న్యూజిలాండ్ తో వన్డే సిరీస్ నుంచి టీమిండియా స్టార్ ప్లేయర్ అవుట్
న్యూజిలాండ్‌తో త్వరలో జరగనున్న అయిదు వన్డేల సిరీస్ నుంచి టీమిండియా స్టార్ బౌలర్ జస్ ప్రీత్ బుమ్రాకు వైదొలగనున్నాడు. టీమ్ మేనేజ్మెంట్ అతనికి ఈ మినహాయింపు ఇవ్వనుంది. లిమిటెడ్ ఓవర్ల సిరీస్ కంటే కూడా ఆ తర్వాత ప్రారంభం అయ్యే రెండు మ్యాచ్‌ల టెస్టు సిరీస్‌పైనే బుమ్రా దృష్టి పెట్టాలని బోర్డు భావిస్తోంది. వరల్డ్ టెస్ట్ ఛాంపియన్‌షిప్ పాయింట్ల పట్టికలో టీమిండియా ప్రస్తుతం అయిదో స్థానంలో ఉంది.
ఫైనల్ పై ఆశలను నిలుపుకోవాలంటే న్యూజిలాండ్ తో జరిగే రెండు టెస్ట్ ల సిరీస్ కీలకం. అందుకే వన్డేల కోసం అతన్ని పక్కన పెట్టి టెస్టులకు ప్రిపేర్ చేయాలని మేనేజ్మెంట్ భావిస్తోంది. ఇప్పటికే గాయాల బారిన పడి సతమతమౌతున్న బుమ్రాపై వర్క్ లోడ్ పెట్టకుండా వన్డేల నుంచి తప్పించి టెస్ట్ మ్యాచ్ లల్లో ఆడించేలా చర్యలు తీసుకుంటోంది. న్యూజిలాండ్ తో టీ20 సిరీస్‌లో కూడా బుమ్రాకు చోటు దక్కని సంగతి తెలిసిందే.
వచ్చే ఏడాది జరగబోయే వరల్డ్ కప్ సన్నాహకాల దృష్ట్యా వన్డే సిరీస్‌లో మొదటి రెండు మ్యాచ్‌లలో బుమ్రాను ఆడించాలని మొదట భావించినప్పటికీ.. ఆ తర్వాత బీసీసీఐ తన నిర్ణయాన్ని పునఃసమీక్షించుకుంటోంది. బుమ్రాను టెస్ట్ లకే పరిమితం చేయాలని బోర్డు తాజాగా నిర్ణయించినట్లు చెబుతున్నారు. ప్రస్తుతం అతను పూర్తి ఫిట్‌నెస్‌తో ఉన్నప్పటికీ.. న్యూజిలాండ్ పర్యటన సుదీర్ఘం కావడం వల్ల వర్క్‌లోడ్ పడకుండా చూడాలనే నిర్ణయానికి వచ్చింది.
బుమ్రా చివరిసారిగా 2025 నవంబర్‌లో గౌహతిలో దక్షిణాఫ్రికాతో చివరి టెస్ట్ మ్యాచ్ ఆడాడు. ఆ తర్వాత ఇంగ్లాండ్ పర్యటనలో మోకాలి గాయానికి గురయ్యాడు. ఫలితంగా శ్రీలంక టెస్ట్ సిరీస్‌కు సైతం దూరం అయ్యాడు. ఆ సమయంలో ఆయన స్థానంలో ఆకిబ్ నబీ భారత జట్టుకు ఎంపికయ్యాడు. ఇటీవలే జపాన్‌లో జరిగిన ఆసియా క్రీడల్లో స్వర్ణ పతకం సాధించిన భారత జట్టులో భాగమైన బుమ్రా.. వెస్టిండీస్ సిరీస్ కూడా ఆడట్లేదు.
పెద్దగా ప్రాధాన్యత లేని ద్వైపాక్షిక వన్డేల కంటే కూడా డబ్ల్యూటీసీ ఫైనల్ సాధించడమే లక్ష్యంగా బుమ్రాను ఉపయోగించుకోవలని టీమ్ మేనేజ్మెంట్ ప్రణాళికలు వేస్తోంది. టెస్ట్ ఫార్మాట్‌లో విజయం సాధించాలంటే బుమ్రా పూర్తి శారీరక దారుఢ్యంతో ఉండటం అవసరం. అందుకే ఈ సమగ్ర వర్క్‌లోడ్ మేనేజ్మెంట్ వ్యూహంతో బీసీసీఐ ఆచితూచి నిర్ణయం తీసుకుంటోంది.
Click it and Unblock the Notifications
Sign in with Google
