గాలి కోట రహస్యం: ఎవరీ అలీఖాన్?
తెలిసిన సమాచారం ప్రకారం - బళ్లారిలో ఇంజనీరింగ్ చదువుతున్న సమయంలో మాజీ మంత్రి శ్రీరాములు మేనల్లుడు, ప్రస్తుత కంప్లి శానససభ్యుడు సురేష్ బాబుతో అలీకి స్నేహం ఏర్పడింది. ఇంజనీరింగ్ చదువు పూర్తయిన తర్వాత వారిద్దరు గాలి జనార్దన్ రెడ్డి వద్ద చేరి వ్యాపార లావాదేవీలు నిర్వహించే స్థాయికి చేరుకున్నారు. 2008లో జరిగిన శాసనసభ ఎన్నికల్లో బిజెపి తరఫున వారు ప్రచారం చేశారు. అప్పుడే అలీఖాన్ గాలి జనార్దన్ రెడ్డి విశ్వాసాన్ని చూరగొన్నాడు.
గాలి జనార్దన్ రెడ్డి అనుచరుల్లో అనతి కాలంలోనే అలీఖాన్ కీలకవ్యక్తిగా మారాడు. మైనింగ్ వ్యవహారాలన్నీ ఆయన చూసుకుంటాడని అంటారు. దాంతో కొద్ది కాలంలోనే అతను కోట్లకు పడగలెత్తినట్లు చెబుతారు. ఆదాయం పన్ను శాఖ అధికారులు ఆయన ఇంటిపై రెండు సార్లు దాడులు చేశారు. నిరుడు సెప్టెంబర్ 5వ తేదీన గాలి జనార్దన్ రెడ్డిని, శ్రీనివాస రెడ్డిని సిబిఐ అరెస్టు చేసినప్పటి నుంచీ అతను కనిపించకుండా పోయాడు. అతని కోసం సిబిఐ లుకవుట్ నోటీసులు కూడా జారీ చేసింది. అనూహ్యంగా శుక్రవారం కోర్టులో లొంగిపోయి అందర్నీ ఆశ్చర్య పరిచాడు.
Click it and Unblock the Notifications
Sign in with Google