Admit cards : 31న ఎపీ యానిమల్‌ హజ్బెండరీ ప‌రీక్ష‌... రేపు అడ్మిట్‌కార్డులు విడుద‌ల‌..

Admit cards : 31న ఎపీ యానిమల్‌ హజ్బెండరీ ప‌రీక్ష‌... రేపు అడ్మిట్‌కార్డులు విడుద‌ల‌ : ఆంధ్రప్రదేశ్‌ పశుసంవర్ధక శాఖలో యానిమల్‌ హజ్బెండరీ అసిస్టెంట్‌ పోస్టుల నోటిఫికేష‌న్ విడుద‌లైన సంగ‌తి తెలిసిందే. ఇప్ప‌టికే ద‌ర‌ఖాస్తు ప్ర‌క్రియ కూడా ముగిసింది. అయితే, ఈ పోస్టుల‌కు సంబంధించిన ప‌రీక్ష డిసెంబరు 31న ఉంటుంది. ఆంధ్ర‌ప్ర‌దేశ్ ప్ర‌భుత్వం పశుసంవర్థక శాఖలో 1896 పోస్టుల భర్తీకి ఇటీవల నోటిఫికేషన్ విడుదల చేసింది. ఈ నోటిఫికేషన్‌ ద్వారా సచివాలయాలకు అనుబంధంగా వైఎస్ఆర్ రైతు భరోసా కేంద్రాల్లో పశు సంవర్థక సహాయకులు (Animal Husbandry Assistant) పోస్టులను భర్తీ చేయనున్నారు. ఈ పోస్టుల‌కు సంబంధించి నవంబ‌ర్ 20 నుంచి డిసెంబ‌ర్ 11 వ‌ర‌కు ద‌ర‌ఖాస్తులు కూడా స్వీక‌రించారు.

రాత పరీక్ష, ఇంటర్వ్యూ, సర్టిఫికెట్ వెరిఫికేషన్ ద్వారా ఈ ఉద్యోగాల‌కు అభ్యర్థులను ఎంపిక చేయ‌డం జ‌రుగుతుంది. అయితే, ఈ రాత‌ప‌రీక్ష‌కు సంబంధించిన అడ్మిట్‌కార్డుల‌ను ఈ నెల 27 వ తేదిన అంటే రేప‌టి నుంచి విడుద‌ల చేయ‌నున్నారు. ఈ నెల 31వ తేదీన ఆన్‌లైన్‌లో రాత‌ప‌రీక్ష ఉంటుంది. ఈ రాత పరీక్షలో ఎంపికైన అభ్యర్థులకు జనవరిలో జాయినింగ్ లెటర్స్ అందజేస్తారు. ఈ పోస్టులకు ఎంపికైన అభ్యర్థులకు మొదట రెండేళ్ల పాటు ప్రొబేషన్ పీరియ‌డ్ ఉంటుంది. ఆ సమయంలో రూ.15,000 చొప్పున జీతం చెల్లిస్తారు. ప్రొబెష‌న్ పీరియ‌డ్ అనంత‌రం నెలకు రూ.22,460 వ‌ర‌కూ జీతం ఉంటుంది. ఈ పరీక్షకు దరఖాస్తు చేసుకున్న అభ్యర్థులు https://apaha-recruitment.aptonline.in/ ఈ వెబ్‌సైట్‌ నుంచి హాల్‌టికెట్లను డౌన్‌లోడ్ చేసుకోగ‌ల‌రు.

పోస్టుల వివ‌రాలు..

పశ్చిమ గోదావరి జిల్లా- 102,
తూర్పు గోదావరి జిల్లా- 15,
అనంతపురం జిల్లా- 473,
చిత్తూరు జిల్లా- 100,
కర్నూలు జిల్లా- 252,
కడప జిల్లా- 210,
గుంటూరు జిల్లా- 229,
కృష్ణా జిల్లా- 120,
నెల్లూరు జిల్లా- 143,
ప్రకాశం జిల్లా- 177
విశాఖపట్నం జిల్లా- 28,
విజయనగరం జిల్లా- 13,
శ్రీకాకుళం జిల్లా- 34,

కంపూట్య‌ర్ ఆధారిత ప‌రీక్ష‌..

ఈ ప‌రీక్ష మొత్తం 150 మార్కులకు ఉంటుంది. 150 ప్రశ్నలు ఉంటాయి. పరీక్ష సమయం 150 నిమిషాలు.
ఇందులో పార్ట్-ఎ: జనరల్ స్టడీస్ అండ్ మెంటల్ ఎబిలిటీ నుంచి 50 ప్రశ్నలు అడుగుతారు. 50 మార్కులు-50 నిమిషాలు.
పార్ట్-బి : యానిమల్ హస్బెండరీ సబ్జెక్టు నుంచి మొత్తం 100 ప్రశ్నలు అడుగుతారు 100 మార్కులు-100 నిమిషాలు ఉంటుంది. ఒక్కో ప్రశ్నకు ఒకమార్కు ఉంటుంది. అలాగే ప్రతి తప్పు సమాధానానికి 1/3 వంతు మార్కులు కోత విధించ‌డం జ‌రుగుతుంది.

English summary

It is known that Animal Husbandry Assistant posts notification has been released in Andhra Pradesh Animal Husbandry Department. The examination for these posts will be on 31st December. Admit cards will be released tomorrow,