టాలీవుడ్ బ్యూటీతో తిలక్ వర్మ డేటింగ్?
టీమిండియా స్టార్ క్రికెటర్ తిలక్ వర్మ ప్రస్తుతం తన ఆటతోనే కాకుండా వ్యక్తిగత జీవితంతోనూ వార్తల్లో నిలిచాడు. సోషల్ మీడియాలో గత కొన్ని రోజులుగా తిలక్ వర్మ ప్రేమాయణం గురించి పుకార్లు వినిపిస్తున్నాయి. తిలక్ వర్మ టాలీవుడ్ టాప్ హీరోయిన్ శ్రీలీలతో డేటింగ్లో ఉన్నాడంటూ సరికొత్త పుకార్లు షురూ అయ్యాయి. ఈ ఇద్దరి మధ్య ఏదో నడుస్తోందని, ఇద్దరూ పీకల్లోతు ప్రేమలో మునిగిపోయారంటూ బాలీవుడ్, టాలీవుడ్ వర్గాల్లో గుసగుసలు వినిపిస్తున్నాయి. అంతేకాదు వీరు అతి త్వరలోనే పెళ్లి పీటలెక్కబోతున్నారంటూ కొందరు నెటిజన్లు సోషల్ మీడియాలో జోస్యాలు కూడా చెబుతున్నారు. అయితే ఈ వార్తలపై తిలక్ వర్మ కానీ, శ్రీలీల కానీ ఎటువంటి అధికారిక ప్రకటన చేయలేదు. కానీ ఈ వార్తలు బయటకు రాగానే వీరిద్దరూ ఇన్స్టాలో ఒకరినొకరు అన్ఫాలో చేసుకోవడం ఈ పుకార్లకు మరింత ఆజ్యం పోసింది.
ఖండిస్తున్న తిలక్ ఫ్యాన్స్
ఈ పుకార్లకు బలాన్ని చేకూరుస్తూ సోషల్ మీడియా వేదికగా కొన్ని ఆసక్తికరమైన కథనాలు ప్రచారంలోకి వచ్చాయి. మే 14న ధర్మశాల వేదికగా జరిగిన ఐపీఎల్ మ్యాచ్కు శ్రీలీల తన కుటుంబ సభ్యులతో కలిసి హాజరైందని, ఆమె కేవలం తిలక్ వర్మ ఆటను చూడటం కోసమే అక్కడికి వచ్చిందని కొందరు నెటిజన్లు పోస్టులు పెట్టారు. ఓ ఉమ్మడి స్నేహితుడి ద్వారా వీరిద్దరికీ పరిచయం ఏర్పడిందని, ఆ పరిచయమే కాస్త ప్రేమగా మారిందని ప్రచారం చేస్తున్నారు. అయితే తిలక్ వర్మ అభిమానులు మాత్రం ఈ వార్తలను తీవ్రంగా ఖండిస్తున్నారు. కొందరు కేవలం తమ సోషల్ మీడియా పోస్టుల రీచ్, వ్యూస్ కోసం ఇలాంటి అబద్ధపు పుకార్లను సృష్టిస్తున్నారని ఆగ్రహం వ్యక్తం చేస్తున్నారు. నిజానికి శ్రీలీల ధర్మశాల మ్యాచ్కు హాజరైనట్లు ఎలాంటి అధికారిక ఆధారాలు లేదా ఫోటోలు లేవు, కాబట్టి ఇవన్నీ కేవలం పుకార్లేనని స్పష్టమవుతోంది.
ఎవరు ఈ శ్రీలీల?
ఈ క్రేజీ లింక్ అప్ వార్తలతో క్రికెట్, సినీ అభిమానులు అసలు ఈ శ్రీలీల బ్యాక్గ్రౌండ్ ఏంటి? అని ఆరా తీస్తున్నారు. లీల తన సినీ కెరీర్ను 2019లో వచ్చిన 'కిస్' అనే కన్నడ సినిమాతో ప్రారంభించింది. మొదటి సినిమాతోనే ఉత్తమ డెబ్యూ నటిగా అవార్డు అందుకుంది. ఆ తర్వాత పెళ్లి సందడి సినిమాతో టాలీవుడ్లోకి ఎంట్రీ ఇచ్చిన శ్రీలీల, అనతి కాలంలోనే ఫ్యాన్స్ హృదయాలను గెలుచుకుంది. ఆంధ్రప్రదేశ్లోని ఒంగోలు ప్రాంతంలో జన్మించిన శ్రీలీల కుటుంబం ఆ తర్వాత కర్ణాటకలో స్థిరపడింది. కేవలం అందం, నటనలోనే కాదు చదువులోనూ ఆమె చాలా చురుకైనది. ఆమె ఒక మెడికల్ స్టూడెంట్. సినిమాల్లో బిజీగా ఉన్నప్పటికీ ఆమె షూటింగ్ సెట్స్కు కూడా మెడికల్ పుస్తకాలు తీసుకెళ్లి చదువుకునేది.
