సెంట్రల్ బ్యాంక్ ఆఫ్ ఇండియా గుడ్ న్యూస్.. 4,500 పోస్టులకు నోటిఫికేషన్ !!

బ్యాంకింగ్ రంగంలో ఉద్యోగం సాధించాలని లక్ష్యంగా పెట్టుకున్న నిరుద్యోగ యువతకు "సెంట్రల్ బ్యాంక్ ఆఫ్ ఇండియా" శుభవార్త చెప్పింది. 2026-27 ఆర్థిక సంవత్సరానికి సంబంధించి దేశవ్యాప్తంగా మొత్తం 4,500 అప్రెంటీస్ ఖాళీల భర్తీకి భారీ నోటిఫికేషన్ విడుదల చేసింది. డిగ్రీ పూర్తి చేసిన యువతకు బ్యాంకింగ్ రంగంలో అనుభవాన్ని పొందడంతో పాటు భవిష్యత్ ఉద్యోగ అవకాశాలకు బలమైన పునాది వేసుకునేందుకు ఈ అప్రెంటీస్‌షిప్ మంచి అవకాశంగా నిపుణులు పేర్కొంటున్నారు.

ఎంపికైన అభ్యర్థులకు దేశవ్యాప్తంగా ఉన్న సెంట్రల్ బ్యాంక్ ఆఫ్ ఇండియా శాఖలు, కార్యాలయాల్లో ఒక సంవత్సరం పాటు శిక్షణ అందించనున్నారు. శిక్షణ కాలంలో నెలకు స్టైపెండ్ కూడా చెల్లించనున్నారు. అర్హత కలిగిన అభ్యర్థులు చివరి తేదీ వరకు వేచి ఉండకుండా ముందుగానే దరఖాస్తు ప్రక్రియను పూర్తి చేసుకోవాలని నిపుణులు సూచిస్తున్నారు. బ్యాంకింగ్ రంగంలో కెరీర్ నిర్మించుకోవాలనుకునే యువతకు ఈ 4,500 అప్రెంటీస్ పోస్టుల నోటిఫికేషన్ మంచి అవకాశంగా చెబుతున్నారు.

పోస్టు పేరు: అప్రెంటీస్ (Apprentice)

మొత్తం ఖాళీలు: 4,500 ( ఆంధ్రప్రదేశ్: 128 పోస్టులు, తెలంగాణ: 100 పోస్టులు )

అభ్యర్థులు తమ రాష్ట్రం, జిల్లా వారీగా ఖాళీల వివరాలను అధికారిక నోటిఫికేషన్‌లో పరిశీలించవచ్చు.

శిక్షణ కాలం: 12 నెలలు

విద్యార్హత..

గుర్తింపు పొందిన విశ్వవిద్యాలయం నుంచి ఏదైనా విభాగంలో డిగ్రీ ఉత్తీర్ణులై ఉండాలి. అభ్యర్థులు జనవరి 1, 2022 లేదా ఆ తర్వాత డిగ్రీ పూర్తి చేసి ఉండాలి.

వయోపరిమితి..

మే 31, 2026 నాటికి అభ్యర్థుల వయస్సు 20 నుంచి 28 సంవత్సరాల మధ్య ఉండాలి.

వయోసడలింపు..

ఎస్సీ/ఎస్టీ అభ్యర్థులకు: 5 సంవత్సరాలు
ఓబీసీ అభ్యర్థులకు: 3 సంవత్సరాలు
పీడబ్ల్యూడీ అభ్యర్థులకు: ప్రభుత్వ నిబంధనల ప్రకారం అదనపు సడలింపు ఉంటుంది.

స్టైపెండ్..

ఎంపికైన అభ్యర్థులకు శిక్షణ కాలంలో నెలకు రూ.15,000 స్టైపెండ్ చెల్లిస్తారు. ఈ మొత్తం నేరుగా అభ్యర్థుల బ్యాంకు ఖాతాలో జమ చేయబడుతుంది.

ఎంపిక విధానం..

అభ్యర్థుల ఎంపిక నాలుగు దశల్లో జరుగుతుంది.

ఆన్‌లైన్ రాత పరీక్ష
స్థానిక భాషా ప్రావీణ్య పరీక్ష
డాక్యుమెంట్ వెరిఫికేషన్
మెడికల్ ఫిట్‌నెస్ పరీక్ష

ఆన్‌లైన్ పరీక్ష విధానం..

మొత్తం ప్రశ్నలు: 100
మొత్తం మార్కులు: 100
పరీక్ష వ్యవధి: అధికారిక నోటిఫికేషన్ ప్రకారం
నెగెటివ్ మార్కింగ్: లేదు

నెగెటివ్ మార్కింగ్ లేకపోవడం అభ్యర్థులకు పెద్ద ప్రయోజనంగా మారనుంది. ఎక్కువ ప్రశ్నలకు సమాధానాలు ఇచ్చే అవకాశం ఉంటుంది.

దరఖాస్తు విధానం..

ముందుగా నేషనల్ అప్రెంటీస్ ట్రైనింగ్ (NATS) పోర్టల్‌లో నమోదు చేసుకోవాలి.

తర్వాత BFSI SSC పోర్టల్‌లో లాగిన్ అయి దరఖాస్తు ఫారాన్ని పూర్తి చేసి అవసరమైన పత్రాలను అప్‌లోడ్ చేసి ఫీజు చెల్లించాలి.

గమనిక: కేవలం ఆన్‌లైన్ విధానంలో మాత్రమే దరఖాస్తులు స్వీకరిస్తారు. ఆఫ్‌లైన్ దరఖాస్తులను పరిగణనలోకి తీసుకోరు.

దరఖాస్తు ఫీజు..

జనరల్/ఈడబ్ల్యూఎస్/ఓబీసీ (పురుషులు): రూ.944
జనరల్/ఈడబ్ల్యూఎస్/ఓబీసీ (మహిళలు): రూ.708
ఎస్సీ/ఎస్టీ/దివ్యాంగులు/ట్రాన్స్‌జెండర్ అభ్యర్థులు: రూ.236

దరఖాస్తు గడువు..

ఆన్‌లైన్ దరఖాస్తుల ప్రారంభం: జూన్ 12, 2026
దరఖాస్తు చివరి తేదీ: జూన్ 22, 2026

ఆన్‌లైన్ పరీక్ష (తాత్కాలికంగా): జూలై 2026 మొదటి వారం

English summary

"Central Bank of India" has good news for the unemployed youth aiming to get a job in the banking sector. It has released a huge notification to fill a total of 4,500 apprentice vacancies across the country for the financial year 2026-27.