్తో స్టార్ క్రికెటర్ ఎంగేజ్మెంట్! -
T20 World Cup: చిత్తుగా ఓడిన కివీస్ పై అర్ధరాత్రి ఐసీసీ సంచలన ట్వీట్..! -
140 కోట్ల మంది కలలు ఛిద్రం.. ప్రపంచ కప్ నుంచి భారత్ అవుట్! -
బెంగళూరుకు ప్రత్యేక రైళ్లు- ఏపీలో హాల్ట్ స్టేషన్లు -
T20 WC 2026 ఫైనల్ గెలిచేది ఆ జట్టే: మహమ్మద్ అమీర్ -
పాతాళానికి పడిపోతున్న బంగారం ధరలు- భారీ క్రాష్ -
టాలీవుడ్ స్టార్ హీరో ఎంగేజ్మెంట్ -
నా దేవత- ఆమె రాకతోనే నా జీవితం ఇలా మారిపోయింది
Click it and Unblock the Notifications
Sign in with Google