సన్ రైజర్స్ టీమ్ లో పాకిస్తాన్ స్టార్ ప్లేయర్ ఎంట్రీ: అంతా తలకిందులు: ఐపీఎల్ వేళ..

ఐపీఎల్ సన్‌రైజర్స్ హైదరాబాద్ అనుబంధ ఫ్రాంఛైజీ సన్‌రైజర్స్ లీడ్స్ చిక్కుల్లో పడింది. ఆ జట్టు 'ది హండ్రెడ్' ప్లేయర్స్ వేలంలో పాకిస్తానీ స్పిన్నర్ అబ్రార్ అహ్మద్‌ను కొనుగోలు చేయడంతో వివాదాలకు కేంద్రబిందువు అయింది. ఈ సీజన్ కోసం జరిగిన వేలంలో సన్‌రైజర్స్ లీడ్స్ చీఫ్ కావ్యా మారన్ పాకిస్తానీ స్పిన్నర్ అబ్రార్ అహ్మద్‌ను స్వయంగా కొనుగోలు చేశారు. రూ.1.90 లక్షల పౌండ్‌లకు అతన్ని తీసుకున్నారు. దీని విలువ భారతీయ కరెన్సీలో సుమారు 2.34 కోట్ల రూపాయలు.

భారత్ కు చెందిన ఫ్రాంచైజీ ఓ పాకిస్తానీ ఆటగాడిని కొనుగోలు చేయడం ఇదే తొలిసారి. లండన్‌లో జరిగిన ఈ వేలంలో సన్‌రైజర్స్ లీడ్స్ సీఈఓ కావ్య మారన్, హెడ్ కోచ్ డేనియల్ వెటోరితో కలిసి పాల్గొన్నారు. అబ్రార్ అహ్మద్‌ను దక్కించుకునేందుకు ట్రెంట్ రాకెట్స్‌ను అధిగమించి సన్‌రైజర్స్ లీడ్స్ అతడిని సొంతం చేసుకున్నారు. దీంతో సోషల్ మీడియాలో తీవ్ర చర్చ చెలరేగింది. అబ్రార్ అహ్మద్‌ను కొనుగోలు చేసిన తర్వాత దేశంలో అనేక మంది క్రికెట్ అభిమానులు సోషల్ మీడియాలో తీవ్ర అసంతృప్తి వెలిబుచ్చారు.]

పాకిస్తానీ ఆటగాడిని తీసుకోవడం జాతీయ భావాలకు విరుద్ధమంటూ మండిపడుతున్నారు. సన్‌రైజర్స్ ఫ్రాంచైజీ, సీఈఓ కావ్య మారన్‌ను తప్పుపడుతున్నారు. ఐపీఎల్‌లో పాకిస్తానీ ఆటగాళ్ళు లేనప్పుడు ఇతర టోర్నమెంట్ల కోసం ఆ దేశ ప్లేయర్లను తీసుకోవడంలో అర్థం లేదంటూ భగ్గుమంటోన్నారు. ఇలాంటి నిర్ణయం ఎలా తీసుకుందని ప్రశ్నిస్తోన్నారు. దీని తర్వాత అనూహ్య పరిణామాలు చోటు చేసుకుంటోన్నాయి.

అబ్రార్ అహ్మద్ కొనుగోలు తర్వాత కొన్ని గంటల్లోనే సన్‌రైజర్స్ లీడ్స్ అధికారిక ఎక్స్ అకౌంట్ సస్పెండ్ అయ్యింది. దీనికి గల కారణాన్ని ఈ టాప్ మైక్రోబ్లాగింగ్ ప్లాట్‌ఫామ్ ఇంకా స్పష్టం చేయలేదు. సన్‌రైజర్స్ లీడ్స్ హెడ్ కోచ్ డేనియల్ వెటోరి ఈ వివాదంపై స్పందించారు. అబ్రార్ గురించి ఆస్ట్రేలియా ఆటగాళ్ల సలహా మేరకు తీసుకున్నామని, బౌలింగ్, మిస్టరీ స్పిన్‌ను బట్టే కొనుగోలు చేయాలని నిర్ణయించామని తెలిపారు.

ది హండ్రెడ్ వేలంలో అబ్రార్ అహ్మద్ కంటే ముందు మిస్టరీ స్పిన్నర్ ఉస్మాన్ తారిఖ్‌ను అమ్ముడుపోయాడు. బర్మింగ్‌హామ్ ఫోనిక్స్ అతన్ని కొనుగోలు చేసింది. దీనికోసం రూ.1.40 లక్షల పౌండ్‌లను వెచ్చించి జట్టులోకి తీసుుంది. దీని విలువ సుమారు 1.72 కోట్ల రూపాయలు. హండ్రెడ్స్ లీగ్ వేలం తొలి రౌండ్‌లో హారిస్ రవూఫ్, షాదాబ్ ఖాన్, సయిమ్ అయూబ్ వంటి పాక్ ఆటగాళ్లు అమ్ముడుపోలేదు.

English summary

Sunrisers Leeds X Account Suspended Hours After Signing Pakistan Spinner Abrar Ahmed for Hundred League. He became the first Pakistani player to be signed by an Indian-owned team in The Hundred after the Sunrisers bagged his services for Rs 2.35 crore. ఆ జట్టు 'ది హండ్రెడ్' ప్లేయర్స్ వేలంలో పాకిస్తానీ స్పిన్నర్ అబ్రార్ అహ్మద్‌ను కొనుగోలు చేయడంతో వివాదాలకు కేంద్రబిందువు అయింది.