అర్జున్ ఇరిగేశి అద్భుతం: 2800 ఎలో రేటింగ్ సాధించిన తెలంగాణ చెస్ స్టార్, రెండో భారతీయుడు
Arjun Irigesi: తెలంగాణ గ్రాండ్ మాస్టర్, చెస్ స్టార్ అర్జున్ ఇరిగేశి (Arjun Erigaisi) చరిత్ర సృష్టించాడు. 2800 ఎలో రేటింగ్ (Elo rating) దాటిన రెండో భారత క్రీడాకారుడిగా అద్భుతమైన ఘనత సాధించాడు. యూరోపియన్ చెస్ క్లబ్ కప్ టోర్నీలో పాల్గొన్నాడు అర్జున్. అయితే, తన ఐదో రౌండ్లో దిమిత్రీ ఆండ్రేకిన్ను ఓడించి ఈ ఫీట్ను సాధించాడు.
ఇంతకుముందు ఐదుసార్లు ప్రపంచ ఛాంపియన్ అయిన విశ్వనాథన్ ఆనంద్ మాత్రమే భారత్ తరపున 2800 ఎలో రేటింగ్ను దాటాడు. మొత్తం ప్రపంచ వ్యాప్తంగా 16వ క్రీడాకారుడిగా అర్జున్ రికార్డుల్లోకెక్కాడు. ప్రస్తుతం అర్జున్ ఖాతాలో 2802.1 పాయింట్లు ఉన్నాయి.
అర్జున్ ఎరిగైసితో పాటు, ప్రస్తుతం ముగ్గురు ఆటగాళ్లు 2800 కంటే ఎక్కువ లైవ్ రేటింగ్ను కలిగి ఉన్నారు. వారు.. మాగ్నస్ కార్ల్సెన్ (2831.0), ఫాబియానో కరువానా (2805.2), హికారు నకమురా (2802.0).
కాగా, ఇటీవల బుడాపెస్ట్లో జరిగిన 45వ చెస్ ఒలింపియాడ్లో భారత్ స్వర్ణం గెలవడంలో అర్జున్ కీలక పాత్ర పోషించిన విషయం తెలిసిందే. టోర్నీ మొదట్నుంచీ ఓటమన్నదే ఎరుగని ఈ యువ చెస్ స్టార్.. 11 మ్యాచ్ల్లో 9 విజయాలు, రెండు డ్రాలతో భారత పురుషుల జట్టును విజయతీరాలకు చేర్చడం విశేషం. దీంతో స్వర్ణ పతకాన్ని కైవసం చేసుకున్నాడు.
A historic moment in Indian Chess. Arjun Erigaisi is the 2nd player in India and the 16th player in the World to cross 2800 in live ratings! Arjun has a live rating of 2802.1 now.
— ChessBase India (@ChessbaseIndia) October 24, 2024
Arjun defeated Dmitry Andreikin (2729) with the White pieces in the 5th round of the European Chess… pic.twitter.com/hz2wURGT7e
అర్జున్ ఎరిగైసి తన అద్భుతమైన ప్రదర్శనలు, ర్యాంక్లు, వేగంగా ఎదగడం ద్వారా చెస్ ప్రపంచంలో అలజడి సృష్టిస్తున్నాడు. 2003లో జన్మించిన అర్జున్ ఇప్పటికే ప్రపంచవ్యాప్తంగా అగ్రశ్రేణి ఆటగాళ్ళలో ఒకరిగా స్థిరపడ్డాడు. అతని ప్రస్తుత ఫామ్ అతని అంకితభావం, నైపుణ్యం, నిరంతర మెరుగుదలకు నిదర్శనంగా నిలుస్తున్నాయి.
Click it and Unblock the Notifications
Sign in with Google