Viral Video: ఓటమి తట్టుకోలేక ఏడ్చేసిన బుడ్డోడు-బౌండరీ దగ్గర కూర్చొని..!

ఐపీఎల్ 2026లో తన మెరుపు ఇన్నింగ్స్ తో అభిమానుల్ని కట్టిపారేస్తున్న రాజస్థాన్ రాయల్స్ యువ సంచలనం వైభవ్ సూర్యవంశీ (Vaibhav Sooryavanshi)లో మరో యాంగిల్ బయటపడింది. 14 ఏళ్ల వైభవ్ తాజాగా కోల్ కతా నైట్ రైడర్స్ తో జరిగిన మ్యాచ్ లో తన జట్టు రాజస్థాన్ ఓటమిని తట్టుకోలేక ఏడ్చేశాడు. అదీ బౌండరీ దగ్గర ఒంటరిగా కూర్చుని ఏడ్చేస్తున్న దృశ్యాలు వైరల్ అయ్యాయి. దీంతో బుడ్డోడిని చూసి అభిమానులు కూడా తట్టుకోలేకపోతున్నారు.

స్పిన్నర్లు వరుణ్ చక్రవర్తి, సునీల్ నరైన్, బ్యాటర్ రింకూ సింగ్ మెరుపులతో కోల్ కతా నైట్ రైడర్స్ జట్టు రాజస్థాన్ రాయల్స్ ను 155 పరుగులకు కట్టడి చేయడమే కాకుండా ఆ స్కోరును నాలుగు వికెట్లు మిగిలి ఉండగానే ఛేదించింది. కోల్ కతా నైట్ రైడర్స్ గెలుపు సంబరాల్లో ఉండగా మరోవైపు రాజస్థాన్ బ్యాటర్ వైభవ్ సూర్యవంశీ బౌండరీ వద్ద కూర్చుని ఏడుస్తున్న దృశ్యాలు మీడియా కంట పడ్డాయి. టోర్నమెంట్‌లో కేవలం రెండో సారి ఓటమి పాలైన రాజస్థాన్ రాయల్స్ జట్టు.. ఐపీఎల్ పాయింట్స్ టేబుల్ లో మాత్రం తన స్ధానం కాపాడుకుంటోంది. అయినా ఈ ఓటమితో వైభవ్ తీవ్ర భావోద్వేగానికి లోనయ్యాడు. ఆ స్వల్ప ఓటమి భారాన్ని అతను వ్యక్తిగతంగా అనుభవిస్తున్నట్లు కనిపించాడు.

Yesterday Vaibhav Sooryavanshi was spotted crying after the game… This guy is unbelievable! Whether he gets out early or the team loses, he wears his heart on his sleeve. Honestly, that’s that 15-year-old mindset I know I would’ve been doing the exact same thing at that age! 🤣… pic.twitter.com/Ug6X4gVqks

— OldMonkOfCricket (@OldMonkOfCric) April 20, 2026

వైభవ ఆవేదనను ప్రత్యర్థి జట్టు గమనించకుండా ఉండలేకపోయింది. ప్రత్యర్థితత్వాన్ని అధిగమించి, క్రీడాస్ఫూర్తిని ప్రదర్శిస్తూ, కేకేఆర్ సహాయక సిబ్బందిలో ఒకరు ఆ యువ క్రికెటర్‌ను సమీపించారు. ఆ యువకుడు తనను తాను కుదుటపరుచుకోవడానికి ప్రయత్నిస్తుండగా, ఆ సిబ్బంది సభ్యుడు గడ్డిపై సూర్యవంశీ పక్కన కూర్చుని, ఓదార్పుగా చేయి అందించి, ధైర్యం చెప్పే మాటలు పలికారు. అత్యంత ప్రతిష్టాత్మకమైన లీగ్‌లో మానవత్వానికి ఇది ఒక వాస్తవిక నిదర్శనం. ఈ మ్యాచ్ లో వైభవ్ కేవలం 28 బంతుల్లోనే 46 పరుగులు చేశాడు. అతని సహచరులు రాణించకపోవడంతో ఆర్ఆర్ ఓడింది.