గంభీర్ కోచ్‌గా ఉన్నంత కాలం నువ్వు జట్టులోకి రావు రాలేవు..!

క్రికెట్ అభిమానుల దృష్టిలో ఒకప్పుడు ఆరాధ్యుడుగా ఉన్న గౌతమ్ గంభీర్, ఇప్పుడు వారి ఆగ్రహానికి గురవుతున్నాడు. భారత జట్టుకు టీ20, వన్డే ప్రపంచ కప్‌లు అందించడంలో కీలక పాత్ర పోషించిన గంభీర్, ప్రస్తుతం టీమిండియా హెడ్ కోచ్‌గా వ్యవహరిస్తున్నారు. అయితే, ఆయన కోచ్‌గా బాధ్యతలు చేపట్టిన తర్వాత జట్టులో చోటుచేసుకున్న పరిణామాలు అభిమానులను ఆందోళనకు గురిచేస్తున్నాయి.

జట్టులో అకస్మాత్తుగా మార్పులు
గౌతమ్ గంభీర్ కోచ్‌గా బాధ్యతలు చేపట్టిన తర్వాత భారత జట్టులో అనేక మార్పులు జరిగాయి. రోహిత్ శర్మ, విరాట్ కోహ్లీ, రవిచంద్రన్ అశ్విన్ వంటి సీనియర్ ఆటగాళ్లు టెస్ట్, టీ20లకు దూరమయ్యారు. ఈ మార్పుల మధ్య, మరో కీలక ఆటగాడు శ్రేయస్ అయ్యర్ స్థానం కూడా ప్రశ్నార్థకంగా మారింది. శ్రేయస్ అయ్యర్, గౌతమ్ గంభీర్‌కు మధ్య ఉన్న వ్యక్తిగత విభేదాలే దీనికి కారణమని క్రికెట్ అభిమానులు మరియు విశ్లేషకులు భావిస్తున్నారు.

శ్రేయస్ అయ్యర్, గంభీర్ మధ్య గ్యాప్ ఎందుకు?
గతంలో, కోల్‌కతా నైట్ రైడర్స్ జట్టుకు కోచ్‌గా గంభీర్, కెప్టెన్‌గా శ్రేయస్ అయ్యర్ పనిచేశారు. ఆ సీజన్‌లో కోల్‌కతా టైటిల్ గెలుచుకున్నప్పటికీ, దాని క్రెడిట్ మొత్తం గంభీర్‌కే దక్కింది. దీంతో అసంతృప్తి చెందిన శ్రేయస్ అయ్యర్ జట్టును వీడి పంజాబ్ జట్టులోకి వెళ్లారు. అప్పటి నుంచి వీరిద్దరి మధ్య దూరం పెరిగిందని అందరూ భావిస్తున్నారు. తాజాగా ఆసియా కప్ జట్టు ఎంపికలో కూడా శ్రేయస్ పేరు లేకపోవడంతో అభిమానుల ఆగ్రహం కట్టలు తెంచుకుంది.

వ్యక్తిగత విభేదాల కారణంగా ఒక ప్రతిభావంతుడైన ఆటగాడికి అన్యాయం జరుగుతుందని క్రికెట్ నిపుణులు సైతం అసంతృప్తి వ్యక్తం చేస్తున్నారు. గతంలో జట్టుకు విజయాలు అందించిన గంభీర్, ఇప్పుడు తన నిర్ణయాలతో అభిమానుల నుంచి విమర్శలు ఎదుర్కొంటున్నారు. ఈ పరిస్థితి భారత క్రికెట్‌కు ఎలాంటి పరిణామాలను తీసుకొస్తుందో వేచి చూడాలి.

English summary

The exclusion of star batsman Shreyas Iyer from India's Asia Cup 2025 squad has ignited a firestorm of criticism, with fans and cricket experts pointing fingers at new head coach Gautam Gambhir.