🚨 NEW COUPLES IN THE TOWN 🚨
— Indian Cricket (@IPL2025Auction) May 16, 2026
According to some reports Tilak Varma is dating Sreeleela since last year. ❤️ pic.twitter.com/nNUrR7E8xB
మాస్ మహారాజా రవితేజ సరసన నటించిన 'ధమాకా' (2022) సినిమాతో ఆమె రాత్రికి రాత్రే స్టార్ హీరోయిన్గా మారిపోయింది. ఈ యాక్షన్ కామెడీ చిత్రం బాక్సాఫీస్ వద్ద రూ. 100 కోట్లకు పైగా వసూలు చేసింది. ముఖ్యంగా ఈ సినిమాలోని 'జింతాక్ చితాక్' పాటలో శ్రీలీల వేసిన స్టెప్పులకు యువత పిచ్చెక్కిపోయింది ఆ తర్వాత సూపర్ స్టార్ మహేష్ బాబు సరసన 'గుంటూరు కారం' లో నటించిన ఈ బ్యూటీ, ప్రస్తుతం పవన్ కళ్యాణ్ 'ఉస్తాద్ భగత్ సింగ్' చిత్రంలో నటిస్తూనే, బాలీవుడ్లో సైఫ్ అలీ ఖాన్ కుమారుడు ఇబ్రహీం అలీ ఖాన్ డెబ్యూ మూవీ 'దలేర్' లో హీరోయిన్గా నటిస్తోంది.ఇలాంటి బిజీ షెడ్యూల్ ఉన్న స్టార్ హీరోయిన్.. క్రికెటర్ తిలక్ వర్మతో ప్రేమలో ఉందనే వార్త ఇప్పుడు సోషల్ మీడియాను షేక్ చేస్తోంది. మరి ఈ వార్తల్లో ఎంతవరకు నిజముందో తెలియాలంటే ఈ ఇద్దరిలో ఎవరో ఒకరు స్పందించాల్సిందే.
If Reddit reports that Sreelela and tilak are dating!
— Advik Anesh (@AdvikAnesh) May 17, 2026
Then it’s no longer just a rumour it’s almost an early confirmation! 🙄 pic.twitter.com/4F4UpCEbox
గెలిపించిన నల్లోడు..
మరోవైపు ఈ ప్రేమ పుకార్లను పక్కన పెడితే తిలక్ వర్మ ప్రస్తుతం ఐపీఎల్ 2026లో సూపర్ ఫామ్లో ఉన్నాడు. ఇటీవల పంజాబ్ కింగ్స్ జట్టుతో జరిగిన మ్యాచ్లో తిలక్ వర్మ కేవలం 33 బంతుల్లోనే 6 ఫోర్లు, 6 సిక్సర్లతో 75 పరుగులు చేసి నాటౌట్గా నిలిచాడు. తన విధ్వంసకర బ్యాటింగ్తో ఒంటి చేత్తో ముంబై ఇండియన్స్ను గెలిపించాడు. అయితే ఈ మ్యాచ్కు ముందు పంజాబ్ కింగ్స్ పేసర్ అర్ష్దీప్ సింగ్ తిలక్ వర్మను ఉద్దేశించి 'నల్లోడా' అని వెక్కిరించడం తీవ్ర వివాదాస్పదమైంది. దీనికి తిలక్ వర్మ తన పరుగుల వేటతో మైదానంలోనే దిమ్మతిరిగే సమాధానం ఇచ్చాడు. ఈ మ్యాచ్ అనంతరం ముంబై ఇండియన్స్ ఫ్రాంచైజీ సైతం అర్ష్దీప్ సింగ్కు గట్టి కౌంటర్ ఇస్తూ.. "తిలక్ వర్మ మా చంద్రుడు" అంటూ సోషల్ మీడియాలో పోస్ట్ పెట్టింది. ఆటలోనూ, ఇటు వ్యక్తిగత విషయాల్లోనూ ప్రస్తుతం తిలక్ వర్మ పేరు మారుమోగిపోతోంది.
There are rumours on Reddit that chad Tilak Varma is dating Sreeleela.
— ︎ ︎venom (@venom1s) May 17, 2026
Most of the Reddit rumours have turned out to be true this year.
I don't get why successful cricketers always date actresses and models. pic.twitter.com/1H4A0m4lIm
Click it and Unblock the Notifications
Sign in with Google