పాపా.. నువ్వు ఆ షాట్ ఎందుకు ఆడావు? (వీడియో)
టీ20 ప్రపంచ కప్ 2026 సెమీఫైనల్ మ్యాచ్లో ఇంగ్లాండ్పై భారత్ ఘనవిజయం సాధించి ఫైనల్లోకి దూసుకెళ్లింది. ఈ ఉత్కంఠభరితమైన మ్యాచ్లో టీమిండియా ఆల్రౌండర్ హార్దిక్ పాండ్యా తన బ్యాటింగ్, బౌలింగ్తో మెరిశాడు. అయితే మ్యాచ్ జరుగుతున్న సమయంలో హార్దిక్ పాండ్యా తనయుడు అగస్త్య పాండ్యా చేసిన అల్లరి, అతను ఇచ్చిన క్యూట్ రియాక్షన్స్ ఇప్పుడు సోషల్ మీడియాలో వైరల్ అవుతున్నాయి.
హార్దిక్ అవుట్ అవ్వగానే ఆగ్రహించిన అగస్త్య!
సెమీఫైనల్ మ్యాచ్ చివరి ఓవర్లో హార్దిక్ పాండ్యా బ్యాటింగ్ చేస్తున్న సమయంలో బంతిని బలంగా బాది పరుగులు తీయబోయి రనౌట్ అయ్యాడు. హార్దిక్ అవుట్ అవ్వగానే స్టాండ్స్లో ఉన్న అగస్త్య ఒక్కసారిగా నిరాశకు గురయ్యాడు. అంతేకాదు, "పాపా.. నువ్వు ఆ షాట్ ఎందుకు ఆడావు?" అన్నట్లుగా తన చేతులతో సైగలు చేస్తూ, చాలా అసహనంతో కనిపిస్తూ 'పాపా' అని అరుస్తూ కనిపించాడు. చిన్నారి అగస్త్య అంతలా ఎమోషనల్ అవ్వడం చూసి పక్కనే ఉన్న మహికా శర్మ అతడిని శాంతపరిచే ప్రయత్నం చేసింది. ఈ వీడియో క్షణాల్లోనే నెట్టింట వైరల్గా మారింది.
మ్యాచ్లో హార్దిక్ పాండ్యా సత్తా
బ్యాటింగ్లో చివరి ఓవర్లలో మెరుపులు మెరిపించిన హార్దిక్.. కేవలం 12 బంతుల్లోనే 27 పరుగులు చేసి టీమిండియా భారీ స్కోరు సాధించడంలో కీలకంగా మారాడు. బౌలింగ్లో కూడా తానెంత కీలకమో మరోసారి నిరూపించాడు. ఇంగ్లాండ్ బ్యాటర్లు ఫిల్ సాల్ట్, సామ్ కరన్ల వికెట్లను తీసి ప్రత్యర్థిని ఒత్తిడిలో పడేశాడు.
Hardik Pandya gets out…
— Sporttify (@sporttify) March 6, 2026
Agastya Pandya: “Papa, you shouldn’t have hit it like that.” 😂pic.twitter.com/v2bq9ceKd3
ఫైనల్పై అందరి దృష్టి..
ఈ గెలుపుతో టీమిండియా మార్చి 8న అహ్మదాబాద్లోని నరేంద్ర మోడీ స్టేడియంలో జరగనున్న ఫైనల్ మ్యాచ్లో న్యూజిలాండ్తో తలపడనుంది. గతంలో న్యూజిలాండ్పై హార్దిక్ పాండ్యాకు మంచి రికార్డు ఉంది. ఇప్పటివరకు 18 టీ20ల్లో 13 వికెట్లు తీయడమే కాకుండా, బ్యాటింగ్లోనూ తన వంతు సహకారాన్ని అందిస్తూ వస్తున్నాడు. ఫైనల్లోనూ ఇదే జోరును కొనసాగిస్తూ.. భారత్కు వరల్డ్ కప్ అందించాలని అభిమానులు ఆశిస్తున్నారు. మ్యాచ్ ముగిసిన తర్వాత అగస్త్యతో, ఎంఎస్ ధోనితో కలిసి హార్దిక్ సరదాగా గడిపిన ఫోటోలు కూడా అభిమానులను అలరిస్తున్నాయి.
Click it and Unblock the Notifications
Sign in with Google