Commonwealth Games 2026: చరిత్ర సృష్టించిన మీరాబాయి చాను!
Commonwealth Games 2026: కామన్వెల్స్ గేమ్స్ 2026లో భారత్కు దిగ్గజ వెయిట్లిఫ్టర్ మీరాబాయి చాను తొలి స్వర్ణాన్ని అందించింది. 2026 కామన్వెల్త్ గేమ్స్లో మహిళల 48 కేజీల వెయిట్లిఫ్టింగ్ విభాగంలో మొత్తం 190 కేజీల బరువును ఎత్తి వరుసగా మూడో స్వర్ణ పతకాన్ని గెలుచుకున్న భారత స్టార్ అథ్లెట్ మీరాబాయి చాను చరిత్ర సృష్టించారు.
పోటీ ప్రారంభంలో స్నాచ్, క్లీన్ అండ్ జర్క్ రెండింటిలోనూ తన మొదటి ప్రయత్నాలలో విఫలమై అభిమానులను కొద్దిగా ఆశ్చర్యానికి గురిచేసిన మీరాబాయి చాను.. ఆ తర్వాత పట్టుదల, హుందాతో తిరిగి పుంజుకుంది. ఆమె స్నాచ్ విభాగంలో 85 కేజీలు ఎత్తి కొత్త కామన్వెల్త్ రికార్డును నెలకొల్పింది. ఆ తర్వాత ఆమె క్లీన్ అండ్ జర్క్ విభాగంలో 105 కేజీలు ఎత్తి ఆ విభాగంలో కూడా కొత్త కామన్వెల్త్ గేమ్స్ రికార్డును నెలకొల్పింది.
స్నాచ్, క్లీన్ అండ్ జర్క్ రెండింటిలోనూ మొత్తం 190 కిలోల (85 + 105) బరువును ఎత్తి, కామన్వెల్త్ గేమ్స్లో మొత్తం బరువు విభాగంలో కొత్త చారిత్రక రికార్డు సృష్టించి మీరాబాయి చాను స్వర్ణ పతకాన్ని గెలుచుకున్నారు. కామన్వెల్త్ గేమ్స్లో మీరాబాయికి ఇది మూడో స్వర్ణ పతకం. దీనితో 2026 కామన్వెల్త్ గేమ్స్లో భారత్ తన మొదటి స్వర్ణాన్ని గెలుచుకుంది. ఈ పోటీలో నైజీరియాకు చెందిన రూత్ అజుకువో న్యోంగ్ 168 కేజీల బరువును ఎత్తి రజత పతకాన్ని గెలుచుకోగా.. మలేషియాకు చెందిన ఐరీన్ జేన్ హెన్రీ 167 కేజీల బరువును ఎత్తి కాంస్య పతకాన్ని గెలుచుకున్నారు.
మొదట్లో కొన్ని ఎదురుదెబ్బలు తగిలినా తన అనుభవం, కృషితో పుంజుకున్న స్టార్ వెయిట్లిఫ్టర్ మీరాబాయి చాను.. కామన్వెల్త్ వెయిట్లిఫ్టింగ్కు తానే అసలైన రాణి అని మరోసారి ప్రపంచానికి నిరూపించుకున్నారు. వరుసగా మూడో స్వర్ణ పతకం సాధించి ఇండియాకు గర్వకారణంగా నిలిచిన ఆమెకు అభినందనలు వెల్లువెత్తుతున్నాయి.
Click it and Unblock the Notifications
Sign in with Google