బెన్ స్టోక్స్ ఫేషియల్ సర్జరీ.. అంత అవసరం ఏమొచ్చింది ?!

ఇంగ్లాండ్ టెస్ట్ కెప్టెన్, స్టార్ ఆల్‌రౌండర్ బెన్ స్టోక్స్.. ఫేషియల్ సర్జరీ చేయించుకున్నాడు. ఈ సర్జరీ విజయవంతమైంది. ముఖానికి గాయం కావడంతో అతనికి ఈ సర్జరీ అవసరమైంది. ఈ విషయాన్ని స్టోక్స్ స్వయంగా వెల్లడించాడు. తన అధికారిక ఇన్‌స్టాగ్రామ్ లో దీనికి సంబంధించిన సమాచారాన్ని పోస్ట్ చేశాడు. గాయంపై తాజా సమాచారాన్ని తెలియజేశాడు. "చూడటానికి అలా అనిపించకపోవచ్చు గానీ.. సర్జరీ విజయవంతమైంది" అని కామెంట్స్ దీనికి యాడ్ చేశాడు.

ఈ ఆపరేషన్ విషయాన్ని బెన్ స్టోక్స్ కిందటి వారమే సోషల్ మీడియా ద్వారా వెల్లడించాడు. గాయం గురించి వివరించాడు. "బంతి పరిస్థితి చూస్తే మీకు అర్థమవుతుంది" అని సరదాగా వ్యాఖ్యానించారు. యాషెస్ టెస్ట్ సిరీస్ లో భాగంగా కిందటి నెల ఆస్ట్రేలియాతో జరిగిన అయిదో మ్యాచ్ అతో అతను గాయపడ్డాడు. అప్పుడు జరిగిన అడక్టార్ గాయం నుంచి ఇంకా కోలుకోలేదు. ఫలితంగా ప్రస్తుతం జరుగుతున్న టీ20 వరల్డ్ కప్ నుంచి తప్పుకోవాల్సి వచ్చింది.

2023 ప్రపంచ కప్ తర్వాత వన్డే ఇంటర్నేషనల్స్ కు దూరం అయ్యాడు స్టోక్స్. అప్పటి నుంచి ఇంగ్లాండ్‌ తరఫున వైట్-బాల్ క్రికెట్ ఆడట్లేదు. అలాగే ప్రస్తుత టీ20 ప్రపంచ కప్‌కు కూడా ఎంపిక కాలేదు. జూన్‌లో న్యూజిలాండ్‌తో జరిగే ఇంగ్లాండ్ టెస్టు సిరీస్‌లో స్టోక్స్ అంతర్జాతీయ క్రికెట్‌కు తిరిగి రావాలని భావిస్తోన్నాడు. దీనికంటే ముందు దుర్హమ్ తరఫున కౌంటీ ఛాంపియన్‌షిప్‌ టోర్నమెంట్ లో అతను ఆడే అవకాశం ఉంది.

ఫిబ్రవరి-మార్చిలో అబుదాబిలో పాకిస్థాన్ షాహీన్స్‌తో జరిగే వైట్ బాల్ సిరీస్‌కు ఇంగ్లాండ్ లయన్స్ కోచింగ్ స్టాఫ్‌లో స్టోక్స్, మొయిన్ అలీ, ఆండ్రూ ఫ్లింటాఫ్‌తో కలిసి ఆడాల్సి ఉంది. ఈ సిరీస్ కోసం 17 మందితో కూడిన టీ20, 16 మందితో కూడిన వన్డే టీమ్ టీమ్ ను ఇదివరకే ప్రకటించారు.

ఇంగ్లాండ్ లయన్స్ టీ20 జట్టు: సన్నీ బేకర్, లూక్ బెంకన్‌స్టెయిన్, జేమ్స్ కోల్స్, సామ్ కుక్, జోర్డాన్ కాక్స్ (కెప్టెన్), స్కాట్ కర్రి, కాల్విన్ హారిసన్, ఎడ్డీ జాక్, సాఖిబ్ మహమూద్, బెన్ మెక్‌కిన్నే, టామ్ మూర్స్, డాన్ మౌస్లీ, మాట్ రెవిస్, విల్ స్మీడ్, నాథన్ సోటర్, మిచెల్ స్టాన్లీ, ఆసా ట్రైబ్.

ఇంగ్లండ్ లయన్స్ వన్డే టీమ్: సన్నీ బేకర్, లూక్ బెంకన్‌స్టెయిన్, జేమ్స్ కోల్స్, సామ్ కుక్, జోర్డాన్ కాక్స్, స్కాట్ కర్రి, కాల్విన్ హారిసన్, ఎడ్డీ జాక్, బెన్ మెక్‌కిన్నే, డాన్ మౌస్లీ (కెప్టెన్), లియామ్ ప్యాటర్సన్-వైట్, మాథ్యూ పాట్స్, మాట్ రెవిస్, జేమ్స్ రేవ్, మిచెల్ స్టాన్లీ, ఆసా ట్రైబ్, జేమ్స్ వార్టన్.

English summary

Ben Stokes Undergoes Successful Facial Surgery, England Test Captain Feels Relief and shared a Photo. Ben Stokes Undergoes Successful Facial Surgery, England Test Captain Feels Relief and shared a Photo. 34-year-old England Test captain shared the news on Instagram on February 10, stating, “May not look like it… but the surgery was a success.” ఇంగ్లాండ్ ఆల్ రౌండర్ బెన్ స్టోక్స్ ఫేషియల్ సర్జరీ చేయించుకున్నాడు.